پاکستان اسٹاک ایکسچینج (پی ایس ایکس) کا کہنا ہے کہ پیر کے روز کراچی میں ایکسچینج کی مرکزی عمارت کی چوتھی منزل پر آگ لگنے کے بعد بروکریج فرموں کی عمارت کو ’محدود نقصان‘ پہنچا۔

پی ایس ایکس کی جانب سے جاری بیان کے مطابق آج (پیر کو) ایک بروکر کے دفتر میں آگ لگنے سے ایکسچینج کمپاؤنڈ متاثر ہوا جس سے بروکریج فرموں کی عمارت کو محدود نقصان پہنچا۔

تاہم پی ایس ایکس آفس بلڈنگ، ٹریڈنگ سسٹم، سرورز اور ایکسچینج میں کنکٹیویٹی کو کوئی نقصان نہیں پہنچا۔

مرکزی عمارت میں آگ لگنے کے بعد جہاں کئی بروکریج ہاؤسز کے دفاتر موجود ہیں، صبح 10:25 بجے سے دوپہر 12:30 بجے تک اسٹاک مارکیٹ تقریباً دو گھنٹے تک معطل رہی۔

اپنے بیان میں پی ایس ایکس نے کہا کہ آگ لگنے کے خطرے کے پیش نظر ایکسچینج نے ہائی سیکیورٹی الرٹ اور احتیاط برتی جس کے تحت ضروری اہلکاروں، فائر فائٹرز اور فائر فائٹنگ عملے کے علاوہ کسی کو بھی عمارت کے مرکزی احاطے میں داخل ہونے کی اجازت نہیں دی گئی۔

بیان میں کہا گیا ہے کہ پی ایس ایکس کی جانب سے اٹھائے گئے سخت حفاظتی اقدامات کے پیش نظر جس کے تحت ماضی میں بھی پی ایس ایکس کو دہشت گردی کے خطرات کا سامنا کرنا پڑا تھا، غیر ضروری افراد کو مرکزی کمپاؤنڈ میں داخل ہونے کی اجازت نہیں تھی کیونکہ اس سے آگ بجھانے کے عمل میں خلل پڑ سکتا تھا۔

تاہم صورتحال کی حساسیت کو دیکھتے ہوئے یہ پابندیاں کسی بھی ناخوشگوار واقعہ سے بچنے کے لئے نافذ کی گئیں۔

پی ایس ایکس نے تمام متعلقہ افراد سے تعاون کی درخواست کی ہے جب تک کہ حالات مکمل طور پر بحال نہیں ہوجاتے اور ایکسچینج میں معمول کا آپریشن دوبارہ شروع نہیں ہوجاتا۔

2018 میں پی ایس ایکس بروکر کی عمارت کی چھت پر آگ لگ گئی تھی، جسے پی ایس ایکس کے فائر فائٹنگ سسٹم کے ذریعے 40 منٹ کے اندر کنٹرول کیا گیا تھا اور ایکسچینج کے ٹریڈنگ اور کلیئرنگ آپریشنز متاثر نہیں ہوئے تھے۔