چینی معیشت میں تیزی سے تیل کی عالمی قیمتوں میں اضافہ

چینی معشیت میں غیر معمولی تیزی کے سبب منگل کو تیل کی قیمتوں میں اضافہ ہوا، تاہم مشرق وسطیٰ میں جاری کشیدگی اور ایران کی جانب سے گزشتہ ہفتے کے اواخر میں اسرائیل پر جوابی حملوں کے اعلان نے مارکیٹ کو ایک کنارے پر رکھا۔

جون ڈیلیوری کے لیے برینٹ فیوچر 48 سینٹ یا 0.5 فیصد بڑھ کر 90.58 ڈالر فی بیرل ہو گیا۔ مئی کی ڈیلیوری کے لیے یو ایس کروڈ فیوچر 49 سینٹ یا 0.6 فیصد بڑھ کر 85.90 ڈالر فی بیرل ہو گیا۔

دنیا کے سب سے بڑے تیل درآمد کنندہ چین میں ٹھوس اقتصادی ترقی کی بنیاد پر بینچ مارکس میں اضافہ ہوا۔

سرکاری مجموعی گھریلو پیداوار میں پہلی سہ ماہی میں، سالانہ بنیاد پر 5.3 فیصد اضافہ ہوا، حکومتی اعداد و شمار نے تجزیہ کاروں کی توقعات کو یکسر غلط ثابت کردیا ہے۔

ترقی کو پالیسی سازوں کے لیے ایک خوش آئند علامت کے طور پر دیکھا جا رہا ہے جو اعتماد بڑھانے کی کوشش کر رہے ہیں، لیکن جائیداد کی سرمایہ کاری، ریٹیل سیلز اور صنعتی پیداوار سمیت دیگر اشاریوں کے کے انبار نے ظاہر کیا کہ پراپرٹی کے طویل بحران کے باوجود مانگ کمزور رہی۔

تیل کی قیمتیں گزشتہ ہفتے اکتوبر کے بعد سے بلند ترین سطح پر پہنچ گئیں، لیکن پیر کو ایران کے حملوں کے بعد گر گئی، جسے اس کی حکومت نے دمشق کے قونصل خانے پر فضائی حملے کا بدلہ قرار دیا، جس سے صرف معمولی نقصان ہوا۔

اسرائیل کا ردعمل اس بات کا تعین کرے گا کہ کشیدگی ختم ہوتی ہے یا جاری رہتی ہے۔

اے این زیڈ ریسرچ کے تجزیہ کاروں نے منگل کے روز ایک نوٹ میں کہا کہ تنازعہ اب بھی اسرائیل، ایران اور اس کے پراکسیوں تک محدود ہو سکتا ہے، جس میں امریکہ کی ممکنہ شمولیت ہے۔

اسرائیل کے وزیر اعظم بنجمن نیتن یاہو نے پیر کے روز اپنی جنگی کابینہ کو 24 گھنٹوں سے بھی کم عرصے میں دوسری بار طلب کیا تاکہ اس بات پر غور کیا جا سکے کہ اسرائیل پر ایران کے پہلے براہ راست حملے پر کیا ردعمل ظاہر کیا جائے۔

ایران پیٹرولیم برآمد کرنے والے ممالک کی تنظیم (اوپیک) کے اندر ایک بڑے پروڈیوسر کے طور پر خام تیل کی یومیہ 30 لاکھ بیرل سے زیادہ پیداوار کرتا ہے۔