پیر کے روز انٹر بینک مارکیٹ میں امریکی ڈالر کے مقابلے میں پاکستانی روپے کی قدر میں 0.01 فیصد کمی ریکارڈ کی گئی۔

اسٹیٹ بینک کے مطابق کاروبار کے اختتام پر ڈالر 3 پیسے کے اضافے سے 278.36 روپے پر بند ہوا۔

یاد رہے کہ گزشتہ ہفتے روپے کے مقابلے ڈالر 12 پیسے یا 0.04 فیصد کے اضافے سے 278.33 پر بند ہوا تھا۔

حالیہ ہفتوں میں ڈالر کے مقابلے ملکی کرنسی بڑی حد تک 277 سے 278 کے آس پاس رہی ہے جس کی وجہ پاکستان عالمی مالیاتی فنڈ (آئی ایم ایف) کے طویل بیل آؤٹ پروگرام کو حاصل کرنے کی جانب بڑھ رہا ہے ۔

عالمی سطح پر کرنسی مارکیٹ نے ہفتے کا آغاز محتاط انداز میں کیا، پیر کو ڈالر کی قدر میں قدرے کمی دیکھی گئی کیونکہ گزشتہ ہفتے کے اعداد و شمار سے پتہ چلتا ہے کہ اپریل میں امریکی افراط زر میں استحکام آیا تھا، جس سے فیڈرل ریزرو کے لیے سال کے آخر میں شرح سود میں کمی کے دروازے کھلے ہیں۔

ڈالر نے مئی میں سال کی پہلی ماہانہ گراوٹ درج کی تھی ، جس کی وجہ سے توقعات میں تبدیلی آئی تھی کہ امریکی مرکزی بینک شرح سود میں کب اور کتنی کمی کرے گا۔

مارکیٹس اس سال فیڈ کی جانب سے 37 بیسس پوائنٹس کی کٹوتیوں میں قیمتوں کا تعین کر رہی ہیں جب جمعہ کے اعداد و شمار نے ظاہر کیا کہ ذاتی کھپت کے اخراجات پرائس انڈیکس میں گزشتہ ماہ 0.3 فیصد اضافہ ہوا، جو مارچ میں غیر نظرثانی شدہ فائدہ سے مماثل ہے۔

ڈالرانڈیکس جو چھ حریفوں کے مقابلے میں امریکی کرنسی کی پیمائش کرتا ہے، پیر کو 0.067 فیصد کی کمی کے ساتھ 104.51 روپے پر آگیا۔