اٹک میں ہائیڈرو کاربن کی بڑی مقدار دریافت

پاکستان آئل فیلڈز لمیٹڈ (پی او ایل) نے اعلان کیا ہے کہ ضلع اٹک میں اخلاص بلاک میں کھودے گئے جھنڈیال-03 کنویں سے ہائیڈرو کاربن کی بڑی مقدار دریافت ہوئی ہے۔

پیر کو اسٹاک ایکسچینج کو بھیجی گئی معلومات کے مطابق جھنڈیال 03 کنویں کی کھدائی کا کام 12 اکتوبر 2023 کو شروع کیا گیا تھا اور بیس لاک ہارٹ فارمیشن میں 17 ہزار 778 فٹ کی گہرائی کے بعد کامیابی ملی ۔

پی او ایل کا کہنا ہے کہ جھنڈیال-03 کنویں کی کھدائی کا مقصد ساکیسر فارمیشن (ایوسین) میں پہلے سے دریافت شدہ ہائیڈرو کاربن کا اندازہ لگانا اور گہری لوک ہارٹ اور پٹالا فارمیشنز (پیلوسین) کی صلاحیت کا پتہ لگانا تھا۔

یہ کنواں فی الحال سکیسر فارمیشن میں مکمل ہو چکا ہے ۔ توقع ہے کہ یہ کنواں تین ہفتوں کے اندر اندر پروڈکشن لائن سے منسلک ہوجائے گا۔

اخلاص بلاک میں پاکستان آئل فیلڈز لمیٹڈ 80 فیصد ورکنگ انٹرسٹ کے ساتھ آپریٹر ہے جب کہ اٹک آئل کمپنی (اے او سی) 20 فیصد ورکنگ انٹرسٹ رکھتی ہے۔

کنویں سے ہائیڈرو کاربن کا بہاؤ 677-767 بی او پی ڈی اور 7.4-10.2 ایم ایم سی ایف ڈی گیس کے آس پاس نوٹ کیا گیا ہے۔

ٹاپ لائن سیکیورٹیز کے ایک تجزیہ کار نے کہا کہ آمدنی پر سالانہ اثر تقریبا 10 روپے فی حصص ہے جو مالی سال 25 کی آمدنی کا 7.0 فیصد ہے۔

کاپی رائٹ بزنس ریکارڈر، 2024