اسٹیٹ بینک آف پاکستان (ایس بی پی) کے زرمبادلہ کے ذخائر میں ہفتہ وار بنیادوں پر 4 کروڑ 40 لاکھ ڈالر کا اضافہ ہوا ہے اور یہ 31 جنوری کو ختم ہونے والے کاروباری ہفتے میں 11.42 ارب ڈالر تک پہنچ گئے ہیں۔ یہ بات مرکزی بینک نے جمعرات کو جاری تازہ اعداد و شمار میں بتائی ہے۔

ملک کے کل مائع زرمبادلہ کے ذخائر 16.04 ارب ڈالر رہے۔ کمرشل بینکوں کے پاس موجود خالص زرمبادلہ کے ذخائر 4.62 ارب ڈالر رہے۔

مرکزی بینک نے ذخائر میں اضافے کی کوئی وجہ نہیں بتائی۔

رپورٹ کے مطابق 31 جنوری 2025 کو ختم ہونے والے کاروباری ہفتے کے دوران اسٹیٹ بینک کے ذخائر 4 کروڑ 60 لاکھ ڈالر اضافے سے 11 ہزار 418.3 ملین ڈالر ہوگئے۔

گزشتہ ہفتے اسٹیٹ بینک کے زرمبادلہ کے ذخائر میں 7کروڑ 60 لاکھ ڈالر کی کمی ریکارڈ کی گئی۔