نائب وزیراعظم اور وزیر خارجہ محمد اسحاق ڈار نےجدہ میں منعقدہ او آئی سی کے وزرائے خارجہ کونسل کے غیر معمولی اجلاس کے موقع پر آذربائیجان کے وزیر خارجہ جیہون بیراموف اور انڈونیشیا کے وزیر خارجہ سوگیونو سے علیحدہ علیحدہ ملاقات کی۔

ترجمان دفتر خارجہ کے مطابق آذربائیجان کے صدر کے حالیہ دورہ پاکستان کو یاد کرتے ہوئے فریقین نے باہمی دلچسپی کے شعبوں میں تعاون کو فروغ دینے اور دوطرفہ تعلقات کو فروغ دینے پر اتفاق کیا۔

انڈونیشیا کے وزیر خارجہ سوگیونو کے ساتھ ملاقات میں دونوں فریقین نے دونوں ممالک کے درمیان تاریخی برادرانہ تعلقات کا اعادہ کیا اور مختلف شعبوں میں تعاون کو مزید گہرا کرنے پر اتفاق کیا۔