اسٹیٹ بینک 29 جولائی ( پیر) کو مانیٹری پالیسی کا اعلان کرے گا جس میں اہم پالیسی ریٹ میں کمی کی توقع ہے۔
10 جون کو ہونے والے گزشتہ اجلاس میں کمیٹی نے تقریباً ایک سال تک 22 فیصد کی تاریخ کی بلند ترین سطح برقرار رکھنے کے بعد پالیسی ریٹ کو 150 بی پی ایس کم کرکے 20.5 فیصد کردیا تھا ۔ یہ شرح کم افراط زر کی وجہ سے کم کی گئی تھی کیونکہ فروری سے افراط زر میں نمایاں کمی توقعات کے عین مطابق تھی اور مئی کا مہینہ پہلے کے اندازوں سے بہتر تھا۔
پیر کو ہونے والے ایم پی سی اجلاس میں زیادہ تر تجزیہ کار اور ماہرین اقتصادیات شرح سود میں ایک اور کٹوتی کی توقع کر رہے ہیں۔
گزشتہ بریفنگ میں اسٹیٹ بینک نے کہا تھا کہ شرح سود میں مزید کمی کی گنجائش بجٹ اور آئی ایم ایف کے اقدامات کے جائزے پر منحصر ہوگی۔
ٹاپ لائن سیکیورٹیز کی جانب سے کرائے گئے ایک سروے میں مارکیٹ کے 75 فیصد شرکا مرکزی بینک سے شرح سود میں کمی کا اعلان کرنے کی توقع کر رہے ہیں جن میں سے 60 فیصد شرح سود میں 100 بی پی ایس کی کمی کی توقع کر رہے ہیں ۔ ٹاپ لائن کے تجزیہ کاروں کا خیال ہے کہ اسٹیٹ بینک افراط زر میں کمی کی وجہ سے اپنے آئندہ اجلاس میں شرح سود کو 100 بی پی ایس کم کرکے 19.5 فیصد کر سکتا ہے، جس کا تخمینہ جولائی 2024 میں 11 فیصد رہنے کا تخمینہ ہے۔
اگر اسٹیٹ بینک کی جانب سے پالیسی ریٹ میں کمی کی جاتی ہے تو یہ مسلسل دوسری کٹوتی ہوگی کیونکہ گزشتہ اجلاس میں اسٹیٹ بینک نے 26 جون 2020 سے 4 سال بعد پالیسی ریٹ میں 150 بی پی ایس کی کمی کی تھی۔
ٹاپ لائن کو توقع ہے کہ جون 2025 تک پالیسی ریٹ 450-550 بی پی ایس کم ہوکر 15سے 16 فیصد ہوجائے گا جس میں حقیقی شرح سود 300-400 بی پی ایس ہے جب کہ مالی سال 25 میں متوقع افراط زر اوسطا 13 سے 13.5 فیصد رہنے کی توقع ہے۔
افراط زر کی توقعات میں کمی کی وجہ سے 10 جون 2024 کو گزشتہ مانیٹری پالیسی اجلاس کے بعد سے 6 ایم کے آئی بی او آر اور ٹریژری بلز کی شرح میں 83 سے84 بی پی ایس کی کمی واقع ہوئی ہے اور فی الحال یہ بالترتیب 19.84 فیصد اور 19.52 فیصد کی سطح پر ہے۔ اس سے پتہ چلتا ہے کہ مارکیٹ کے شرکاء آئندہ اجلاس میں شرح سود میں کٹوتی کی توقع کررہے ہیں۔
بدھ کو ہونے والی ٹی بل نیلامی میں 1.793 ٹریلین روپے کی شرکت دیکھی گئی جس میں حکومت نے 150 ارب روپے کے ہدف اور 123 ارب روپے کی میچورٹی کے مقابلے میں 422 ارب روپے حاصل کیے ۔ 3، 6 اور 12 ماہ کے بانڈز پر منافع میں 30 سے 56 بی پی ایس کی کمی واقع ہوئی جس سے مارکیٹ کو شرح سود میں ایک اور کمی کی توقع ہے
پچھلی پالیسی کے بعد سے اقتصادی پہلو پر بہت سی مثبت پیش رفت ہوئی ہے. آئی ایم ایف اور حکومت کے درمیان اسٹاف لیول معاہدے پر ہموار عملدرآمد کی وجہ سے کرنسی میں بہتری آئی ہے۔ گزشتہ مالی سال پاکستان کے کرنٹ اکاؤنٹ خسارے میں 79 فیصد کمی واقع ہوئی ہے۔ اس کے علاوہ ترسیلات زر 11 فیصد اضافے کے ساتھ 30.3 ارب ڈالر کی ریکارڈ سطح پر پہنچ گئیں۔
کاپی رائٹ بزنس ریکارڈر، 2024