عالمی مالیاتی فنڈ (آئی ایم ایف) نے مالی سال 2025میں پاکستان کے لیے جی ڈی پی شرح نمو کا تخمینہ 3.5 فیصد پر برقرار رکھا ہے۔
ورلڈ اکنامک آؤٹ لک (ڈبلیو ای او) اپ ڈیٹ: دی گلوبل اکانومی ان اے اسٹیکی اسپاٹ’ میں کہا گیا ہے کہ مالی سال 2025 میں پاکستان کی جی ڈی پی 3.5 فیصد رہنے کا تخمینہ لگایا گیا ہے جو 2024 میں 2 فیصد تھا۔
فنڈ نے اپریل 2024 میں جاری کردہ ڈبلیو ای او میں پاکستان کے لئے جی ڈی پی کا وہی تخمینہ لگایا تھا۔
عالمی بینک نے مالی سال 25-2024 میں پاکستان کی جی ڈی پی شرح نمو 2.3 فیصد رہنے کا تخمینہ لگایا ہے جبکہ حکومت نے 3.6 فیصد کا تخمینہ لگایا تھا۔ آئی ایم ایف نے کہا ہے کہ عالمی ترقی اپریل 2024 کی ڈبلیو ای او کی پیش گوئی کے مطابق ہونے کی توقع ہے ، جو 2024 میں 3.2 فیصد اور 2025 میں 3.3 فیصد ہوگی۔ تاہم، سال کے اختتام پر سرگرمیوں کسی حد تک کمی آئی ہے، کیونکہ گردشی عوامل میں کمی ہوئی ہے اور سرگرمی اس کی صلاحیت کے ساتھ بہتر طور پر ہم آہنگ ہو جاتی ہے۔
خدمات کی قیمتوں میں افراط زر میں کمی پر پیش رفت رک رہی ہے ، جو مالیاتی پالیسی کو معمول پر لانے میں پیچیدگی پیدا کررہی ہے۔ اس طرح افراط زر کے خطرات میں اضافہ ہوا ہے ، جس سے تجارتی تناؤ میں اضافے اور بڑھتی ہوئی پالیسی غیر یقینی صورتحال کے تناظر میں طویل عرصے تک زیادہ شرح سود برقرار رہنے کےامکانات بڑھ گئے ہیں۔
ان خطرات کا انتظام کرنے اور ترقی کو برقرار رکھنے کے لئے، پالیسی مکس کو احتیاط سے ترتیب دیا جانا چاہئے تاکہ قیمتوں میں استحکام حاصل کیا جاسکے اور کم بفرز کو دوبارہ بھرا جاسکے۔ آئی ایم ایف نے مزید کہا کہ سال کے اختتام پر عالمی سرگرمیوں اور عالمی تجارت میں استحکام آیا، ایشیا سے مضبوط برآمدات، خاص طور پر ٹیکنالوجی کے شعبے میں تجارت کو فروغ ملا ہے۔
کاپی رائٹ بزنس ریکارڈر، 2024