عالمی و مقامی مارکیٹوں میں ہفتے کو سونے کی قیمتوں میں کمی ریکارڈ کی گئی ۔

عالمی بلین مارکیٹ میں سونا 8 ڈالر کی کمی سے 2861 ڈالر فی اونس کا ہوگیا۔

بین الاقوامی مارکیٹ میں سونے کے نرخ میں کمی کے باعث مقامی سطح پر بھی فی تولہ سونا 1046 روپے کی کمی سے 2 لاکھ 99 ہزار روپے کا ہوگیا۔

اسی طرح دس گرام سونا 897 روپے کی کمی سے 2 لاکھ 56 ہزار 344 روپے کا ہوگیا۔

یاد رہے کہ جمعہ کو سونے کی فی تولہ قیمت ایک ہزار 346 روپے کے اضافے سے تاریخ میں پہلی بار 3 لاکھ روپے کی سطح عبور کرتے ہوئے 3 لاکھ 46 روپے پر جاپہنچی تھی۔

دریں اثنا چاندی کی فی تولہ قیمت 48 روپے کمی سے 3 ہزار 330 روپے ہوگئی۔