وزیر خزانہ کو صنعتی شعبے کے مسائل پر بریفنگ
وفاقی وزیر خزانہ محمد اورنگزیب کی زیر صدارت فنانس ڈویژن میں توانائی سے متعلق صنعتی شعبے کو درپیش چیلنجز سے نمٹنے کے لیے اجلاس ہوا۔
اجلاس میں وفاقی وزیر توانائی سردار اویس احمد خان لغاری، وزیر پٹرولیم ڈاکٹر مصدق ملک، وزیر تجارت جام کمال خان، وزیر صنعت و پیداوار رانا تنویر حسین ، نیشنل کوآرڈینیٹر ایس آئی ایف سی میجر جنرل تبسم حبیب ، ڈپٹی چیئرمین پلاننگ کمیشن جہانزیب خان، چیئرمین اپٹما آصف انعام اور دیگر ممتاز صنعتکار اور متعلقہ وفاقی سیکرٹریزنے شرکت کی ۔
اجلاس میں بنیادی ایجنڈا کاروباری برادری کو متاثر کرنے والے توانائی شعبے کے مسائل کو حل کرنے کے لئے تبادلہ خیال اور حل تیار کرنا تھا۔ پاکستان ٹیکسٹائل کونسل کے چیئرمین اور نشاط چونیاں لمیٹڈ کے چیف ایگزیکٹو شہزاد سلیم نے توانائی کی قیمتوں پر توجہ مرکوز کرتے ہوئے چیلنجز اور مجوزہ اقدامات کا جامع جائزہ پیش کیا۔
وزیر خزانہ نے صنعت کی طرف سے اٹھائے گئے مسائل کو سراہا اور یقین دلایا کہ حکومت تاجر برادری کو تعاون فراہم کرنے کے لیے پرعزم ہے اور بجلی کی مستحکم فراہمی کو یقینی بنانے کے لیے تمام ضروری اقدامات اٹھائے گی۔ وزیر خزانہ نے ایم این اے علی پرویز ملک کو مسائل کے جلد حل کے لیے وزارتوں کے ساتھ رابطہ کاری کے لیے فوکل پرسن نامزد کیا۔
کاپی رائٹ بزنس ریکارڈر، 2024
Comments
Comments are closed.