سونے کی فی تولہ قیمت گزشتہ روز ریکارڈ سطح پر پہنچنے کے بعد آج بین الاقوامی نرخوں میں کمی کے تناظر میں پاکستان میں فی تولہ سونے کی قیمت میں 2 ہزار روپے کی کمی ریکارڈ کی گئی۔ مقامی صرافہ بازاروں میں جمعہ کو 2 ہزار روپے کی کمی کے بعد فی تولہ سونا 3 لاکھ 7 ہزار روپے کا ہوگیا۔
آل پاکستان جیمز اینڈ جیولرز صرافہ ایسوسی ایشن (اے پی جی جے ایس اے) کے مطابق 10 گرام سونے کی قیمت 1714 روپے کمی کے بعد 2 لاکھ 63 ہزار 203 روپے ہوگئی۔
جمعرات کو پاکستان میں سونے کی فی تولہ قیمت ایک ہزار روپے اضافے سے 3 لاکھ 9 ہزار روپے کی بلند ترین سطح پر پہنچ گئی تھی۔
بین الاقوامی سطح پر سونے کی قیمت میں کمی ہوئی ہے۔ اے پی جی جے ایس اے کے مطابق فی اونس سونے کی قیمت 2،930 ڈالر تھی، جس میں کاروباری دن کے دوران 23 ڈالر کی کمی آئی۔
دوسری جانب چاندی کی فی تولہ قیمت 38 روپے کمی سے 3 ہزار 430 روپے ہوگئی۔