کے ایس ای 100 انڈیکس میں معمولی اضافہ

پاکستان اسٹاک ایکسچینج (پی ایس ایکس) کا بینچ مارک کے ایس ای 100 انڈیکس جمعہ کے روز مستحکم رہا۔

انڈیکس نے کاروبار کا مثبت آغاز کیا اور انٹرا ڈے کی بلند ترین سطح 79,254.25 پر پہنچ گیا۔

تاہم کاروباری سیشن کے دوسرے ہاف میں سرمایہ کاروں کی جانب سے منافع کے حصول کے نتیجے میں انڈیکس 78 ہزار 917.29 کی کم ترین سطح پر پہنچ گیا۔

اختتام پر بنچ مارک انڈیکس 34.38 پوائنٹس یا 0.04 فیصد اضافے کے ساتھ 78,897.73 پر بند ہوا۔

بروکریج ہاؤس ٹاپ لائن سیکیورٹیز نے اپنی پوسٹ مارکیٹ رپورٹ میں کہا کہ ٹریڈنگ سیشن کے دوران رینج باونڈ سیشن کا مشاہدہ کیا گیا کیونکہ اس نے انٹرا ڈے میں 391 پوائنٹس کی بلند ترین سطح اور منفی 54 پوائنٹس کی کم ترین سطح کے درمیان کاروبار کیا۔

انڈیکس میں مثبت کردار او ایچ سی، ایم اے آر آئی، بی اے ایف ایل، این بی پی اور ایم سی بی کی طرف سے ادا کیا گیا، کیونکہ انہوں نے مجموعی طور پر انڈیکس میں 42 پوائنٹس کا اضافہ کیا۔ دریں اثنا ایم ای بی ایل، اینگرو، ایف ایف سی، ایچ ایم بی اور این اے ٹی ایف کی قدر میں منفی 30 پوائنٹس کی کمی واقع ہوئی۔

ایک اور بروکریج ہاؤس اسماعیل اقبال سیکیورٹیز کا کہنا ہے کہ ایکوئٹی مارکیٹ نسبتا مستحکم رہی کیونکہ سرمایہ کاروں کو عالمی مالیاتی فنڈ (آئی ایم ایف) کی جانب سے مثبت خبرکا انتظار ہے۔

ہفتہ وار بنیادوں پر کے ایس ای 100 میں 0.52 فیصد اضافہ ہوا ہے۔

ٹاپ لائن نے کہا، “اس اضافے کی وجہ اگست 2024 کے مہینے میں افراط زر کے اعداد و شمار کو قرار دیا جا سکتا ہے جو جولائی 2024 میں 11.1 فیصد کے مقابلے میں اگست میں سالانہ 9.6 فیصد رہے۔

ہفتے کے دوران دیگر اہم پیش رفتوں میں اگست 2024 کے لئے پاکستان کا تجارتی خسارہ 1.68 بلین ڈالر (ایم او ایم میں 12 فیصد کمی) اور ٹی بل نیلامی شامل ہیں جہاں حکومت نے 700 ارب روپے کے ہدف کے مقابلے میں 835 ارب روپے اور385 ارب روپے کی میچورٹی حاصل کی۔ بروکریج ہاؤس نے مزید کہا کہ منافع کی شرح بڑی حد تک یکساں رہی۔

عالمی سطح پر ایشیائی حصص کی قیمتوں میں کمی ہوئی اور ڈالر کی قدر میں کمی دیکھی گئی۔

جاپان سے باہر ایشیا بحرالکاہل کے حصص کے ایم ایس سی آئی کے وسیع ترین انڈیکس میں 0.2 فیصد اضافہ ہوا، جو اس ہفتے اب تک 2.3 فیصد گر چکا ہے۔

ہفتے کے دوران نکی 0.1 فیصد گر کر 3.9 فیصد رہ گیا۔

آل شیئر انڈیکس کا حجم جمعرات کے روز 770.52 ملین سے کم ہو کر 743.07 ملین رہ گیا۔

حصص کی مالیت گزشتہ سیشن کے 14.29 ارب روپے سے کم ہو کر 12.90 ارب روپے رہ گئی۔

ورلڈ کال ٹیلی کام 133.25 ملین حصص کے ساتھ سب سے آگے رہا، اس کے بعد پیس (پاک) لمیٹڈ 80.98 ملین حصص کے ساتھ اور فوجی فوڈز لمیٹڈ 46.70 ملین حصص کے ساتھ تیسرے نمبر پر رہا۔

جمعہ کو 444 کمپنیوں کے حصص کا کاروبار ہوا جن میں سے 185 کمپنیوں کے حصص کی قیمتوں میں اضافہ، 201 میں کمی جبکہ 58 میں استحکام رہا۔