سونے کی فی تولہ قیمت میں 1400 روپے کی کمی

عالمی و مقامی مارکیٹوں میں سونے کی قیمتوں میں جمعہ کو بھی کمی دیکھی گئی ۔

عالمی بلین مارکیٹ میں سونا 11 ڈالر کی کمی سے 2,297 ڈالر فی اونس کا ہوگیا ۔

بین الاقوامی مارکیٹ میں سونے کے نرخ میں کمی کے باعث مقامی سطح پربھی فی تولہ سونا 1400روپے کی کمی سے 2 لاکھ 39 ہزار 600 روپے کا ہوگیا ۔

اسی طرح دس گرام سونا1201 روپے کی کمی سے 2 لاکھ 5 ہزار418 روپے کا ہوگیا ۔

یاد رہے کہ جمعرات کو سونے کی فی تولہ قیمت میں 900 روپے کی کمی ہوئی تھی۔

دریں اثناء چاندی کی فی تولہ قیمت 2620 روپے پر مستحکم رہی۔

واضح رہے کہ گزشتہ پانچ روز کے دوران سونے کی فی تولہ قیمت میں 5 ہزار 400 روپے کی کمی دیکھی گئی ہے ۔

یاد رہے کہ اپریل میں سونے کی فی تولہ قیمت 2 لاکھ 52 ہزار 200 روپے کی بلند ترین سطح پر جاپہنچی تھی ۔