نیا ریکارڈ اضافہ، پاکستان میں فی تولہ سونے کی قیمت 3 لاکھ 14 ہزار 800 روپے ہوگئی

اپ ڈیٹ 17 مارچ 2025

سونے کی قیمتوں میں اضافے کا سلسلہ تھم نہ سکا جس کے نتیجے میں عالمی و مقامی مارکیٹوں میں سونے کی قیمتیں تاریخ کی نئی بلند ترین سطح پر پہنچ گئیں۔

عالمی بلین مارکیٹ میں سونا 13 ڈالر کے اضافے سے 2997 ڈالر فی اونس کا ہوگیا۔

بین الاقوامی مارکیٹ میں سونے کے نرخ میں اضافے کے باعث مقامی سطح پر بھی فی تولہ سونا 1100 روپے کے بڑے اضافے سے 3 لاکھ 14 ہزار 800 روپے پر جاپہنچا۔

اسی طرح دس گرام سونے کی قیمت 943 روپے کے نمایاں اضافے سے دو لاکھ 69 ہزار 890 روپے ہوگئی۔

یاد رہے کہ ہفتہ کو سونے کی فی تولہ قیمت 300 روپے کی کمی سے 3 لاکھ 13 ہزار 700 روپے ہوگئی تھی ۔

دریں اثنا چاندی فی تولہ قیمت 3 ہزار 530 روپے پر مستحکم رہی۔

Read Comments