اوکازاکی چُوؤ سوگو پارک جمنازیم میں جمعرات کو ہونے والے میچ میں گرین شرٹس نے تینوں سیٹس میں شاندار کارکردگی کا مظاہرہ کیا۔

پاکستان نے پہلے سیٹ میں 25-19 سے کامیابی حاصل کرکے برتری قائم کی۔ 23 منٹ جاری رہنے والے اس سیٹ میں پاکستانی کھلاڑیوں نے ابتدا ہی سے میچ پر گرفت مضبوط رکھی۔

بھارت نے دوسرے سیٹ میں سخت مقابلہ کیا جو 34 منٹ تک جاری رہا، تاہم پاکستان نے اعصاب پر قابو رکھتے ہوئے 25-23 سے سیٹ جیت کر فتح کے لیے ایک سیٹ درکار رہنے دیا۔

تیسرے سیٹ میں پاکستان نے ایک بار پھر مکمل برتری کا مظاہرہ کرتے ہوئے 25-18 سے کامیابی حاصل کی اور میچ 3-0 سے اپنے نام کرلیا۔

مراد خان پاکستان کی جانب سے سب سے نمایاں رہے اور 19 پوائنٹس حاصل کیے، جن میں 18 کامیاب اسپائکس شامل تھیں۔ علی عثمان فریاد نے 13 جبکہ محمد حماد نے 9 پوائنٹس بنائے۔

پاکستان نے اٹیک میں بھی بھارت پر برتری حاصل کی اور 75 پوائنٹس کے مقابلے میں بھارت کے 60 اٹیک پوائنٹس رہے، جبکہ بلاکس میں پاکستان کو 5-4 کی برتری حاصل رہی۔

پاکستان نے ایشین گیمز مہم کا آغاز قازقستان کے خلاف 3-1 کی کامیابی سے کیا تھا، اس کے بعد ازبکستان کو 3-0 سے شکست دے کر ناک آؤٹ مرحلے میں جگہ بنائی۔ آخری گروپ میچ میں میزبان جاپان سے 3-0 کی شکست کے بعد پاکستان نے کوارٹر فائنل میں بھارت کے خلاف شاندار کم بیک کیا۔

میچ میں بھارت نے پہلے بلے بازی کرتے ہوئے 7 وکٹوں پر 169 رنز بنائے۔15 سالہ وائبھو سوریا ونشی نے 38 اور اِشان کشن نے ناٹ آؤٹ 80 رنز کی شاندار اننگز کھیلی۔ جواب میں 170 رنز کے ہدف کے تعاقب میں سری لنکن ٹیم جسبریت بمراہ اور اکشر پٹیل کی مہلک بولنگ کا شکار ہو کر محض 45 رنز پر ڈھیر ہو گئی، جو ٹی20 بین الاقوامی کرکٹ میں ان کا کم ترین اسکور ہے۔

دوسری جانب گیلی آؤٹ فیلڈ کے باعث 13 اوورز تک محدود سیمی فائنل میں بنگلہ دیش نے 7 وکٹوں پر 111 رنز بنائے۔ جواب میں پاکستان نے عبداللہ صمد کی 15 گیندوں پر ناقابلِ شکست 30 رنز کی جارحانہ اننگز کی بدولت ہدف 9 گیندیں قبل 4 وکٹوں کے نقصان پر حاصل کر لیا۔

دنیا کے نمبر ون بیٹر شبمن گل 133 گیندوں پر 223 رنز بنا کر ناٹ آؤٹ رہے اور ون ڈے کرکٹ کی تیز ترین ڈبل سنچری مکمل کی۔ بھارت نے ویسٹ انڈیز کے 400 رنز کا پہاڑ جیسا ہدف 39 گیندیں قبل صرف 2 وکٹوں کے نقصان پر باآسانی حاصل کر کے ون ڈے تاریخ کا دوسرا بڑا کامیاب ہدف تعاقب کیا۔

اس سے قبل روہت شرما نے شاندار 101 رنز کی اننگز کھیل کر ون ڈے میں 12,000 رنز مکمل کیے اور گل کے ساتھ پہلے وکٹ کے لیے 255 رنز کی شراکت قائم کی۔ ویرات کوہلی نے 29 اور رتوراج گائیکواڑ نے 31 رنز کا حصہ ڈالا۔

کاواساکی جوکو اسٹیڈیم میں بھارت نے جارحانہ آغاز کرتے ہوئے پہلے کوارٹر میں ہرمن پریت سنگھ کے دو گولز کی بدولت 2-0 کی برتری حاصل کی۔

ابتدائی گولز کے بعد پاکستان کو چار پنالٹی کارنرز ملے، جن میں سے تین پہلے کوارٹر اور ایک دوسرے کوارٹر کے ابتدائی پانچ منٹ میں ملا، تاہم گرین شرٹس کسی بھی موقع کو گول میں تبدیل نہ کرسکے۔

بھارت نے 23ویں منٹ میں سکھجیت سنگھ کے فیلڈ گول کی بدولت برتری 3-0 کردی۔

پاکستان نے دوسرے کوارٹر کے آخری منٹ میں اکاؤنٹ کھولا۔ ابو بکر محمود نے پنالٹی کارنر پر گول کرکے خسارہ 3-1 کردیا۔

گرین شرٹس نے تیسرے کوارٹر میں بھی شاندار کم بیک جاری رکھا اور 45 ویں منٹ میں حنان شاہد نے فیلڈ گول کرکے پاکستان کو حریف کے ایک گول کے فاصلے پر پہنچا دیا۔

پاکستان نے آخری کوارٹر کے آغاز میں ہی واپسی مکمل کرلی، جب رانا وحید اشرف نے 49 ویں منٹ میں گول کرکے مقابلہ 3-3 سے برابر کردیا۔

میچ بظاہر پنالٹی شوٹ آؤٹ کی جانب بڑھ رہا تھا لیکن آخری منٹ میں ابھشیک نے گول کرکے بھارت کو 4-3 سے فتح دلادی اور فائنل میں جگہ پکی کرلی۔

پاکستان اب کانسی کے تمغے کے میچ میں ملائیشیا یا جنوبی کوریا کا سامنا کرے گا۔

41 سالہ رونالڈو کا یہ فیصلہ ڈنمارک کے خلاف نیشنز لیگ میچ سے ایک روز قبل سامنے آیا۔ انہوں نے انسٹاگرام پر بتایا کہ کوچ کی پریس کانفرنس اور پرتگالی فٹبال فیڈریشن کے صدر سے بات چیت کے بعد انہوں نے یہ قدم اٹھایا، جبکہ وجوہات کا انکشاف وہ مناسب وقت پر کریں گے۔

فیڈریشن نے رونالڈو کی روانگی کی تصدیق کرتے ہوئے کہا کہ باقی 24 کھلاڑیوں کے ساتھ ڈنمارک اور ناروے کے خلاف میچز کی تیاریاں شیڈول کے مطابق جاری رہیں گی۔

فیڈریشن کا کہنا تھا کہ پوری ٹیم آئندہ میچز اور اہداف کے حصول پر مکمل توجہ مرکوز کیے ہوئے ہے۔

2023 کی نیشنز لیگ کے فائنل کی طرح جس میں اسپین نے پنالٹی شوٹ آؤٹ پر کامیابی حاصل کی تھی، کروشیا نے ابتدائی گول کھانے کے بعد واپسی کرتے ہوئے مقابلہ تو برابر کردیا، تاہم ہفتے کو ویمبلے میں انگلینڈ کے خلاف 3-2 سے فتح حاصل کرنے والی اسپین کی تازہ دم ٹیم کے سامنے مزاحمت نہ کرسکی۔

جولائی میں ورلڈ کپ جیتنے کے بعد اسپین نے پہلی مرتبہ اپنے ہوم گراؤنڈ پر میچ کھیلا جس سے قبل روڈری نے میدان میں ورلڈ کپ ٹرافی کی نمائش کی۔ سیویلے میں جشن کا سلسلہ جاری رہا اور لامین نے بھی انگلینڈ کے خلاف میچ کی طرح دوسرے ہی منٹ میں گول کرکے اسپین کو برتری دلادی۔

ایلکس بائنا کی جانب سے گول کے قریب بھیجی گئی گیند کو فرمین لوپیز نے عمدگی سے چھوڑ دیا جس پر لامین نے پہلی کوشش میں نشانہ لیتے ہوئے گیند کو کم اونچائی پر مخالف گول پوسٹ کے اندرونی حصے سے گزار دیا۔

اس کے بعد بائنا کی ایک اور کوشش کو کروشیا کے گول کیپر ڈومینک لیواکووچ نے روک دیا۔ اسپین ابتدائی مرحلے میں ہی میچ کو فیصلہ کن بنانے کی پوزیشن میں دکھائی دے رہا تھا، تاہم مہمان ٹیم نے 28ویں منٹ میں ڈیون بیلجو کے ہیڈر کی مدد سے مقابلہ برابر کردیا۔

اسپین کو دوبارہ برتری حاصل کرنے میں تین منٹ سے بھی کم وقت لگا۔ لامین نے دائیں جانب سے چھ گز کے باکس میں کراس بھیجا جس پر مارک پوبیل نے زوردار ہیڈر کے ذریعے گیند لیواکووچ سے پار کردی۔

63 ویں منٹ میں لامین نے اپنا دوسرا اور اسپین کا تیسرا گول کیا۔ انہوں نے پنالٹی ایریا میں پیڈری کا پاس وصول کیا اور انتہائی تنگ زاویے سے زوردار شاٹ لگا کر گیند جال میں پہنچا دی۔ متبادل کھلاڑی نیکو ولیمز نے 89ویں منٹ میں گول کرکے اسپین کی فتح مکمل کردی۔

نیکو ولیمز نے لامین کے بارے میں ٹیلی ڈیپورٹے سے گفتگو کرتے ہوئے کہا کہ وہ ایک غیر معمولی کھلاڑی ہے۔

9 اکتوبر سے 21 نومبر تک ہونے والے ان 12 بین الاقوامی میچوں کے لیے میچ آفیشلز کے پینل کا اعلان کردیا گیا ہے۔

آئی سی سی ایلیٹ پینل آف میچ ریفریز کے رکن اور نیوزی لینڈ کے سابق ٹیسٹ کرکٹر جیفری کرو 18 سے 31 اکتوبر تک راولپنڈی اور لاہور میں ہونے والی سات میچوں پر مشتمل ون ڈے سہ فریقی سیریز میں میچ آفیشلز کی ٹیم کی قیادت کریں گے۔

کرو نے اکتوبر 2004 میں فیصل آباد میں پاکستان اور سری لنکا کے درمیان ٹیسٹ سے میچ ریفری کی حیثیت سے اپنے کیریئر کا آغاز کیا تھا۔

نیوزی لینڈ کے جیفری کرو رواں ماہ 350 ون ڈے میچوں میں بطور آفیشل خدمات انجام دینے والے میچ ریفری بنے، جبکہ وہ 700 بین الاقوامی میچوں میں میچ ریفری کے فرائض انجام دینے والے دنیا کے دوسرے شخص بھی بن گئے۔

پاکستان کے احسن رضا اور بنگلہ دیش کے شرف الدولہ ابن شاہد، دونوں آئی سی سی ایلیٹ پینل آف امپائرز کے ارکان ہیں، جبکہ نیوزی لینڈ کے وین نائٹس، آصف یعقوب، ناصر حسین، راشد ریاض وقار اور فیصل خان آفریدی آئی سی سی انٹرنیشنل پینل کے امپائرز کی حیثیت سے ون ڈے سہ فریقی سیریز میں امپائرنگ کے فرائض انجام دیں گے۔

وین نائٹس سہ فریقی سیریز کے پہلے میچ میں پاکستان اور سری لنکا کے درمیان میچ میں آصف یعقوب کے ساتھ فیلڈ امپائر ہوں گے۔ یہ ان کا 38 واں ون ڈے بطور امپائر ہوگا۔

احسن رضا سہ فریقی سیریز کے آخری دو میچوں میں فیلڈ امپائر ہوں گے۔ لاہور میں سری لنکا اور انگلینڈ کے میچ میں ان کے ساتھ شرف الدولہ ہوں گے، جبکہ فائنل میں وہ نائٹس کے ساتھ امپائرنگ کریں گے۔

فیصل خان آفریدی، راشد ریاض اور ناصر حسین سہ فریقی سیریز میں ایک، ایک میچ میں فیلڈ امپائر ہوں گے، جبکہ آصف یعقوب دو میچوں میں یہ ذمہ داری انجام دیں گے۔

شرف الدولہ اور وین نائٹس سہ فریقی سیریز کے دوران باری باری تھرڈ امپائر کے فرائض انجام دیں گے، سیریز کے افتتاحی میچ میں شرف الدولہ تھرڈ امپائر ہوں گے۔

انگلینڈ کے سابق فرسٹ کلاس کرکٹر اور آئی سی سی ایمرجنگ میچ ریفریز گروپ کے رکن ڈین کوسکر پاکستان اور سری لنکا کے درمیان راولپنڈی اور لاہور میں ہونے والے دو ٹیسٹ میچوں میں پہلی مرتبہ ٹیسٹ میچ ریفری کے فرائض انجام دیں گے۔

انہوں نے اکتوبر 2024 میں اپنے کیریئر کا آغاز کیا اور اب تک 16 ون ڈے، 17 ٹی ٹوئنٹی، 3 ویمنز ون ڈے اور 6 ویمنز ٹی ٹوئنٹی میچوں میں میچ آفیشل کے فرائض انجام دے چکے ہیں۔

آئی سی سی ایلیٹ پینل آف امپائرز کے ارکان جنوبی افریقہ کے ایڈرین ہولڈ اسٹاک، اللہ الدین پالیکر اور آسٹریلیا کے روڈنی ٹکر دونوں ٹیسٹ میچوں میں فیلڈ امپائر ہوں گے۔

راولپنڈی میں پہلے ٹیسٹ میں ہولڈ اسٹاک اور ٹکر فیلڈ امپائر ہوں گے، جبکہ دوسرے ٹیسٹ میں پالیکر، ہولڈ اسٹاک کے ساتھ فیلڈ امپائر ہوں گے۔

پہلے ٹیسٹ میں پالیکر اور دوسرے ٹیسٹ میں ٹکر تھرڈ امپائر ہوں گے۔ فیصل آفریدی اور آصف یعقوب بالترتیب پہلے اور دوسرے ٹیسٹ میں فورتھ امپائر کی ذمہ داریاں انجام دیں گے۔

9، 11 اور 13 اکتوبر کو ہونے والی تین ٹی ٹوئنٹی میچوں کی سیریز میں آئی سی سی انٹرنیشنل میچ ریفری علی نقوی میچ آفیشلز کی ٹیم کی قیادت کریں گے۔

پہلے ٹی ٹوئنٹی میں راشد ریاض اور ناصر حسین فیلڈ امپائر ہوں گے، جبکہ دوسرے میچ میں فیصل آفریدی، ناصر حسین کے ساتھ امپائرنگ کریں گے۔ تیسرے میچ میں راشد ریاض، فیصل آفریدی کے ساتھ فیلڈ امپائر ہوں گے۔

تینوں ٹی ٹوئنٹی میچوں میں بالترتیب فیصل، راشد اور ناصر تھرڈ امپائر ہوں گے، جبکہ پی سی بی نیشنل ایلیٹ پینل کے امپائر طارق رشید تینوں میچوں میں فورتھ امپائر کے فرائض انجام دیں گے۔

26 سالہ وینیسیئس نے رواں سیزن ریال میڈرڈ کی جانب سے تمام مقابلوں میں 8 میچز کھیل کر صرف ایک گول کیا ہے۔ ریال میڈرڈ 15 پوائنٹس کے ساتھ لا لیگا کی پوائنٹس ٹیبل پر چوتھے نمبر پر ہے۔

مگر آسٹریلیا کے خلاف برسبین میں کھیلے گئے دوستانہ میچ میں وینیسیئس نے اپنی صلاحیتوں کی جھلک دکھائی۔ برازیل نے یہ میچ 4-2 سے جیتا، جس میں وینیسیئس نے تیسرا گول بنانے میں اہم کردار ادا کیا اور چوتھا گول پنالٹی پر اسکور کیا۔

اینچیلوتی نے کہا کہ وینیسیئس برازیل اور قومی ٹیم کے لیے اہم کھلاڑی ہیں۔ وہ اس وقت اپنی بہترین فارم میں نہیں، لیکن سیزن کا آغاز ہے۔

ان کا کہنا تھا کہ وینیسیئس بہترین فارم میں نہ بھی ہوں تو وہ میچ پر اثرانداز ہونے کی صلاحیت رکھتے ہیں، جیسا کہ آسٹریلیا کے خلاف کیا۔ انہوں نے کہا کہ اسی لیے وہ وینیسیئس کے بارے میں صبر سے کام لیں گے کیونکہ وہ اس کے مستحق ہیں۔

برازیل ہفتے کو کولکاتا میں بھارت کے خلاف دوستانہ میچ کھیلے گا۔

39 سالہ جوکووچ گزشتہ ماہ یو ایس اوپن کے ابتدائی راؤنڈ میں ماریانو ناوونے کے ہاتھوں حیران کن شکست کے بعد پہلی بار ایکشن میں واپس آئیں گے۔ اس میچ کے دوران انہیں کندھے اور کمر کی تکلیف کا سامنا کرنا پڑا تھا جبکہ وہ میچ کے دوران قے بھی کر بیٹھے تھے۔

عالمی نمبر 11 کھلاڑی بیجنگ میں رواں ہفتے پرتگال کے نونو بورجس کے خلاف پہلے راؤنڈ کا میچ کھیلیں گے۔ جوکووچ نے کہا کہ آفیشل میچ اور پریکٹس میں فرق ہوتا ہے، تاہم اب تک جسمانی طور پر سب کچھ اچھا رہا ہے۔

چائنا اوپن میں جوکووچ کا ریکارڈ شاندار ہے، جہاں وہ 2009، 2010، 2012، 2013، 2014 اور 2015 میں ٹائٹل جیت چکے ہیں۔ اے ٹی پی 500 ایونٹ میں ان کا ریکارڈ 29-0 ہے۔

جوکووچ نے کہا کہ چین میں ان کے سابقہ نتائج نے انہیں اعتماد دیا ہے اور وہ گزشتہ 11 سال سے بیجنگ نہیں آئے تھے۔ رواں سال چائنا اوپن ان کی ترجیحی فہرست میں شامل تھا۔

سری لنکا کا نیپال جبکہ بنگلہ دیش کا ملائیشیا سے کوارٹر فائنل مقابلہ شیڈول تھا، تاہم ناگویا کے مضافات میں واقع کروگی اسپورٹس پارک میں مسلسل دوسرے روز کھیل ممکن نہ ہوسکا۔

بارش کے باعث میچز منسوخ ہونے پر بہتر رینکنگ رکھنے والی سری لنکا اور بنگلہ دیش کی ٹیموں کو خودکار طور پر سیمی فائنل میں جگہ مل گئی۔

کھیلوں کے اسپورٹس ڈائریکٹر جیرڈ شیرر نے مایوسی کا اظہار کرتے ہوئے کہا کہ ایک سال کی محنت سے بیس بال گراؤنڈ کو کرکٹ وینیو میں تبدیل کیا گیا، لیکن بارش کے باعث کھیل نہیں ہوسکا۔

سری لنکا کا سیمی فائنل میں دفاعی چیمپئن بھارت جبکہ بنگلہ دیش کا پاکستان سے جمعرات کو مقابلہ ہوگا۔

بنگلہ دیش کو نجمل حسین شانتو کی خدمات حاصل نہیں ہوں گی، جو بخار اور انفیکشن کے باعث ایونٹ سے باہر ہوگئے ہیں۔

شیرر نے امید ظاہر کی کہ بدھ کو موسم بہتر ہوگا اور دھوپ سے میدان خشک کرنے میں مدد ملے گی۔

ایک فٹبال ذریعے نے تصدیق کی کہ آزاد پینل نے مانچسٹر سٹی کو مالیاتی قوانین کی مبینہ 115 خلاف ورزیوں میں سے 114 کا قصوروار قرار دیا ہے۔ تاہم کلب نے تمام الزامات کی تردید کی ہے جب کہ قوانین کی خلاف ورزی پر جرمانے، پوائنٹس میں کٹوتی یا پریمیئر لیگ سے اخراج جیسی سزاؤں کا سامنا ہوسکتا ہے۔

پوچیٹینو نے کہا کہ کسی بھی سزا سے ماضی کو واپس نہیں لایا جاسکتا اور اس معاملے سے کھیل کو کافی نقصان پہنچا ہے۔ ان کے مطابق کئی کلبوں نے قوانین پر عمل کیا جبکہ کچھ نے نہیں کیا، جس سے کھیل میں مسابقتی انصاف متاثر ہوا۔

انہوں نے کہا کہ اگر تمام 114 خلاف ورزیاں درست ثابت ہوئیں تو یہ کھیل میں ’’دھوکے کے دور‘‘ کی نشاندہی ہوگی۔

پوچیٹینو نے اس سے قبل چیلسی پر عائد جرمانے کا حوالہ دیتے ہوئے 2016-17 کا پریمیئر لیگ ٹائٹل ٹوٹنہم کو دینے کی بات بھی کی تھی۔

ان کی جانب سے 6 میں سے صرف 2 کوششیں کامیاب ہوسکیں، جبکہ سری لنکا کے رمیش پاتھراجے نے 88.55 میٹر کی شاندار تھرو کے ساتھ گولڈ میڈل جیت لیا۔

پاکستان کے ارشد ندیم اور محمد یاسر نے ایشین گیمز کے جیولن تھرو مقابلے میں حصہ لیا، تاہم ارشد ندیم فائنل میں تمغہ حاصل نہ کرسکے اور چوتھے نمبر پر رہے۔

ارشد ندیم نے پہلی کوشش میں 76.69 میٹر کی تھرو کی، جبکہ دوسری کوشش فاؤل قرار پائی۔ تیسری کوشش میں انہوں نے 80.29 میٹر کی تھرو کے ساتھ واپسی کی، جو مقابلے میں ان کی بہترین کارکردگی ثابت ہوئی۔

اس کے بعد ان کی چوتھی، پانچویں اور چھٹی کوششیں بھی فاؤل ہوگئیں۔

پاکستانی ایتھلیٹ 6 میں سے صرف 2 کوششیں مکمل کرسکے جبکہ 4 کوششوں میں کوئی درست تھرو ریکارڈ نہ ہوسکی۔ 80.29 میٹر کی بہترین تھرو کے باعث وہ پوڈیم تک نہ پہنچ سکے۔

یوں ارشد ندیم 80.29 میٹر کی بہترین تھرو کے ساتھ چوتھی پوزیشن پر رہے اور ایشین گیمز میں جیولن تھرو کا تمغہ حاصل نہ کرسکے۔ اس سے قبل وہ 2026 کامن ویلتھ گیمز میں بھی تمغہ جیتنے میں ناکام رہے تھے۔

فائنل میں سری لنکا کے رمیش پاتھراجے نے شاندار کارکردگی دکھاتے ہوئے 88.33 میٹر کی تھرو کے ساتھ پہلی پوزیشن حاصل کی۔ بھارت کے یاشویر سنگھ نے 85.14 میٹر کی تھرو کے ساتھ دوسری پوزیشن اور سلور میڈل حاصل کیا، جبکہ ان کے ہم وطن روہت یادو 84.35 میٹر کی تھرو کے ساتھ تیسرے نمبر پر رہے۔

دریں اثنا ایک اور پاکستانی ایتھلیٹ محمد یاسر نے بھی جیولن تھرو فائنل میں حصہ لیا، تاہم وہ بھی تمغے کی دوڑ میں شامل نہ ہوسکے۔ یاسر کی پہلی تھرو فاؤل قرار پائی، جبکہ تیسری کوشش میں انہوں نے 73.47 میٹر کا فاصلہ طے کیا۔ ان کی بہترین تھرو 73.50 میٹر رہی، جس کے ساتھ وہ 14 ایتھلیٹس میں نویں نمبر پر رہے۔

ایشین گیمز کا یہ نتیجہ ارشد ندیم کے لیے خاص اہمیت رکھتا ہے کیونکہ اس سے قبل وہ 2026 کامن ویلتھ گیمز میں بھی تمغہ حاصل کرنے میں ناکام رہے تھے۔

گلاسگو میں 2026 کامن ویلتھ گیمز کے جیولن تھرو فائنل میں ارشد ندیم 77.41 میٹر کی بہترین تھرو کے ساتھ نویں نمبر پر رہے۔ ان کی پہلی کوشش فاؤل قرار دی گئی، دوسری کوشش میں 77.41 میٹر کی تھرو ان کی بہترین کارکردگی رہی، جبکہ تیسری اور آخری کوشش میں انہوں نے 75.20 میٹر کا فاصلہ طے کیا۔

77.41 میٹر کی بہترین تھرو انہیں ٹاپ 8 میں جگہ دلانے کے لیے کافی نہ تھی، جس کے باعث وہ ابتدائی مرحلے میں ہی مقابلے سے باہر ہوگئے۔ کامن ویلتھ گیمز میں سری لنکا کے رمیش پاتھراجے نے 89.75 میٹر کی تھرو کے ساتھ گولڈ میڈل جیتا، جبکہ بھارت کے نیرج چوپڑا نے 85.83 میٹر کے ساتھ سلور اور ان کے ہم وطن یاشویر سنگھ نے 85.41 میٹر کے ساتھ برانز میڈل حاصل کیا۔

اس سے قبل پیرس اولمپکس 2024 میں ارشد ندیم نے پاکستان کے لیے گولڈ میڈل جیت کر 40 سالہ انتظار ختم کیا اور جیولن تھرو میں نیا اولمپک ریکارڈ قائم کیا تھا۔

ارشد ندیم کی پہلی تھرو فاؤل قرار پائی، تاہم دوسری کوشش میں انہوں نے 92.97 میٹر کی تھرو کے ساتھ اولمپکس کی تاریخ کی سب سے طویل جیولن تھرو کا نیا ریکارڈ قائم کردیا۔

37 سالہ کوہلی نے یہ سنگ میل ویسٹ انڈیز کے خلاف کھیلے گئے پہلے ون ڈے میچ میں چوکا لگا کر حاصل کیا اور سچن ٹنڈولکر کے مقابلے میں 74 اننگز کم کھیل کر یہ اعزاز حاصل کیا۔

کوہلی نے 303 ویں ون ڈے اننگز میں 15 ہزار رنز مکمل کیے جبکہ اپنے شاندار کیریئر میں 18,426 رنز بنانے والے ٹنڈولکر نے یہ سنگ میل 377 اننگز میں عبور کیا تھا۔

سری لنکا کے ریٹائرڈ لیجنڈ کمار سنگاکارا 14,234 رنز کے ساتھ ون ڈے کرکٹ میں سب سے زیادہ رنز بنانے والے بلے بازوں کی فہرست میں تیسرے نمبر پر ہیں۔

کوہلی جو ٹیسٹ اور ٹی20 بین الاقوامی کرکٹ سے ریٹائرمنٹ کے بعد صرف 50 اوورز کے فارمیٹ میں کھیل رہے ہیں نے ہفتے کو نشریاتی ادارے جیو اسٹار کو بتایا تھا کہ 2027 کا ورلڈ کپ ان کا آخری عالمی کپ ہوگا۔

وہ مہندر سنگھ دھونی کی قیادت میں 2011 کا ورلڈ کپ جیتنے والی بھارتی ٹیم کا حصہ بھی رہے ہیں۔

جرمنی کے خلاف 11 میچز میں یہ یونان کی پہلی فتح ہے۔ یونان دو میچوں میں 6 پوائنٹس کے ساتھ گروپ میں پہلے نمبر پر ہے جبکہ جرمنی کے پاس ایک پوائنٹ ہے۔

میزبان ٹیم نے زیادہ تر میچ میں کھیل پر کنٹرول رکھا اور پہلے ہاف میں تقریباً 80 فیصد گیند اپنے قبضے میں رکھی، تاہم دفاعی غلطیوں، خاص طور پر دوسرے ہاف میں اسے نقصان اٹھانا پڑا اور یونان کو حملوں کے لیے مواقع مل گئے۔

جولائی میں جرمنی کی ورلڈ کپ میں ابتدائی شکست کے بعد ذمہ داری سنبھالنے والے کلوپ اپنی زیرِ قیادت دونوں میچز میں کامیابی حاصل نہیں کرسکے۔ جرمنی نے جمعرات کو ایمسٹرڈیم میں نیدرلینڈز کے خلاف 1-1 سے ڈرا کھیلا تھا۔

انہوں نے 19.88 سیکنڈ میں فاصلہ طے کرکے 20 سیکنڈ کی رکاوٹ عبور کرنے والے پہلے تھائی ایتھلیٹ کا اعزاز حاصل کیا۔ ان کا وقت چین کے زی ژین یی کے قائم کردہ ایشیائی ریکارڈ کے برابر رہا۔

پیوریپول نے دو روز قبل 9.90 سیکنڈ کی رفتار سے 100 میٹر کا طلائی تمغہ بھی جیتا تھا۔ انہوں نے کہا کہ وہ مزید طلائی تمغوں اور ریکارڈز کے حصول کے لیے کوشش کریں گے۔

چین کی 18 سالہ یان زیئی نے جیولن تھرو میں 70.46 میٹر کی شاندار تھرو کے ساتھ اولمپک چیمپئن ہاروکا کیتاگوچی کو شکست دے کر طلائی تمغہ جیتا۔

بحرین کی وِنفریڈ یاوی نے 3,000 میٹر اسٹیپل چیز میں 9:04.36 منٹ کے وقت سے کامیابی حاصل کی۔ اسی طرح سنگاپور کی شانتی پریرا نے خواتین کی 200 میٹر دوڑ 22.78 سیکنڈ میں جیت کر مسلسل دوسری بار ایشین گیمز کا یہ اعزاز حاصل کیا۔ پریرا نے 100 میٹر کی فاتح چین یوجی کو 0.15 سیکنڈ سے پیچھے چھوڑ دیا۔

ٹیم ورلڈ کے ایلکس ڈی مینار نے عالمی نمبر دو الیگزینڈر زیورف کو شکست دے کر ٹیم کو برتری دلائی، جبکہ لیرنر ٹین نے فلیویو کوبولی کو ٹائی بریک میں ہرا کر ٹیم ورلڈ کی برتری 5-3 کردی۔

اس کے بعد الکاراز نے فرٹز کو 6-3، 4-6، 13-11 سے شکست دی۔ میچ کے فیصلہ کن ٹائی بریک میں الکاراز کو 10-9 اور 11-10 پر میچ پوائنٹس کا سامنا کرنا پڑا، لیکن انہوں نے پہلے کو ایس اور دوسرے کو ڈراپ شاٹ کے ذریعے بچا لیا۔

23 سالہ اسپینش کھلاڑی نے تیسرے میچ پوائنٹ پر ایک اور ڈراپ شاٹ کے ذریعے کامیابی حاصل کی۔ امریکی کھلاڑی فرٹز کے خلاف یہ فتح گزشتہ سال کی شکست کا بدلہ بھی قرار دی جارہی ہے، جب ٹیم ورلڈ نے سان فرانسسکو میں لیور کپ جیتا تھا۔

الکاراز نے کہا کہ انہیں گزشتہ سال کا میچ یاد تھا اور وہ دوبارہ ایسی صورتحال نہیں چاہتے تھے۔ انہوں نے کہا کہ وہ ابتدا میں قدرے نروس تھے، تاہم کامیابی حاصل کرنے پر بہت خوش ہیں۔

ویمبلی میں کھیلے گئے میچ میں اسپین نے انگلینڈ کی دفاعی غلطیوں سے بھرپور فائدہ اٹھایا۔

39 میچوں سے ناقابل شکست اسپین نے ورلڈ کپ جیتنے کے 10 ہفتے سے بھی کم عرصے بعد انگلینڈ کو مشکلات سے دوچار کیا۔ نوجوان کھلاڑی لامین یامال نے دوسرے ہی منٹ میں مارک گوہی کی غلطی کا فائدہ اٹھاتے ہوئے گول کیا، جبکہ الیکس بینا نے دوسرے ہاف کے آغاز میں اسپین کی برتری دگنی کردی۔

انگلینڈ نے شاندار واپسی کرتے ہوئے چار منٹ کے دوران دو گول کیے۔ انتھونی گورڈن نے 36 ویں منٹ میں برابری کا گول کیا، جس کے بعد کپتان ہیری کین نے میزبان ٹیم کو برتری دلا دی۔

تاہم اویارزابال نے 74 ویں منٹ میں گول کیپر جیمز ٹرافورڈ کے اوپر سے خوبصورت انداز میں گیند گول میں پہنچا کر اسپین کو فتح دلا دی۔ وہ 2024 یورپی چیمپئن شپ کے فائنل میں بھی انگلینڈ کے خلاف فیصلہ کن گول کرچکے ہیں۔

اسپین کے کوچ لوئس ڈی لا فوینتے نے کہا کہ ان کی ٹیم نے میچ کے مختلف مراحل کو بہترین انداز میں کنٹرول کیا۔

مصر کو جمعہ کو قاہرہ انٹرنیشنل اسٹیڈیم میں کھیلے گئے افتتاحی کوالیفائر میں انگولا نے بغیر کسی گول کے برابر روک دیا تھا۔

ترکیہ کے کلب ٹربزونسپور میں حال ہی میں لیورپول سے شامل ہونے والے محمد صلاح نے انگولا کے خلاف میچ میں شرکت کی، تاہم دوسرے ہاف کے دوران کوچ حسام حسن نے انہیں متبادل کھلاڑی کے طور پر میدان سے باہر بلا لیا۔

مصر فٹبال ایسوسی ایشن نے سوشل میڈیا پر جاری بیان میں کہا حسام حسن کی سربراہی میں قومی ٹیم کے ٹیکنیکل اسٹاف نے کھیل کی سطح کے باعث 29 ستمبر کو جنوبی سوڈان کے خلاف میچ میں محمد صلاح کو آرام دینے کا فیصلہ کیا ہے۔

ای ایف اے نے مزید کہا کہ انگولا کے خلاف میچ سے قبل قومی ٹیم کے ٹیکنیکل اسٹاف اور محمد صلاح کے درمیان اتفاق ہوگیا تھا کہ وہ جنوبی سوڈان کے خلاف میچ نہیں کھیلیں گے، جبکہ کھلاڑی کے تحفظ کے لیے ٹیکنیکل اسٹاف نے بھی یہی طریقہ اختیار کرنے کو ترجیح دی۔

جنوبی سوڈان اور مصر کے درمیان میچ جوبا اسٹیڈیم میں کھیلا جائے گا، جہاں مصنوعی ٹرف موجود ہے۔

54 سنچریوں کے ساتھ ون ڈے کرکٹ میں سب سے زیادہ سنچریاں بنانے والے کوہلی پہلے ہی ٹی20 انٹرنیشنل اور ٹیسٹ کرکٹ سے ریٹائر ہوچکے ہیں اور اب وہ صرف 50 اوورز کی فارمیٹ میں بھارت کی نمائندگی کرتے ہیں۔

37 سالہ بلے باز نے ایک روزہ بین الاقوامی کرکٹ میں 14,941 رنز بنائے ہیں اور وہ 18,426 رنز بنانے والے سچن ٹنڈولکر کے بعد دوسرے نمبر پر ہیں۔ کوہلی نے 2011 میں اپنی سرزمین پر ورلڈ کپ جیتا تھا جبکہ 2023 کے فائنل میں آسٹریلیا کے ہاتھوں شکست کا سامنا کرنا پڑا۔

2027 کا ورلڈ کپ اکتوبر سے نومبر کے دوران جنوبی افریقہ، زمبابوے اور نمیبیا کی مشترکہ میزبانی میں ہوگا اور یہ کوہلی کا پانچواں ون ڈے ورلڈ کپ ہوگا۔

کوہلی نے ہفتے کو براڈکاسٹر جیو اسٹار سے گفتگو کرتے ہوئے کہا کہ میرے لیے یہ بھارت کی جانب سے کھیلا جانے والا آخری ورلڈ کپ ہوگا۔

انہوں نے کہا کہ میری کوشش ہوگی کہ اپنی پوری صلاحیت صرف کردوں۔ یقیناً مقصد ورلڈ کپ جیتنا ہے اور اس کے لیے جو کچھ بھی کرنا پڑا، میں اس کے لیے پوری طرح تیار ہوں۔

46 سالہ پیٹرسن جو تمام فارمیٹس میں انگلینڈ کی جانب سے تیسرے سب سے زیادہ رنز بنانے والے بلے باز ہیں کو رواں ماہ 2027 ورلڈ کپ سے قبل وائٹ بال ٹیم کے لیے خصوصی مینٹور مقرر کیا گیا تھا۔

پیٹرسن نے جمعہ کو صحافیوں سے گفتگو کرتے ہوئے کہا کہ میرا شیڈول کافی مصروف ہے، تاہم میں انکار نہیں کروں گا۔

انہوں نے کہا کہ میں نے اسٹیفن سے بات کی ہے، لیکن مجھے نہیں لگتا کہ اس کا لازمی مطلب یہ ہے کہ مجھے ڈریسنگ روم میں موجود ہونا چاہیے۔ ایشز سیریز سے قبل کافی وقت موجود ہے اور اس دوران بہت سی بات چیت کی جاسکتی ہے۔

میں نے فلیمنگ سے اس زبان اور انداز کے بارے میں بھی بات کی ہے جو وہ چاہتے ہیں کہ میں جنوبی افریقہ کے دورے اور پھر اگلے سال کے موسمِ گرما میں ٹیسٹ بلے بازوں کے ساتھ استعمال کروں، تاہم مجھے نہیں لگتا کہ میں اس سے زیادہ وقت دینے کا وعدہ کرسکتا ہوں۔

پیٹرسن نے ایک دہائی سے زائد عرصے بعد انگلینڈ کی ٹیم میں واپسی پر بھی گفتگو کی جو بین الاقوامی کرکٹ سے ان کی متنازع علیحدگی کے بعد ہوئی ہے۔

جارحانہ انداز کے مڈل آرڈر بلے باز پیٹرسن نے انگلینڈ کی جانب سے تینوں فارمیٹس میں تقریباً 14 ہزار رنز بنائے۔ انگلینڈ نے آخری مرتبہ 2019 میں اپنی سرزمین پر ون ڈے ورلڈ کپ جیتا تھا۔

تاہم پیٹرسن کا انگلینڈ کا کیریئر 2014 میں آسٹریلیا کے خلاف 5-0 کی ایشز وائٹ واش کے بعد متنازع انداز میں ختم ہوا۔ اس دوران ڈریسنگ روم کے اندر اور بلے باز اور ٹیم مینجمنٹ کے درمیان کشیدگی کی اطلاعات سامنے آئی تھیں۔

پیٹرسن اس سیریز میں انگلینڈ کی جانب سے سب سے زیادہ رنز بنانے والے بلے باز تھے اور انگلینڈ کے لیے کھیلنے کے خواہشمند بھی تھے، تاہم انہیں بتایا گیا کہ اب وہ ٹیم کے مستقبل کے منصوبوں کا حصہ نہیں ہیں جس کے ساتھ ان کے بین الاقوامی کیریئر کا تلخ اختتام ہوا۔

پیٹرسن نے کہا کہ میں 46 سال کا ہوں، وہ سب کچھ بہت پیچھے رہ گیا ہے۔ میں بھی اب بالکل مختلف انسان ہوں۔

انہوں نے کہا کہ میں خوش قسمت رہا ہوں کہ انگلینڈ کے کرکٹر کی حیثیت سے پہننے والی ہر شرٹ پہن چکا ہوں۔ اچھا، برا اور بدترین سب کچھ دیکھا ہے۔ مجھے لگتا ہے کہ ان کے کیریئر کے کچھ ایسے پہلو ہیں جن سے میں انہیں بدترین صورتحال سے دور رہنے میں ممکنہ طور پر مدد دے سکتا ہوں۔

انگلینڈ کے سیٹ اپ کا حصہ بننے کے بعد پیٹرسن کی پہلی سیریز میں انگلینڈ نے اسپن بولنگ پر انحصار کرنے والی سری لنکن ٹیم کو 3-0 سے وائٹ واش کردیا اور ٹی20 عالمی رینکنگ میں بھارت کو پیچھے چھوڑ کر پہلی پوزیشن حاصل کرلی۔

ایتھلیٹک اور ٹائمز کی رپورٹس کے مطابق کلب اس فیصلے کے خلاف اپیل کرنے کی توقع ہے۔

پریمیئر لیگ نے تبصرے سے انکار کرتے ہوئے کہا کہ یہ ایک خفیہ عمل ہے، ہم اس پر بالکل کوئی تبصرہ نہیں کریں گے۔

مانچسٹر سٹی نے رائٹرز کی جانب سے تبصرے کے لیے بھیجی گئی درخواست کا فوری جواب نہیں دیا، تاہم بی بی سی کو بتایا کہ الزامات کی تحقیقات اب بھی جاری ہیں۔

اگر اس نتیجے کی تصدیق ہوجاتی ہے تو یہ انگلش فٹبال کی تاریخ کے اہم ترین فیصلوں میں سے ایک ہوگا اور اس مقدمے میں ایک بڑی پیش رفت کی نمائندگی کرے گا جس نے تین سال سے زائد عرصے سے لیگ کو اپنی لپیٹ میں لے رکھا ہے۔

ان کارروائیوں نے مالیاتی ضابطوں، مسابقتی شفافیت اور لیگ کی جانب سے اپنے کامیاب ترین کلبوں کے خلاف قوانین کے نفاذ کے طریقۂ کار پر سوالات اٹھائے ہیں۔

ہیڈنگلے میں کھیلے گئے میچ میں سری لنکا نے کپتان کوسل مینڈس کی شاندار سنچری کی بدولت 6 وکٹوں پر 321 رنز بنائے۔ کوسل مینڈس نے 121 رنز کی اننگز کھیلی اور کمیندو مینڈس کے ساتھ دوسری وکٹ پر 137 رنز کی شراکت قائم کی۔

انگلینڈ نے ہدف کے تعاقب میں ٹام بینٹن اور بین ڈکٹ کی 143 رنز کی اوپننگ شراکت کی بدولت مضبوط آغاز کیا۔ ڈکٹ نے 67 اور بینٹن نے 73 رنز بنائے لیکن اسپنر دونتھ ویلالاگے نے 3 وکٹیں حاصل کرکے انگلینڈ کی پیش قدمی روک دی۔

جوز بٹلر نے 67 رنز کی مزاحمتی اننگز کھیلی، تاہم ہیم اسٹرنگ انجری کے باعث ریٹائرڈ ہرٹ ہوگئے۔ وہ دوبارہ کریز پر آئے لیکن آخری دو اوورز میں 20 رنز درکار ہونے کے باوجود صرف 2 رنز بنا سکے اور آؤٹ ہوگئے۔

انگلینڈ 9 وکٹوں پر 305 رنز بناسکا۔ فیصلہ کن میچ اتوار کو لندن کے اوول میں کھیلا جائے گا۔

ابرار احمد نے اپنے کیریئر میں پہلی بار ٹی 20 انٹرنیشنل بولنگ رینکنگ میں نمبر ایک پوزیشن حاصل کی ہے، جہاں انہوں نے افغانستان کے راشد خان کو پیچھے چھوڑ دیا۔ وہ ون ڈے بولنگ رینکنگ میں بھی دوسری پوزیشن پر ہیں جبکہ راشد خان 39 ریٹنگ پوائنٹس کی برتری کے ساتھ سرفہرست ہیں۔

ابرار نے دسمبر 2022 میں انگلینڈ کے خلاف ٹیسٹ ڈیبیو کیا، جبکہ نومبر 2024 میں بلاوایو میں زمبابوے کے خلاف ون ڈے ڈیبیو کیا۔ ان کا ٹی20 انٹرنیشنل ڈیبیو اپریل 2024 میں راولپنڈی میں نیوزی لینڈ کے خلاف ہوا۔

کراچی سے تعلق رکھنے والے دائیں ہاتھ کے لیگ اسپنر نے رواں سال پاکستان کی جانب سے 9 ٹی20 انٹرنیشنل میچز میں 15 وکٹیں حاصل کی ہیں۔ ان میں آسٹریلیا کے خلاف ہوم سیریز کے 3 میچز میں حاصل کی گئی 6 وکٹیں بھی شامل ہیں، جس کی بدولت پاکستان نے جنوری اور فروری میں سیریز 3-0 سے کلین سوئپ کی۔

ابرار اس وقت پاکستان کے اسکواڈ کا حصہ ہیں جو جاپان میں ایشین گیمز میں شرکت کرے گا۔ قومی اسکواڈ کراچی میں چار روزہ تربیتی کیمپ میں مصروف ہے، جو جمعرات کو ختم ہوگا۔

ابرار احمد نے کہا کہ جب آپ کرکٹ کھیلنا شروع کرتے ہیں تو صرف ایک خواب ہوتا ہے کہ پاکستان کی نمائندگی کریں اور جب یہ خواب پورا ہوجائے تو اگلا ہدف دنیا کا نمبر ایک کھلاڑی بننا ہوتا ہے۔

انہوں نے کہا کہ پاکستان کی نمائندگی کرتے ہوئے دنیا کا نمبر ایک بولر بننے پر انہیں بہت فخر ہے۔ وہ مزید کامیابی حاصل کرنے اور پاکستان کو زیادہ میچز جتوانے کے لیے محنت جاری رکھیں گے۔ ان کے مطابق ماضی میں ان کی بولنگ میں مختلف انداز موجود تھے، تاہم مستقل مزاجی ایک ایسا شعبہ تھا جس میں بہتری کی ضرورت تھی۔ انہوں نے اس پر سخت محنت کی جس سے ان کی کارکردگی میں نمایاں بہتری آئی۔

ابرار احمد نے مزید کہا کہ ساتھی کھلاڑی ہمیشہ ان کی حمایت کرتے اور اعتماد دیتے ہیں۔ وہ کہتے ہیں کہ ابرار ٹیم کے لیے اپنا کردار ادا کرسکتے ہیں اور ان کی حمایت ان کے لیے بہت اہم ہے۔ ساتھی کھلاڑیوں نے ان کے سفر میں اہم کردار ادا کرتے ہوئے ہمیشہ ان کا اعتماد بڑھایا۔ انہوں نے کہا کہ ایشین گیمز قریب ہیں اور ان کا مقصد عمدہ کارکردگی کا مظاہرہ کرکے ٹیم کو میچز جتوانا اور پاکستان کے لیے طلائی تمغہ جیت کر وطن واپس آنا ہے۔

کاپی رائٹ : بزنس ریکارڈر 2026

میسی نے اگست میں بین الاقوامی فٹبال سے ریٹائرمنٹ کا اعلان کیا تھا۔ اس کے ایک ماہ سے زائد عرصے بعد ارجنٹائن کو ورلڈ کپ فائنل میں اسپین کے ہاتھوں 1-0 سے شکست ہوئی۔ تاہم اسکالونی نے چند ہفتوں بعد میسی کو بیونس آئرس کے مونومینٹل اسٹیڈیم میں 6 اکتوبر کو بینن کے خلاف ہوم دوستانہ میچ کے لیے طلب کرلیا۔

اسکالونی نے کہا کہ میسی جیسے کھلاڑی کو الوداعی موقع ملنا چاہیے اور وہ چاہتے تھے کہ اس موقع پر خود بھی موجود ہوں۔ ان کے مطابق میسی نے بھی مشکلات کے باوجود ارجنٹائن واپس آکر اپنے مداحوں کے سامنے الوداع کہنے کی خواہش اور کوشش کا اظہار کیا۔

2022 ورلڈ کپ اور دو کوپا امریکا ٹائٹل جیتنے والی ٹیم کے کوچ اسکالونی کا معاہدہ دسمبر میں ختم ہورہا ہے۔ مستقبل سے متعلق سوال پر انہوں نے کہا کہ وہ آئندہ چند روز میں ارجنٹائن فٹبال ایسوسی ایشن کے صدر کلاڈیو تاپیا سے ملاقات کریں گے۔

48 سالہ اسکالونی نے کہا کہ کوچ کی ذمہ داری سنبھالنا ان کے لیے خواب کی تعبیر ہے مگر اس کا مطلب یہ نہیں کہ وہ ہمیشہ اسی عہدے سے وابستہ رہیں گے۔ انہوں نے کہا کہ صدر کے ساتھ بعض معاملات پر بات چیت کے بعد مستقبل کے بارے میں فیصلہ کیا جائے گا۔

عالمی فٹبال کی اہم شخصیات میں یہ رائے زور پکڑ رہی ہے کہ انفانتینو کے نجی سرمایہ کاری کے متروک منصوبے سے پیدا ہونے والا بحران اب جانشینی کے سوال سے ہٹ کر ان کی صدارت جاری رہنے کی شرائط اور اختیارات کی کشمکش کی جانب بڑھ رہا ہے۔

ایک ممکنہ نتیجہ ایسا انتظامی سمجھوتا ہوسکتا ہے جس کے تحت انفانتینو عہدے پر برقرار رہیں، لیکن اپنے کچھ اختیارات سے دستبردار ہوجائیں۔

دوسرا امکان ایک طویل ’’گرم و سرد جنگ‘‘ کا ہے، جس میں کلب، کنفیڈریشنز، کھلاڑیوں کے نمائندے اور قومی فٹبال ایسوسی ایشنز مقابلوں، مالی معاملات اور بین الاقوامی کیلنڈر پر کنٹرول کے حوالے سے فیفا کو بار بار چیلنج کریں۔

عالمی فٹبال کے ایک سینئر عہدیدار نے رائٹرز کو بتایا، ’’اب جو بات واضح ہے۔۔۔ وہ یہ ہے کہ وہ کہیں نہیں جارہے۔ گرم و سرد جنگ فیفا اور عالمی فٹبال کے لیے ایک حقیقی مسئلہ ہے۔‘‘

بین الاقوامی کھیلوں کے شعبے کے ایک تجربہ کار عہدیدار، جو کئی دہائیوں سے گورننگ باڈیز کے ساتھ کام کرتے رہے ہیں، نے بھی اسی نوعیت کا جائزہ پیش کرتے ہوئے کہا کہ انفانتینو ’’اپنا عہدہ بچانے کے لیے جدوجہد کر رہے ہیں‘‘، تاہم انہوں نے سوال اٹھایا کہ اگر فٹبال کی بیشتر طاقتور ریاستیں اور ادارے ان کی مخالفت پر قائم رہے تو فیفا کس طرح مؤثر انداز میں کام کرسکے گا۔

عہدیدار نے کہا، ’’عملاً آپ کے پاس انتظامی ڈھانچے کے اندر ایک ایسی اندرونی جنگ ہوگی جس کی مثال مجھے اس سے پہلے کسی کھیلوں کی تنظیم میں یاد نہیں۔ یہ بے مثال ہے۔‘‘

عالمی فٹبال کے اندر طویل اور ممکنہ طور پر نقصان دہ سرد جنگ کے اس ممکنہ منظرنامے کی آزادانہ طور پر مزید دو سینئر فٹبال عہدیداروں نے بھی رائٹرز سے بات کرتے ہوئے تصدیق کی۔

یہ امکان اس بحران کے ایک ممکنہ طور پر متضاد نتیجے کی نشاندہی کرتا ہے، جس کی شدت کے عروج پر انفانتینو کی صدارت خطرے میں پڑ گئی تھی: وہ سیاسی طور پر تو اپنا عہدہ بچانے میں کامیاب ہوجائیں، لیکن ایسی گورننگ باڈی کی سربراہی کریں جہاں فٹبال کے بعض طاقتور ترین متعلقہ فریق اس بات کو محدود کرنے کی کوشش کریں کہ وہ عملی طور پر کیا کرسکتے ہیں۔

تجربہ کار عہدیدار نے سوال کیا، ’’کیا وہ بے اختیار صدر بن جائیں گے؟‘‘

اعتماد کا بحران برقرار

اس بات کے بہت کم شواہد ہیں کہ انفانتینو کی جانب سے اس ہفتے بحران کو ختم کرنے کی کوشش سے اعتماد کا ٹوٹا ہوا رشتہ بحال ہوا ہے۔

فیفا کونسل اور تمام 211 رکن ایسوسی ایشنز کے صدور کو لکھے گئے خط میں انفانتینو نے تجویز دی کہ کونسل کو فیفا کے بڑے تزویراتی اقدامات کے لیے گورننس فریم ورک کا آزادانہ بیرونی جائزہ لینے پر غور کرنا چاہیے۔

انہوں نے کنفیڈریشنز، ایسوسی ایشنز اور دیگر متعلقہ فریقوں سے فیصلہ سازی کے عمل کو مضبوط بنانے کے حوالے سے مشاورت کی تجویز بھی دی اور کہا کہ وہ فیفا کی قیادت کرنے کے لیے بدستور مکمل طور پر پرعزم ہیں۔

یورپ کی کئی فٹبال فیڈریشنز نے اس اقدام کو فوری طور پر مسترد کردیا، جبکہ یوئیفا کے صدر الیگزینڈر چیفرین نے بدھ کو اس پر سخت ردعمل کا اظہار کیا۔

چیفرین نے پرتگال فٹبال سمٹ سے ویڈیو خطاب میں کہا، ’’جس منصوبے نے عالمی فٹبال کے اتحاد کو پارہ پارہ کردیا، اسے ختم کیا جاسکتا ہے، لیکن اس سے ٹوٹنے والا اعتماد بحال نہیں ہوا۔‘‘

انہوں نے کہا، ’’ہمارے کھیل میں اعتماد تین ستونوں پر قائم ہے: اتحاد، شفافیت اور ایسا انتظامی نظام جو چند لوگوں کے بجائے اکثریت کے مفاد میں کام کرے۔‘‘

انہوں نے مزید کہا، ’’فٹبال برائے فروخت نہیں ہے۔‘‘

چیفرین نے انفانتینو کا نام نہیں لیا، تاہم ان کے ریمارکس فیفا کے تجارتی حقوق میں 20 فیصد حصص، جن میں ورلڈ کپ سے متعلق حقوق بھی شامل تھے، نجی سرمایہ کاروں کو فروخت کرنے کی تجویز کی جانب واضح اشارہ تھے۔

یورپی فٹبال کی گورننگ باڈی یوئیفا، ایشین فٹبال کنفیڈریشن اور شمالی و وسطی امریکا کی کنفیڈریشن کونکاکاف کی مخالفت کے بعد یہ منصوبہ جولائی میں ختم کردیا گیا تھا۔

کشیدگی میں بتدریج کمی

56 سالہ سوئس-اطالوی انفانتینو کے لیے اس صورتحال میں کم محاذ آرائی والے تصفیے کی جانب ایک راستہ یہ ہے کہ وہ اتنی وسیع اصلاحات پر آمادہ ہوجائیں جو ان کے مخالفین کو قائل کرسکیں کہ فیفا کے اندر اختیارات کا توازن واقعی تبدیل ہوگیا ہے۔

عالمی فٹبال کے سینئر عہدیدار نے کہا کہ ایک ممکنہ نتیجہ یہ ہوسکتا ہے کہ ایسا نیا ادارہ یا ڈھانچہ تشکیل دیا جائے جو صدر کے اختیارات کو محدود کردے۔

عہدیدار نے کہا کہ انفانتینو کی جانب سے گورننس اصلاحات کی تجاویز ان کے عہدے پر برقرار رہنے کے لیے ’’کم از کم ضروری اقدام‘‘ ہیں، تاہم اصل سوال یہ ہے کہ کیا وہ بامعنی تبدیلیاں قبول کرنے پر آمادہ ہوں گے۔

عالمی فٹبال کے عہدیدار نے کہا کہ کسی بھی ممکنہ سمجھوتے کی حدود کا انحصار اس بات پر ہوگا کہ ’’انفانتینو اپنے کتنے اختیارات سے دستبردار ہونے پر آمادہ ہیں‘‘ اور ان کے مخالفین ان سے اختیارات چھیننے کے لیے کس حد تک لڑنے کو تیار ہیں۔

ایسے کسی نتیجے میں تاریخی ستم ظریفی بھی ہوگی۔

فیفا کے سابق سربراہ سیپ بلاٹر کے زوال کے بعد متعارف کرائی گئی اصلاحات کا ایک مقصد یہ بھی تھا کہ صدر کے عہدے میں مرکوز اختیارات کو کم کیا جائے۔

تاہم، اب فیفا کی سینئر شخصیات ایک اور کشمکش کو جنم لیتے دیکھ رہی ہیں کہ فیفا کے صدر کے پاس کتنے اختیارات ہونے چاہئیں۔

اگر کوئی تصفیہ نہ ہوسکا تو متبادل صورتِ حال کسی ڈرامائی محاذ آرائی کے بجائے طویل کشمکش کی شکل اختیار کرسکتی ہے۔

عالمی فٹبال کے عہدیدار نے کہا کہ کلبز کلب ورلڈ کپ، مالی وسائل کی تقسیم اور کھلاڑیوں کی قومی ٹیموں کے لیے دستیابی کے معاملے پر فیفا سے ٹکرا سکتے ہیں؛ کھلاڑیوں کے نمائندے کیلنڈر کو چیلنج کرسکتے ہیں؛ قومی فٹبال ایسوسی ایشنز مختلف اقدامات کی راہ میں رکاوٹ ڈال سکتی ہیں؛ جبکہ بڑی کنفیڈریشنز فیفا کے مقابلوں کو وسعت دینے یا ان کی تشکیل نو کی کوششوں کی مخالفت کرسکتی ہیں۔

عہدیدار نے کہا، ’’شاید اب ایسا لگتا ہے کہ ہمارے سامنے دو ہی راستے رہ گئے ہیں۔‘‘

انہوں نے کہا، ’’ایک، ایسا سمجھوتا جس کے تحت گیانی اپنے کچھ اختیارات سے دستبردار ہوجائیں اور کچھ نئے ادارے تشکیل دیے جائیں؛ یا دوسرا، ایک مستقل گرم و سرد جنگ، جس میں تمام متعلقہ فریق ہر معاملے پر ایک دوسرے سے لڑتے رہیں۔‘‘

عہدیدار کے مطابق، اس میں ورلڈ کپ کو وسعت دینا، کلب ورلڈ کپ کو بڑا یا زیادہ تواتر سے منعقد کرنا اور تجارتی آمدنی کی تقسیم سے متعلق فیصلے بھی شامل ہوسکتے ہیں۔

اس کا نتیجہ لازماً فیفا سے باضابطہ علیحدگی کی صورت میں نہیں نکلے گا، بلکہ مخالفین فیفا کے ہر بڑے اقدام پر عمل درآمد کو مزید مشکل بناسکتے ہیں۔

تجربہ کار کھیلوں کے عہدیدار نے کہا کہ یہ چیلنج عالمی گورننگ باڈیز کے کام کرنے کے بنیادی طریقۂ کار سے متعلق ہے۔

عہدیدار نے کہا، ’’اتحاد کی اہمیت بہت زیادہ ہے۔ کھیلوں کی ان بڑی تنظیموں کو متحد رکھنا ضروری ہے، یہ سیاسی جماعتیں نہیں ہیں۔ یہ ایک بالکل نئی صورتحال ہوگی۔‘‘

انفانتینو حمایت دوبارہ حاصل کرنے میں مصروف

توجہ انفانتینو کی جگہ کسی اور کو لانے کے بجائے ان کی صدارت میں فیفا کے مستقبل کی جانب منتقل ہونے کی ایک اور وجہ یہ ہے کہ بحران شروع ہونے کے بعد سے ان کی پوزیشن بظاہر مضبوط ہوئی ہے۔

ایک قومی فٹبال ایسوسی ایشن کے صدر، جنہوں نے نام ظاہر نہ کرنے کی شرط پر رائٹرز سے بات کی، کا خیال ہے کہ انفانتینو کے مخالفین نے اس وقت اپنا بہترین موقع گنوا دیا جب مخالفت عروج پر تھی، اور اب وہ مارچ کے انتخابات سے قبل دوبارہ حمایت حاصل کر رہے ہیں۔

آنے والے مہینوں میں فیفا کے صدر کے پاس قومی فٹبال ایسوسی ایشنز کے رہنماؤں سے ملاقات کے کئی مواقع ہوں گے، جن میں ٹورنامنٹس، کانگریسز اور کنفیڈریشنز کی تقریبات شامل ہیں، جبکہ افریقا میں بھی کئی اجتماعات منعقد ہونے والے ہیں۔

ایسوسی ایشن کے صدر کے مطابق، انفانتینو مارچ 2027 میں ہونے والے فیفا کے صدارتی انتخابات تک فٹبال رہنماؤں میں اپنی حمایت برقرار رکھنے کے لیے ان ملاقاتوں سے فائدہ اٹھائیں گے۔

چھوٹی ایسوسی ایشنز کی سیاسی اہمیت بھی چیفرین اور کونکاکاف کے صدر وکٹر مونٹالیانی کی اس تجویز سے اجاگر ہوئی ہے کہ فیفا آئندہ مالیاتی دور کے دوران اپنے 211 رکن ایسوسی ایشنز میں سے ہر ایک کو اپنے ذخائر سے کم از کم 1 کروڑ ڈالر فراہم کرے۔

فیفا کی مالی معاونت پر بہت زیادہ انحصار کرنے والی کئی ایسوسی ایشنز کے لیے یہ رقوم ان کے لیے بنیادی نوعیت کی تبدیلی کا باعث بن سکتی ہیں۔

ایسوسی ایشن کے صدر کا خیال ہے کہ اگر انفانتینو دوبارہ منتخب ہوگئے تو ممکن ہے کہ ان کی مخالفت کرنے والی بعض فیڈریشنز بھی بالآخر کم معاندانہ رویہ اختیار کرلیں اور یہ نتیجہ اخذ کریں کہ چار سال تک مستقل محاذ آرائی میں کچھ حاصل نہیں ہوگا۔

اس امکان کے باعث ’’سرد جنگ‘‘ ناگزیر نہیں ہے۔

ریئل میڈرڈ کو اتوار کو حریف ایٹلیٹیکو میڈرڈ کے ہاتھوں 2-1 سے شکست ہوئی، جس کے بعد وہ 15 پوائنٹس کے ساتھ پوائنٹس ٹیبل پر چوتھے نمبر پر ہے اور سرفہرست بارسلونا سے 6 پوائنٹس پیچھے ہے۔

نئے کوچ جوز مورینیو کی زیرِ قیادت ٹیم کی کارکردگی پر الکاراز نے کہا کہ ریئل میڈرڈ اس سے بہتر کھیل پیش کرسکتا ہے۔ ان کے مطابق ٹیم میں بہترین اور باصلاحیت کھلاڑی موجود ہیں، تاہم اسے مزید محنت اور کھیل میں شدت پیدا کرنے کی ضرورت ہے۔

الکاراز نے کہا کہ وہ ریئل کے میچز دیکھتے ہوئے پریشان ہوتے ہیں کیونکہ انہیں اندازہ نہیں ہوتا کہ اگلے لمحے کیا ہوگا۔

الکاراز کے لیور کپ ساتھی کیسپر روڈ نے بھی فٹبال پر اظہار خیال کرتے ہوئے ناروے کے مانچسٹر سٹی کے اسٹرائیکر ایرلنگ ہالینڈ کو دنیا کا بہترین فارورڈ قرار دیا۔

تین روزہ لیور کپ جمعہ سے لندن میں شروع ہوگا۔

33 سالہ کین اس سے قبل گالف اور امریکی فٹبال میں کیریئر بنانے میں دلچسپی ظاہر کرچکے ہیں لیکن اب وہ این ایف ایل میں شمولیت کو زیادہ حقیقت پسندانہ سمجھتے ہیں۔ ان کے مطابق پنالٹی کک لینے کا تجربہ انہیں این ایف ایل کِکر بننے میں مدد دے سکتا ہے، کیونکہ دونوں کھیلوں میں دباؤ اور تکنیک کسی حد تک ملتی جلتی ہے۔

کین نے کہا کہ اگر وہ امریکی فٹبال میں جانے کا فیصلہ کرتے ہیں تو اس کے لیے سنجیدہ تیاری کریں گے اور ممکنہ طور پر چھ ماہ سے ایک سال تک تربیت حاصل کریں گے۔

انہوں نے یہ بھی کہا کہ مستقبل میں میجر لیگ سوکر (ایم ایل ایس) میں کھیلنے سے دونوں کھیلوں کو یکجا کرنے کا موقع مل سکتا ہے۔

دریں اثنا کین کا فوری مستقبل فٹبال سے ہی وابستہ ہے۔ بائرن میونخ کے ساتھ نئے معاہدے پر بات چیت جاری ہے اور ان کے مطابق جلد معاہدے کا اعلان متوقع ہے۔

کمنز کو زمبابوے کے خلاف گزشتہ ہفتے کی تین میچوں کی سیریز میں آرام دیا گیا تھا، جہاں مارش کی قیادت میں آسٹریلیا نے پہلے دو میچز باآسانی جیتے، جبکہ آخری میچ میں سنسنی خیز مقابلے کے بعد کامیابی حاصل کی۔

مارش نے بتایا کہ کمنز کی توجہ ٹیسٹ سیریز کی تیاری پر ہے، جو اگلے ماہ جنوبی افریقہ کے خلاف شروع ہوگی، تاہم وہ ون ڈے سیریز کے دوران کسی مرحلے پر کھیل سکتے ہیں۔

کمنز نے 2023 ورلڈ کپ میں آسٹریلیا کو چیمپئن بنانے کے بعد ممکنہ 31 میں سے صرف دو ون ڈے کھیلے ہیں۔ وہ تقریباً دو سال قبل ایڈیلیڈ میں پاکستان کے خلاف نو وکٹوں سے شکست کے بعد سے 50 اوورز کی کرکٹ میں آسٹریلیا کی نمائندگی نہیں کرسکے۔

ریئندرز نے مانچسٹر سٹی سے سعودی پرو لیگ کلب القادسیہ میں 6 کروڑ 10 لاکھ یورو کی حیران کن فیس کے عوض شمولیت اختیار کی۔ ان کا کہنا تھا کہ وہ حملے اور دفاع کے درمیان متحرک مڈفیلڈر کے طور پر کھیلنا چاہتے تھے، تاہم سٹی میں انہیں زیادہ تر اٹیکنگ مڈفیلڈر کے طور پر استعمال کیا جارہا تھا۔

انہوں نے کہا کہ پری سیزن میں بھی صورتحال تبدیل نہ ہونے پر انہوں نے مزید ایک سیزن اسی کردار میں کھیلنے کے بجائے نئی راہ اختیار کرنے کا فیصلہ کیا۔

28 سالہ ریئندرز نے بتایا کہ القادسیہ کے کوچ برینڈن راجرز سے گفتگو نے انہیں سعودی عرب منتقل ہونے کے فیصلے پر مطمئن کیا۔ راجرز نے انہیں یقین دلایا کہ وہ یہاں تین یا چار خوشگوار سال گزارنے کے بعد یورپ واپس آسکتے ہیں۔

ریئندرز کے مطابق سعودی لیگ میں کئی بڑے نام موجود ہیں اور وہ اسے نیدرلینڈز کی ایریڈیویسی سے بھی بہتر سمجھتے ہیں۔

رپورٹس کے مطابق ریئندرز نے سعودی عرب میں چار سال کے لیے تقریباً 10 کروڑ یورو کا معاہدہ کیا ہے۔

سری لنکا کے خلاف منگل کو 89 رنز کی فتح میں جیکس نے کیریئر کی بہترین ون ڈے باؤلنگ کرتے ہوئے 22 رنز دے کر 5 وکٹیں حاصل کیں۔

جیکس نے 2023 میں ون ڈے ٹیم میں جگہ بنانے کے بعد زیادہ تر ٹاپ تھری میں بیٹنگ کی اور محدود باؤلنگ کی، تاہم 2027 ورلڈ کپ کے پیش نظر ان کا کردار تبدیل ہورہا ہے۔

ابتدائی 15 ون ڈے میں ان کی بیٹنگ اوسط 31.20 اور باؤلنگ اوسط 45 رہی، جبکہ گزشتہ 12 میچوں میں چھٹے یا ساتویں نمبر پر کھیلتے ہوئے بیٹنگ اوسط 42.83 ہوگئی اور باؤلنگ اوسط 34.60 تک بہتر ہوئی۔

سری لنکا کے خلاف جیکس نے 5 وکٹوں کے ساتھ ناقابل شکست 46 رنز بھی بنائے۔ کپتان ہیری بروک نے ان کی کارکردگی کو سراہتے ہوئے کہا کہ مڈل آرڈر میں بیٹنگ اور باؤلنگ، دونوں میں جیکس کا کردار شاندار رہا ہے۔

جیکس نے کہا کہ ہر میچ کی صورتحال کو سمجھ کر اسی کے مطابق کھیلنا ضروری ہے۔ ان کے مطابق انگلینڈ کی ٹیم حالیہ عرصے میں پچ اور مطلوبہ اسکور سے متعلق بہتر رابطہ برقرار رکھ رہی ہے۔

سیریز کا دوسرا میچ جمعرات کو لیڈز میں کھیلا جائے گا۔