پاکستان پیٹرولیم لمیٹڈ (پی پی ایل) کے ماتحت ادارے پی پی ایل ایشیا ای اینڈ پی بی وی (پی پی ایل ایشیا) کو مڈلینڈ آئل کمپنی (ایم ڈی او سی) سے 6 ملین ڈالر کی سیٹلمنٹ رقم موصول ہوگئی ہے۔

پاکستان کی سب سے بڑی ایکسپلوریشن اینڈ پروڈکشن (ای اینڈ پی) کمپنیوں میں سے ایک پی پی ایل نے پیر کو پاکستان اسٹاک ایکسچینج (پی ایس ایکس) کو اپنے نوٹس میں اس پیش رفت سے آگاہ کیا۔

بیان میں مزید کہا گیا ہے کہ “یہ خط میں مڈلینڈ آئل کمپنی (ایم ڈی او سی) کے ساتھ بلاک 8، عراق کے لئے ایکسپلوریشن، ڈیولپمنٹ اینڈ پروڈکشن سروس کنٹریکٹ (ای ڈی پی ایس سی) کے حوالے سے ہمارے کامیاب تصفیے کے بارے میں ہے۔

نوٹس میں کہا گیا ہے کہ ’ہمیں اب یہ بتاتے ہوئے خوشی ہو رہی ہے کہ کمپنی کے ماتحت ادارے پی پی ایل ایشیا ای اینڈ پی بی وی (پی پی ایل اے) کو مذکورہ ای ڈی پی ایس سی کو بند کرنے کے سلسلے میں 3 جنوری 2025 کو 6 0 لاکھ ڈالر کی رقم موصول ہوئی ہے۔‘

پی پی ایل نے اس بات پر روشنی ڈالی کہ ادائیگی کلوز آؤٹ اور تصفیے کے کامیاب اختتام کی علامت ہے۔

اکتوبر 2024 میں پی پی ایل ایشیا نے مڈلینڈ آئل کمپنی کے ساتھ عراق میں بلاک 8 کے لیے معاہدے کو حتمی شکل دی۔

تصفیے کے معاہدے پر 6 اکتوبر 2024 کو بغداد، عراق میں پی پی ایل ایشیا کے منیجنگ ڈائریکٹر اے عمران عباسی اور ایم ڈی او سی کے ڈائریکٹر جنرل محمد یاسین حسن نے باضابطہ طور پر دستخط کیے۔

پی پی ایل نے اس وقت بتایا تھا کہ تصفیے کے معاہدے کی شرائط کے تحت ایم ڈی او سی تیسرے فریق کے ذریعے پی پی ایل ایشیا کو 6 ملین ڈالر کی خالص ادائیگی کرے گی۔

کمپنی نے مزید کہا کہ یہ تصفیہ ”عراقی حکام کے ساتھ مسلسل مذاکرات کا نتیجہ ہے، جو پی پی ایل ایشیا اور کمپنی کے لئے اپنے مالی مفادات کے تحفظ اور حفاظت کے ساتھ بلاک 8 میں اپنے معاہدے کو کامیابی سے مکمل کرنے میں ایک اہم سنگ میل ہے“۔

پی پی ایل ایشیا کو 2012 میں عراق میں بلاک 8 کے لئے ای ڈی پی ایس سی کا لائسنس دیا گیا تھا اور اپریل 2019 میں بلاک 8 کے مدین -1 کنویں میں ڈرلنگ کا آغاز کیا گیا تھا ، جس کے نتیجے میں مالی سال 20 میں تیل کے ذیلی تجارتی حجم کی دریافت ہوئی تھی۔ نتیجتا، کنویں کو پلگ کرکے چھوڑ دیا گیا۔