پاکستان ترک شہریوں کو بدھ سے مفت آن لائن ویزا دینے کا آغاز کرے گا۔ ان خیالات کا اظہار وزیر داخلہ محسن نقوی نے ترکیہ کے سفیر ڈاکٹر محمد پاکاسی سے ملاقات کے دوران کیا۔
وزارت داخلہ کی جانب سے جاری بیان کے مطابق سفیر ڈاکٹر محمت پاکی نے محسن نقوی سے ملاقات کی اور باہمی دلچسپی کے امور پر تبادلہ خیال کیا۔
اس موقع پر وزیر داخلہ نے کہا کہ بدھ سے ترک شہریوں کو مفت آن لائن ویزا کی سہولت دستیاب ہوگی۔ اس اقدام سے ترک شہریوں کی پاکستان آنے میں آسانی ہوگی۔
بیان میں کہا گیا کہ دونوں فریقین نے سیکیورٹی، پولیس اور سول آرمڈ فورسز کے شعبوں میں تعاون بڑھانے کا فیصلہ کیا ہے۔ بیان میں مزید کہا گیا کہ ملاقات کے دوران ترکیہ کی جیلوں میں قید پاکستانی قیدیوں کی رہائی سے متعلق امور پر بھی تبادلہ خیال کیا گیا۔
Comments