فنانس ڈویژن نے رواں مالی سال کے ترقیاتی بجٹ کیلئے فنڈز کے اجراء کی حکمت عملی جاری کردی جس میں پہلی سہ ماہی کیلئے 15 فیصد، دوسری سہ ماہی کیلئے 20 فیصد، تیسری سہ ماہی کیلئے 25 فیصد اور چوتھی سہ ماہی کیلئے 40 فیصد فنڈز مختص کیے گئے ہیں۔
فنانس ڈویژن کے مطابق ترقیاتی بجٹ کے لیے فنڈز کو منصوبہ بندی، ترقی اور خصوصی اقدامات (پی ڈی اینڈ ایس آئی) ڈویژن کے ذریعے منظور کیے جائیں گے۔
ترقیاتی منصوبوں پر عملدرآمد کے دوران پی ڈی اینڈ ایس آئی ڈویژن اور متعلقہ پرنسپل اکاؤنٹنگ آفیسرز پبلک فنانس مینجمنٹ ایکٹ 2019ء کی شقوں پر عملدرآمد کو یقینی بنائیں گے اور پلاننگ ڈویژن منظور شدہ تخصیص کے اندر پبلک سیکٹر ڈیولپمنٹ پروگرام کیلئے فنڈز کے اجراء کیلئے سہ ماہی شعبے کے لحاظ سے، منصوبے کے لحاظ سے اور ڈویژن وار حکمت عملی وضع کرے گا۔
مقررہ حدود میں تبدیلی کی کسی بھی تجویز پر بجٹ ونگ، فنانس ڈویژن کیس ٹو کیس کی بنیاد پر غور کرے گا اور اس کے لیے سیکرٹری خزانہ کی پیشگی منظوری درکار ہوگی۔
پی اے اوز ہر منصوبے کے لئے ملازمین سے متعلق اخراجات (ای آر ای) کے لئے مناسب فنڈز کی دستیابی کو یقینی بنائیں گے۔ پی اے اوز، منسلک محکموں کے سربراہان، سب آرڈینیٹ آفس کے سربراہان یا پروجیکٹ ڈائریکٹر پی ڈی اینڈ ایس آئی ڈویژن کی پیشگی رضامندی کے بغیر ای آر ای سے نان ای آر ای ہیڈز آف اکاؤنٹ میں فنڈز کی دوبارہ تقسیم نہیں کریں گے۔
تمام متعلقہ پی اے اوز کی جانب سے فارن ایکسچینج کمپوننٹ (روپیہ کور) کی مد میں مناسب بجٹ مختص کرنے کو یقینی بنایا جائے گا اور اسے اقتصادی امور ڈویژن اور فنانس ڈویژن کو آگاہ کیا جائے گا اور غیر ملکی زرمبادلہ کی ادائیگیوں کے لئے فنڈز کو فنانس ڈویژن کے ایکسٹرنل ونگ کی پیشگی منظوری کی ضرورت ہوگی۔
تمام ادائیگیاں تمام اکاؤنٹنگ دفاتر کی جانب سے پری آڈٹ سسٹم کے ذریعے یا اسائنمنٹ اکاؤنٹ کے طریقہ کار یا فنانس ڈویژن کی جانب سے جاری کردہ کسی اور طریقہ کار کے ذریعے کی جائیں گی۔ ہر پروجیکٹ کے لئے علیحدہ اسائنمنٹ اکاؤنٹ کھولا جائے گا ۔ کیش منیجمنٹ اینڈ ٹریژری سنگل اکاؤنٹ رولز 2024 کے قواعد کے مطابق سیکریٹری خزانہ کی پیشگی منظوری کے بغیر اسٹیٹ بینک آف پاکستان (ایس بی پی) کے ذریعے براہ راست کوئی ادائیگی نہیں کی جائے گی۔سپلیمنٹری گرانٹس، ٹیکنیکل سپلیمنٹری گرانٹس اور ری آپریشنز کے حوالے سے ہدایات بجٹ ونگ، فنانس ڈویژن کی جانب سے علیحدہ علیحدہ جاری کی جائیں گی۔
ترقیاتی بجٹ کے اجراء کیلئے فنانس ڈویژن کے بجٹ ونگ سے طریقوں اور ذرائع کی کلیئرنس کی ضرورت نہیں ہوگی اور فنانس ڈویژن کی پیشگی تحریری منظوری کے بغیر کسی بھی اکاؤنٹنگ آفس کی جانب سے حدود سے زیادہ کوئی ادائیگی نہیں کی جائے گی۔
فنانس ڈویژن کا ترقیاتی ونگ ترقیاتی بجٹ کے اجراء اور دیگر معاون امور کے لئے فنڈز کے اجراء سے متعلق امور کی نگرانی اور تعاون کرے گا۔ پی اے اوز منظور شدہ منصوبوں / اسکیموں کے درمیان اجازت اور فنڈز کی تقسیم سے متعلق کسی بھی مسئلے کے لئے پی ڈی اینڈ ایس آئی ڈویژن سے رابطہ کرسکتے ہیں۔
کاپی رائٹ بزنس ریکارڈر، 2024