روس کی پارلیمنٹ کے ایوان زیریں اسٹیٹ ڈوما کے چیئرمین ویاچیسلاو وولودین نے اتوار کے روز کہا کہ وہ ’اہم‘ بات چیت کے سلسلے میں ہندوستان روانہ ہو رہے ہیں۔
روسی صدر ولادیمیر پیوٹن کے قریبی ساتھی وولودین نے اپنی ٹیلی گرام میسجنگ ایپ پر ایک پوسٹ میں کہا کہ ’ہم رات گئے تک نئی دہلی میں ہوں گے، کل اہم ملاقاتیں اور مذاکرات کی منصوبہ بندی کی گئی ہے‘۔
انہوں نے کہا کہ بھارت اسٹریٹجک پارٹنر ہے۔ ہمارے اس کے ساتھ دیرینہ اعتماد اور باہمی مفاد پر مبنی تعاون کے تعلقات ہیں۔ تمام شعبوں میں رابطے استوار کرنا ضروری ہے۔