باخبر ذرائع نے بزنس ریکارڈر کو بتایا کہ جاپان انٹرنیشنل کوآپریشن ایجنسی (جائیکا) اور نیشنل ٹرانسمیشن اینڈ ڈسپیچ کمپنی (این ٹی ڈی سی) پنجاب ٹرانسمیشن لائن اور گرڈ اسٹیشن منصوبے کے لئے ٹائم لائنز کے ساتھ ایک مشترکہ ایکشن پلان تیار کریں گے۔
یہ فیصلہ اقتصادی امور ڈویژن (ای اے ڈی) میں ہونے والے ایک حالیہ اجلاس میں کیا گیا جس کا مقصد حکومت جاپان کے تعاون سے ترقیاتی پورٹ فولیو پر عمل درآمد کی پیشرفت کا جائزہ لینا اور رکاوٹوں کو دور کرنا تھا۔
ذرائع کا کہنا ہے کہ جائیکا کو این ٹی ڈی سی گوداموں کی بحالی کے لیے اشیاء کی خریداری میں نمایاں تاخیر پر تشویش ہے جو سیلاب 2022 میں استعمال ہوئے تھے۔
ذرائع کے مطابق فیصلہ کیا گیا کہ این ٹی ڈی سی اور جائیکا 31 اکتوبر 2024 تک ورکنگ لیول کا اجلاس منعقد کریں گے جس میں ٹائم لائنز کے ساتھ مشترکہ ایکشن پلان تیار کیا جائے گا اور وزارت توانائی (پاور ڈویژن) کے ذریعے ای اے ڈی کے ساتھ شیئر کیا جائے گا۔ ای اے ڈی جائیکا سمیت تمام اسٹیک ہولڈرز کو مسائل کو حل کرنے میں سہولت فراہم کرے گا تاکہ خریداری کے عمل کو جلد از جلد مکمل کیا جاسکے۔
ای اے ڈی پہلے ہی این ٹی ڈی سی کی جانب سے جے آئی سی اے کے ساتھ قرض کی بندش کی مدت میں 30 جون 2025 تک توسیع کی درخواست شیئر کرچکا ہے۔ تاہم مارچ 2026 تک توسیع کی درخواست پر نظر ثانی کا معاملہ مذکورہ ایکشن پلان کی بنیاد پر جاپانی فریق کے سامنے اٹھایا جائے گا جو این ٹی ڈی سی اور جائیکا کی جانب سے مشترکہ طور پر تیار کیا جائے گا۔
اسلام آباد برہان ٹرانسمیشن لائن منصوبے پر تبادلہ خیال کے دوران بتایا گیا کہ سینٹرل ڈویلپمنٹ ورکنگ پارٹی (سی ڈی ڈبلیو پی) سے نظر ثانی شدہ پی سی ون کی جلد از جلد منظوری درکار ہے۔ اجلاس میں فیصلہ کیا گیا کہ پاور ڈویژن/این ٹی ڈی سی آئندہ سی ڈی ڈبلیو پی اجلاس میں سینئر سطح کی نمائندگی کو یقینی بنائے گا۔
یہ بھی فیصلہ کیا گیا کہ این ٹی ڈی سی فورم کی جانب سے اٹھائے گئے مشاہدات کے تسلی بخش جوابات/ وضاحتیں تیار کرے گا۔ ای اے ڈی، این ٹی ڈی سی اور جائیکا 31 اکتوبر 2024 سے قبل نظر ثانی شدہ پی سی ون کا جائزہ لینے اور اس پر تبادلہ خیال کرنے کے لیے ایک خصوصی اجلاس منعقد کریں گے۔
اجلاس میں پاکستان انسٹی ٹیوٹ آف میڈیکل سائنسز میں زچہ و بچہ کے صحت مرکز اور چلڈرن ہسپتال میں انتہائی نگہداشت کی توسیع کے منصوبے پر تبادلہ خیال کرتے ہوئے پی سی 4 کی منظوری اور پی سی ون کے مطابق 395 اسامیوں کی تخلیق اور نئی تعمیر شدہ سہولت کے لئے عملے کی بھرتی کے زیر التوا کام کا جائزہ لیا گیا۔
اجلاس میں فیصلہ کیا گیا کہ وزارت نیشنل ہیلتھ سروسز، ریگولیشنز اینڈ کوآرڈینیشن/ پمز ایک ایکشن پلان تیار کرے گی جس میں پاک پی ڈبلیو ڈی سے سی ڈی اے کو پمز منصوبے کی منتقلی، پی سی 4 جمع کرانے اور 395 اسامیوں/ بھرتیوں کی تخلیق کے حوالے سے ٹائم لائنز شامل ہوں گی اور اسے 31 اکتوبر 2024 تک ای اے ڈی کے ساتھ شیئر کیا جائے گا۔
کے پی میں سیلاب سے متاثرہ علاقوں میں زچہ و بچہ کی دیکھ بھال کے آلات کی بحالی کے منصوبے کے بارے میں اجلاس کو آگاہ کیا گیا کہ منظوری کے لئے پی سی ون پیش کرنے کے لئے محکمہ خزانہ، حکومت کے پی کے کی منظوری درکار ہے۔
اجلاس میں فیصلہ کیا گیا کہ محکمہ صحت خیبر پختونخوا 31 اکتوبر 2024 تک سی ڈی ڈبلیو پی سے پی سی ون کی منظوری کو یقینی بنائے گا تاکہ حکومت جاپان کی جانب سے منصوبے کی منظوری کے لیے مقررہ ٹائم لائنز کو پورا کیا جا سکے۔
کاپی رائٹ بزنس ریکارڈر، 2024