سونے کی فی تولہ قیمت میں ایک ہزار روپے اضافہ

عالمی اور مقامی مارکیٹ میں جمعہ کو سونے کے نرخ میں اضافہ دیکھا گیا۔

عالمی بلین مارکیٹ میں سونا 3 ڈالر کے نمایاں اضافے سے 2373 ڈالر فی اونس کا ہوگیا۔

بین الاقوامی مارکیٹ میں سونے کے نرخ میں اضافے کے باعث مقامی سطح پر بھی فی تولہ سونا 1 ہزار روپے کے اضافے سے 2 لاکھ 51 ہزار 500 روپے پر جاپہنچا۔

اسی طرح دس گرام سونا 858 روپے کے اضافے سے 2 لاکھ 15ہزار 621 روپے کا ہوگیا۔

واضح رہے کہ جمعرات کو سونے کی فی تولہ قیمت میں 2300 روپے کی کمی دیکھی گئی تھی ۔

دریں اثنا چاندی کی فی تولہ قیمت 2860 روپے پر مستحکم رہی ۔

یاد رہے کہ گزشتہ ہفتے سونے کی فی تولہ قیمت 4600 روپے کے نمایاں اضافے سے 2 لاکھ 54 ہزار روپے کی بلند ترین سطح پر جاپہنچی تھی ۔