الیکٹرک وہیکل: دیوان فاروق موٹرز کا گرین موٹرز کے ساتھ ہونری-وی ای کی تیاری کا معاہدہ

پاکستانی آٹو اسمبلر اور مینوفیکچرر دیوان فاروق موٹرز لمیٹڈ (ڈی ایف ایم ایل) نے ای جی ایم ایل کی ہونری وی ای مینوفیکچرنگ کے لیے ای سی او گرین موٹرز لمیٹڈ (ای جی ایم ایل) کے ساتھ ٹول مینوفیکچرنگ کا معاہدہ کیا ہے۔

ڈی ایف ایم ایل نے جمعرات کو پاکستان اسٹاک ایکسچینج (پی ایس ایکس) کو اپنے نوٹس میں بتایا کہ گاڑی کی پیداوار اگست میں شروع ہونے کی توقع ہے۔

اعلامیے میں کہا گیا ہے کہ ڈی ایف ایم ایل نے ای جی ایم ایل کی ہونری وی ای (200 کلومیٹر اور 300 کلومیٹر رینج) کی مینوفیکچرنگ کے لیے ای سی او گرین موٹرز لمیٹڈ (ای جی ایم ایل) کے ساتھ ٹول مینوفیکچرنگ کا معاہدہ کیا ہے اور اس طرح وہ پاکستان میں الیکٹرک گاڑیاں بنانے والی معروف کمپنی بن گئی ہے۔

ایک ٹول مینوفیکچرنگ معاہدہ دو کمپنیوں کے درمیان ہوتا ہے ، جس کے تحت ایک کمپنی کسی مصنوعات کے لئے ڈیزائن یا آئیڈیا کی مالک ہوتی ہے اور دوسری کو مصنوعات یا اس کے حصوں کی تیاری کے لئے میٹریل فراہم کرتی ہے۔

نوٹس میں کہا گیا ہے کہ اس کی پیداوار اگست 2024 کے مہینے میں شروع ہونے کی توقع ہے۔

ایک روز قبل ڈی ایف ایم ایل نے اعلان کیا تھا کہ اس نے ”اسپیشل پرپوز کیا کمرشل وہیکل“ کی کمرشل پروڈکشن دوبارہ شروع کر دی ہے جس کا نام کیا شہزور رکھا گیا ہے اور اس کے اجراء اور لانچ کی تقریب 4 جون کو شیڈول ہے۔

دیوان فاروق موٹرز لمیٹڈ نے ’اسپیشل پرپز کیا کمرشل وہیکل‘ کی کمرشل پروڈکشن دوبارہ شروع کر دی ہے جس کا پروڈکٹ نام کیا ’شہزور‘ ہے۔ اور اس کے اجراء / لانچ کی تقریب 4 جون 2024 کو مقرر کی گئی ہے۔

بیان میں مزید کہا گیا ہے کہ ہم اپنے مضبوط ملک گیر ڈیلر شپ نیٹ ورک کے ذریعے اعلیٰ معیار کی مصنوعات اور بعد از فروخت خدمات کے ساتھ پاکستان کے عوام کی خدمت جاری رکھنا چاہتے ہیں۔

دیوان فاروق موٹرز لمیٹڈ 1998 میں ایک پبلک لمیٹڈ کمپنی کے طور پر پاکستان میں قائم کیا گیا تھا، جو پاکستان میں گاڑیوں کی اسمبلنگ، پروگریسو مینوفیکچرنگ اور فروخت کا کام کرتا ہے۔

2022 میں ڈی ایف ایم ایل نے کہا کہ اس نے پاکستان میں اپنی گاڑیاں بنانے اور اسمبل کرنے کے لیے کوریا کی کیا کارپوریشن کے ساتھ ٹیکنالوجی لائسنس معاہدہ (ٹی ایل اے) کیا تھا۔

کمپنی کے حصص کی قیمت گزشتہ چند ہفتوں سے غیر مصدقہ اطلاعات کے درمیان بڑھ رہی ہے کیونکہ وہ ایک گاڑی لانچ کر رہی ہے۔

دوپہر 2 بج کر 45 منٹ پر حصص کی قیمت 44 روپے 10 پیسے کے لگ بھگ تھی جو کاروباری سیشن کے دوران 2 روپے 68 پیسے بڑھ گئی ہے۔

ڈی ایف ایم ایل کے حصص کی قیمت یکم اپریل کو 16.43 روپے سے بڑے پیمانے پر بڑھ گئی ہے۔