حکومتی ٹیم نے اتوار کو متحارب قبائلی گروپوں کے درمیان 7 روزہ جنگ بندی کا معاہدہ کرانے میں کامیابی حاصل کرلی ہے۔ یہ بات ٹیم یں شامل ایک رکن نے بتائی ہے۔ معاہدے کے نتیجے میں ضلع کرم میں کئی روز سے جاری جھڑپیں ختم ہوگئی ہیں جس کے نتیجے میں کم ازکم 68 افراد مارے گئے جبکہ درجنوں زخمی ہوئے ہیں۔

صوبائی وزیر اطلاعات اور حکومتی ترجمان محمد علی سیف نے خبر رساں ادارے روئٹرز کو بتایا کہ دونوں حریف قبائل کے رہنماؤں نے ان حملوں کو روکنے پر اتفاق کیا ہے جو جمعرات کو مسلح افراد کی جانب سے شہری گاڑیوں کے قافلوں پر حملے کے بعد شروع ہوئے تھے، جس میں کم از کم 40 افراد ہلاک ہوئے تھے۔