اگر پاکستانی کمپنیوں کے لیے سیمنٹ کے کاروبار سے ایک سبق سیکھنے کی بات کی جائے تو وہ یہ ہے کہ کس طرح طلب میں کمی کے باوجود منافع کمایا جا سکتا ہے۔ مارکیٹ میں ہمیشہ افواہیں گردش کرتی رہی ہیں کہ یہ قیمتیں بڑھانے کیلئے گٹھ جوڑ کام یعنی کارٹیل کی طرح کام کرتی ہے اور کچھ تاریخی شواہد اس بات کی نشاندہی کرتے ہیں۔ لیکن ایسے ملک میں جہاں سیاسی تعلقات اور اثر و رسوخ پالیسی کا تعین کرتے ہیں اور نظام کمزور اور کرپشن کے ہاتھوں ناتواں ہو سیمنٹ کا کارٹیل زیادہ تر بے ضرر ہی ہے۔

یہاں ایک چھوٹی سی وضاحت ہے: کوئلہ استعمال کرنے والی اس صنعت کا ماحولیاتی اثر—بڑے پیمانے پر CO2 کے اخراج سے لے کر مقامی کمیونٹیوں کو متاثر کرنے والی پانی اور ہوا کی آلودگی تک—شاید پوری طرح دستاویزی شکل میں موجود نہ ہو، لیکن یہ بہت اہم ہے اور اسے نظرانداز نہیں کیا جانا چاہیے۔ یہ معاملہ ای پی اے (ماحولیات کے تحفظ کی ایجنسی) سے متعلق ہے کہ وہ قوانین کی خلاف ورزیوں پر سزا دینے پر عملدرآمد کرے اور حکومت کو اسے طویل مدتی مشترکہ پالیسی کے طور پر اٹھانا چاہیے۔

لیکن یہاں کچھ کمپنیاں ہیں جنہوں نے اس بات کو یقینی بنانے کے لیے بڑی رقم خرچ کی ہے کہ ان کے پاس متعدد ایندھن کے ذرائع موجود ہیں جو اندرون خانہ پیدا کیے جا سکتے ہیں تاکہ ان کی بجلی کی ضرورت کو پورا کیا جا سکے جس سے توانائی اور لاگت کی مؤثر کارکردگی میں بہتری آئی ہے۔ انہوں نے مارکیٹ میں بڑھتی ہوئی طلب کو پورا کرنے کے لیے اپنی صلاحیتوں کو بڑھایا ہے اور وہ برآمدی مارکیٹوں کی تلاش میں ہیں تاکہ کمپنیاں وہ سامان بیچ سکیں جو وہ مقامی مارکیٹ میں نہیں بیچ سکتے تاکہ درآمدات کے خلاف تحفظ حاصل کر سکیں اور مقررہ اخراجات کو پورا کر سکیں۔ دوسری طرف دیگر درآمد پر انحصار کرنے والی صنعتیں اس کو عملی شکل دینے میں جدوجہد کر رہی ہیں۔ ملک کی کئی بڑی برآمدی صنعتوں کو ان ممالک سے ترجیحی (دوطرفہ یا دیگر) طریقہ کار حاصل ہے جہاں وہ برآمد کر رہی ہیں لیکن سیمنٹ بنانے والوں کو مسابقتی رہنا پڑا ہے۔

مکسڈ بیگ

سیمنٹ کمپنیاں گھریلو مارکیٹوں میں سیمنٹ کے تھیلے کم فروخت کر رہی ہیں، لیکن مقامی طلب کی عدم موجودگی کی وجہ سے برآمدات بالآخر جگہ لے رہی ہیں۔ سیمنٹ کا مرکب بہت واضح طور پر بدل گیا ہے۔

موجودہ مالی سال کے تازہ ترین اعداد و شمار خاصے حیران کن ہیں۔ پہلے تین ماہ میں مجموعی طور پر ترسیلات میں 14 فیصد کی کمی آئی ہے جو ملک بھر میں سست مقامی طلب کی وجہ سے ہے۔ بنیادی ڈھانچے کی ترقی آہستہ آہستہ بحال ہو رہی ہے اور رئیل اسٹیٹ کی سرگرمیاں ایک سال سے رکی ہوئی ہیں۔ نیا پاکستان ہاؤسنگ پروگرام کے ذریعے تعمیراتی صنعت میں جو رفتار آئی تھی، وہ اسی تیزی سے ختم ہو گئی، گھریلو صارفین اور سرمایہ کار معیشت کے ”مستحکم“ ہونے کا انتظار کر رہے ہیں تاکہ وہ بڑی خریداریوں سے متعلق فیصلے کر سکیں۔ غیر یقینی صورتحال کاروباری سرگرمیوں کو ختم کر سکتی ہے اور یہ رئیل اسٹیٹ کی طلب میں واضح نظر آتا ہے۔ ساتھ ہی ساتھ گھروں کے بجٹ بھی سکڑ رہے ہیں۔

ایسے وقت میں، سیمنٹ کی برآمدات کا حصہ 25 فیصد تک نمایاں طور پر بڑھ گیا ہے، خاص طور پر سری لنکا جیسے مارکیٹوں میں جہاں درآمدی محصولات کم ہوئے ہیں اور کچھ سیمنٹ کمپنیوں کی جانب سے امریکہ جیسے نئے بازاروں کی تلاش جو دوسرے ممالک کے لیے بھی دروازے کھولے گی۔ دیگر روایتی مارکیٹوں میں بھی برآمدات مزید مسابقتی ہو گئی ہیں۔

ایسے وقت بھی آئے ہیں جب برآمدات کا حصہ کل ترسیلات میں کم ہو گیا لیکن یہ ہمیشہ مقامی طلب میں نمایاں اضافے کے ساتھ ہی ہوا ہے۔ لیکن جب سیمنٹ بنانے والوں کے پاس کافی صلاحیت ہوتی ہے، اگر پیداوار میں اضافی سیمنٹ ہو، تو برآمدات اکثر مدد کے لیے آتی ہیں۔ یہ کمپنیوں کو اقتصادی مشکلات کے باوجود منافع کمانے کے قابل بناتا ہے۔

اس کا مطلب یہ نہیں ہے کہ برآمدات سے ہی زیادہ آمدنی ہوتی ہے لیکن یہ یقینی طور پر ایک ہنگامی منصوبہ ہے جو کام کرتا ہے۔ دیگر واضح کامیابیوں میں سرمایہ کاری شامل ہے جو ”دیگر آمدنی“ پیدا کرسکتی ہے جس میں متعدد ذرائع سے کوئلہ حاصل کر کے منافع کو بڑھانا، دانشمندانہ انوینٹری کے انتظام کے فیصلے کرنا اور گرڈ پر کم انحصار کرنے کے لیے کیپٹو توانائی کے ذرائع اور متبادل ایندھن کا استعمال کرنا شامل ہیں۔

یہ سچ ہے کہ صنعت مقامی مارکیٹ میں قیمتوں کا کنٹرول رکھتی ہے، خاص طور پر جب مقابلہ اور درآمدی ذرائع کی کمی ہو، لیکن اپنے طویل مدتی بقا کے حوالے سے سیمنٹ کی کمپنیاں شاندار کارکردگی کا مظاہرہ کر رہی ہیں۔