اسٹریٹیجک ریاستی ملکیتی اداروں کا کوئی تصور نہیں، وزیر خزانہ

وزیر خزانہ محمد اورنگزیب نے نجکاری پر زور دیتے ہوئے کہاہے کہ اسٹریٹیجک ریاستی ملکیتی اداروں جیسی کوئی بات نہیں ہے۔

لاہور میں وزیر خزانہ کی جانب سے یہ ریمارکس نائب وزیر اعظم اسحاق ڈار کی جانب سے اس بیان ، حکومت صرف اسٹریٹیجک اور ضروری ریاستی ملکیتی اداروں کو فوقیت دے گی ، کے بعد سامنے آئے ہیں۔

کابینہ کمیٹی برائے نجکاری ( سی سی او پی) کے اجلاس کی صدارت کرتے ہوئے اسحاق ڈار نے کہا کہ خسارے میں چلنے والے ریاستی اسٹریٹجیک اداروں کی نجکاری اولین ترجیح ہوگی، اجلاس میں وزیر خزانہ نے بھی شرکت کی تھی۔

اتوار کو اپنے خطاب میں وزیر خزانہ نے کہا کہ اسٹریٹیجک ریاستی ملکیتی اداروں کا تصور ہی نہیں ہے۔

جمعہ کو اسحاق ڈار کی زیر صدارت اجلاس سے متعلق انہوں نے کہا کہ ہم بالکل ایک صفحے پر ہیں، اسٹریٹجک ایس او ای نام کی کوئی چیز نہیں ہے۔

تاہم انہوں نے ہفتے کے روز کہا کہ ہم مختلف وزارتوں سے ملاقات کریں گے اور سفارش کریں گے کہ یہ سب کچھ نجی شعبے کے ہاتھ میں دے دیا جائے۔

انہوں نے کہا کہ پبلک پرائیویٹ پارٹنرشپ ہوگی اور ہم نجکاری کے ایجنڈے کو تیز کریں گے۔

وزیر خزانہ نے ٹیکس وصولی اتھارٹی کو ڈیجیٹل کر کے ٹیکس کی بنیاد کو وسیع کرنے کا وعدہ کیا۔

انہوں نے زور دے کر کہا کہ ملک میں ٹیکس دہندگان میں اضافے کے لیے کیے گئے اقدامات کو واپس نہیں لے سکتے۔

انہوں نے کہا کہ جب ٹیکس بجٹ 9.4 ٹریلین روپے تھا، صرف 8 سے 10 ٹریلین روپے کے درمیان غیر دستاویزی معیشت استعمال میں تھی۔

انہوں نے کہا کہ زرمبادلہ کے حوالے سے ہنگامی اقدامات کی ضرورت ہے۔ انہوں نے مزید کہا کہ معیشت کے غیر قانونی شعبے کو قانونی شعبوں ممیں ضم کرنے کی ضرورت ہے۔

وزیر خزانہ نے کہا کہ ڈیجیٹلائزیشن واحد قابل عمل آپشن ہے۔

انہوں نے کہا کہ ہم ڈیزائن اور عمل درآمد پر کام کرنے کے لیے جامع ڈیجیٹیلائزیشن کی طرف بڑھ رہے ہیں۔ انہوں نے مزید کہا کہ جب انسانی معاملات کم ہوں گے ٹیکس دہندگان میں بھی اضافہ ہوگا اور شفافیت بھی بڑھے گی۔

اپنی خطاب کے دوران انہوں نے بتایا کہ پاکستان اور آئی ایم ایف کے درمیان باضابطہ بات چیت کل سے اسلام آباد میں شروع ہوگی۔

انہوں نے کہا کہ حکومت جن تین شعبوں پر توجہ دے رہی تھی ان میں توانائی، ٹیکس سے جی ڈی پی کا تناسب، اور نجکاری کا ایجنڈا اور ریاستی ملکیتی اداروں (ایس او ای) میں اصلاحات تھیں۔

انہوں نے کہا کہ قوانین، قواعد و ضوابط کا نفاذ ضروری ہے،حکومت ٹریک اینڈ ٹریس سسٹم کو آگے بڑھا رہی ہےاور ہمیں کوتاہیاں ختم کرنا ہوں گی۔

وزیر خزانہ کا یہ بیان اس وقت سامنے آیا ہے جب وزیر اعظم شہباز شریف نے چیئرمین فیڈرل بورڈ آف ریونیو (ایف بی آر)، سیکرٹری خزانہ اور سیکرٹری وزارت تجارت پر مشتمل ایک کمیٹی تشکیل دی تھی جو تاجر برادری کی طرف سے اٹھائے گئے ان مسائل کو حل کرنے کے لیے جو تاجر دوست اسکیم پر عملدرآمد میں رکاوٹ ہے۔

معلوم ہوا ہے کہ ہفتے کو وزیر اعظم شہباز شریف اور تاجر دوست اسکیم 2024 کے چیف کوآرڈینیٹر نعیم میر کے درمیان ملاقات میں اسکیم پر عمل درآمد میں حائل رکاوٹوں پر تبادلہ خیال کیا گیا۔

نعیم میر آل پاکستان انجمن تاجران کی سپریم کونسل کے چیئرمین ہیں اور اسکیم کے کامیاب نفاذ کے لیے خوردہ فروشوں اور تھوک فروشوں کی سہولت کی نگرانی کریں گے۔

تاجروں اور تاجر برادری کے نمائندوں نے وزیراعظم کو آگاہ کیا کہ تاجر اور دکاندار رجسٹریشن کے لیے تیار ہیں لیکن اصل مسئلہ ٹیکس کی ادائیگی کا ہے۔ تکنیکی اور قانونی مسائل کو حل کرنے کی ضرورت ہے۔

وزیر اعظم نے مبینہ طور پر امیر طبقے اور ممکنہ ٹیکس دہندگان پر ٹیکس لگانے کے عزم کا اظہار کیا، تاہم وہ تاجروں اور تاجروں کے تحفظات سننے کے لیے تیار تھے۔