گزشتہ کاروباری سیشن میں قیمتیں مستحکم رہنے کے بعد عالمی مارکیٹ میں سونے کی نرخ میں کمی کے تناظر میں منگل کے کاروباری روز پاکستان میں بھی سونے کی قیمتوں میں کمی واقع ہوئی ہے۔ مقامی صرافہ مارکیٹوں میں سونے کی فی تولہ قیمت ایک روز میں 800 روپے کمی کے بعد 2 لاکھ 72 ہزار 600 روپے ہوگئی۔

آل پاکستان جیمز اینڈ جیولرز ایسوسی ایشن (اے پی جی جے ایس اے) کے مطابق 10 گرام سونے کی قیمت 685 روپے کمی کے بعد 2 لاکھ 33 ہزار 711 روپے ہوگئی۔

پیر کو پاکستان میں سونے کے نرخ مستحکم رہے تھے۔

اے پی جی جے ایس کے مطابق منگل کے روز سونے کے بین الاقوامی نرخ میں واقع ہوئی ہے اور کاروباری سیشن کے دوران 8 ڈالر کی کمی کے بعد فی اونس سونے کی قیمت 2،614 ڈالر ہوگئی ہے۔

دوسری جانب چاندی کی فی تولہ قیمت 3 ہزار 350 روپے پر مستحکم رہی۔