اگرچہ ایران کی ٹیم کو اپنے گروپ کے تینوں میچ کھیلنے کے لیے میکسیکو سے امریکہ آنا پڑا، پھر بھی وہ میچ میں اس امید کے ساتھ اتری کہ شاید وہ گروپ میں پہلی پوزیشن حاصل کر لے، اگرچہ اس کے امکانات بہت کم تھے۔

امریکہ نے جمعہ کے میچ کے لیے اسکواڈ پر عائد سفری پابندیوں میں معمولی نرمی کی جس کی بدولت وہ سیٹل کے علاقے میں دو دن پہلے پہنچنے میں کامیاب رہے۔

میچ کے بعد رپورٹرز سے گفتگو کرتے ہوئے قلعہ نوئی نے کہا کہ میزبان ملک نے ہمارے ساتھ ناانصافی کی۔ ان کے مطابق اگر میزبان ملک ہمیں دو ہفتے پہلے آنے کی اجازت دیتا تاکہ ہم بہتر تیاری کرسکتے تو ٹیم فزیکل اور ذہنی طور پر زیادہ بہتر حالت میں ہوتی، تاہم انہیں اس سہولت سے محروم رکھا گیا۔

یہ پابندیاں واشنگٹن اور تہران کے درمیان تقریباً چار ماہ سے جاری جنگ کے بعد پیدا ہونے والی شدید کشیدگی کے تناظر میں عائد کی گئی ہیں۔

مارچ میں امریکی صدر ڈونلڈ ٹرمپ نے کہا تھا کہ اگرچہ ایران کا ٹورنامنٹ میں حصہ لینا خوش آئند ہے لیکن ان کا ماننا ہے کہ میچوں کے درمیان ان کا وہاں قیام ان کی اپنی زندگی اور حفاظت کے لیے مناسب نہیں ہے۔

ایران کو اس وقت ناک آؤٹ مرحلے میں براہ راست جگہ ملتی دکھائی دی جب شجاع خلیل زادہ نے انجری ٹائم میں ایک لوز بال کو نیٹ میں پہنچا دیا۔

اسٹیڈیم میں موجود ایرانی شائقین خوشی سے جھوم اٹھے لیکن وی اے آر ریویو کے بعد گول کو آف سائیڈ قرار دے کر منسوخ کردیا گیا۔

انہوں نے کہا کہ میں پہلے سمجھتا تھا کہ ہم واقعی ایک مظلوم ٹیم ہیں لیکن ان تین میچوں کے بعد میں نے محسوس کیا کہ ہم بدقسمت بھی ہیں۔

میں فیفا سے اپیل کرتا ہوں مستقبل کے ورلڈ کپ میں میزبان ممالک کو کھلاڑیوں اور ٹیموں کے ساتھ ایسا سلوک نہ کرنے دیں۔

قلعہ نوعی نے بتایا کہ میچ کے بعد ایران کو واپس میکسیکو کے لیے پرواز کرنی پڑی جس کی وجہ سے کھلاڑیوں کی ریکوری متاثر ہوئی۔

میکسیکو جو امریکہ اور کینیڈا کے ساتھ مل کر ٹورنامنٹ کی میزبانی کررہا ہے، وہاں ٹیم اس بات کا انتظار کرے گی کہ آیا وہ پہلی بار ناک آؤٹ مرحلے کے لیے کوالیفائی کر پاتی ہے یا نہیں۔

ایران ورلڈ کپ ناک آؤٹ مرحلے میں اپنی جگہ یقینی بنانے سے اس وقت محروم ہوگیا جب میچ کے آخری لمحات میں کیا گیا شجاع خلیل زادہ کا گول وی اے آر کے طویل جائزے کے بعد آف سائیڈ قرار دے کر مسترد کر دیا گیا۔

شجاع خلیل زادہ نے سوچا کہ انہوں نے فیصلہ کن فاتح گول کردیا ہے جب انہوں نے مصری ڈیفنڈرز کی جانب سے گیند کلیئر نہ کر پانے پر اسے نیٹ میں پہنچا دیا لیکن وی اے آر کی جانب سے آف سائیڈ قرار دیے جانے کے بعد ایرانیوں کی خوشیاں ماند پڑ گئیں۔

اس کے فوراً بعد فائنل وسل بج گئی جس کے بعد سفید شرٹس میں ملبوس ایرانی کھلاڑی بے یقینی کے عالم میں گراؤنڈ میں نڈھال ہو کر گرگئے۔

تین پوائنٹس کے ساتھ ایران کے پاس اب بھی بہترین تیسرے نمبر پر رہنے والی آٹھ ٹیموں میں سے ایک کے طور پر کوالیفائی کرنے کی امید برقرار ہے۔

مصری کھلاڑیوں کو میچ سے قبل ہی یہ معلوم ہو چکا تھا کہ دوسری جگہوں پر ہونے والے نتائج کے باعث وہ تاریخ میں پہلی بار آخری 32 (ناک آؤٹ مرحلے) کے لیے کوالیفائی کر چکے ہیں، لیکن اس حقیقت کے باوجود سیٹل میں ہونے والا یہ میچ اپنی شدت اور جوش و خروش میں ذرا برابر بھی کم نہ رہا۔

مصر نے میچ کے پانچویں منٹ میں ہی محمود صابر کے گول کے ساتھ برتری حاصل کر لی۔

بعدازاں ایران نے جوابی حملہ کیا اور پانچ منٹ بعد ہی اسے میچ برابر کرنے کا سنہری موقع ملا جب طارمی نے پینلٹی تو جیتی لیکن اسے گول میں تبدیل کرنے میں ناکام رہے۔

چند منٹوں کے اندر ہی رامین رضائیان نے مشکل زاویے سے گول کر کے مقابلہ برابر کر دیا۔

مانچسٹر سٹی کے فارورڈ عمر مرموش کو دوسرے ہاف میں مصری حملوں میں نئی روح پھونکنے کے لیے میدان میں اتارا گیا۔

انہوں نے دوسرے ہاف کے وسط میں اپنا اثر دکھایا جب ان کا گول کی جانب جاتا ہوا ایک کرلی شاٹ ڈیفلیکٹ ہو کر کارنر میں بدل گیا۔

محمد صلاح کو 57 ویں منٹ میں میدان سے باہر بلا لیا گیا، وہ باہر جاتے ہوئے کافی ناخوش دکھائی دے رہے تھے، ان کی جگہ زیزو کو میدان میں اتارا گیا، لیکن اس میں کوئی شک نہیں کہ لیورپول کے سابق لیجنڈ مصر کے اگلے راؤنڈ میں آسٹریلیا کے خلاف میچ میں اہم کردار ادا کریں گے۔

بیلفاسٹ میں کھیلے گئے میچ میں آئرلینڈ نے پہلے بیٹنگ کرتے ہوئے 20 اوورز میں 9 وکٹوں کے نقصان پر 182 رنز بنائے۔

کپتان لورکن ٹکر 50 اور گاریتھ ڈیلانے 49 رنز کے ساتھ نمایاں رہے۔

جواب میں بھارتی ٹیم آئرلینڈ کے بولرز کا سامنا کرنے میں ناکام رہی اور 18.5 اوورز میں 148 رنز پر ڈھیر ہوگئی۔

میتھیو ہمپریز اور میٹ ہولارڈ نے 3، 3 کھلاڑیوں کو آؤٹ کیا۔

بھارت کے خلاف یہ جیت آئرلینڈ کی ٹی 20 کرکٹ کی تاریخ کی اہم ترین کامیابیوں میں شمار کی جا رہی ہے۔

میزبان ٹیم نے صرف انفرادی کارکردگی پر انحصار کرنے کے بجائے ذمہ دارانہ بیٹنگ، منظم بولنگ اور دباؤ میں بہترین اعصاب کا مظاہرہ کرتے ہوئے دنیا کی مضبوط ترین ٹی 20 ٹیموں میں شامل بھارت کو پہلی مرتبہ ٹی 20 انٹرنیشنل میں شکست دے کر نئی تاریخ رقم کی ہے۔

میچ کے آغاز میں ہی پچھڑنے کے بعد گونزالو پلاٹا نے 77ویں منٹ میں گیند کو جال کی راہ دکھا کر فیصلہ کن گول داغ دیا اور چار مرتبہ کی چیمپئن ٹیم کے خلاف کامیابی کے ساتھ میچ کا پانسہ پلٹ دیا۔ اس جیت کے ساتھ ہی جنوبی امریکی ٹیم نے گروپ مرحلے میں چار پوائنٹس حاصل کر لیے ہیں اور بہترین تیسرے نمبر پر رہنے والی ٹیموں میں شامل ہو کر ناک آؤٹ مرحلے کے لیے اپنی جگہ پکی کر لی ہے۔

میچ کے اختتام پر اسٹیڈیم میں موجود پیلی جرسی پہنے مداحوں کے سمندر نے جشن منا کر نیویارک نیوجرسی اسٹیڈیم کو ہلا کر رکھ دیا، جبکہ کھلاڑی میدان میں خوشی سے نڈھال ہو کر گر گئے۔ اس تاریخی فتح کو ماضی میں شدید تنقید کا نشانہ بننے والے کوچ سباسٹیان بیکاسیسی نے ناممکن کو ممکن بنانے سے تعبیر کیا۔

ترکیہ کی اس ٹورنامنٹ میں یہ پہلی فتح ہے، جبکہ میزبان امریکی ٹیم پہلے ہی گروپ ڈی میں پہلی پوزیشن حاصل کر کے ناک آؤٹ مرحلے میں پہنچ چکی ہے۔امریکی ٹیم نے میچ میں نو تبدیلیاں کیں اور یلو کارڈ یافتہ چار کھلاڑیوں کو آرام دیا گیا، تاہم آسٹن ٹرسٹی نے تیسرے ہی منٹ میں گول کر کے ٹیم کو برتری دلا دی۔ ترکیہ نے اردا گلر اورباریس یلماز کے گولز کی بدولت میچ میں واپسی کی، لیکن ہاف ٹائم کے فوراً بعد سیباسٹین برہالٹرنے طویل فاصلے سے شاندار ہٹ لگا کر مقابلہ 2-2 سے برابر کر دیا۔ میچ کے آخری لمحات میں متبادل کھلاڑی کان ایہان نے فیصلہ کن گول کرکے اپنی ٹیم کو جیت دلا دی۔

امریکی ٹیم کی نظریں اب بدھ کو سانتا کلارا میں راؤنڈ آف 32 کے میچ میں بوسنیا اینڈ ہرزیگووینا کے خلاف مقابلے پر مرکوز ہیں، جبکہ ترکیہ نے فتح کے ساتھ کم از کم اپنی ساکھ بچا کر وطن واپسی کی راہ لی ہے۔ متبادل کھلاڑی کرسچن پلسک کے میدان میں آنے پر شائقین نے کھڑے ہو کر ان کا استقبال کیا جو پہلے میچ میں انجری کا شکار ہو گئے تھے۔ کھیل کے آخری لمحات میں امریکی ڈیفینڈر ٹرسٹی ہیمسٹرنگ انجری کے باعث اسٹریچر پر میدان سے باہر چلے گئے جس نے امریکی کیمپ میں تشویش پیدا کر دی ہے۔

سان فرانسسکو بے ایریا اسٹیڈیم میں کھیلے گئے اس سخت اور جارحانہ مقابلے میں آسٹریلیا نے آغاز سے ہی میچ پر گرفت مضبوط رکھی، جبکہ پیراگوئے نے آخری لمحات میں دباؤ بڑھایا۔ تاہم آسٹریلوی ٹیم میچ ڈرا کرنے میں کامیاب رہی اور یوں قطر ورلڈ کپ کے چار سال بعد مجموعی طور پر تیسری مرتبہ ٹورنامنٹ کے ناک آؤٹ مرحلے میں پہنچ گئی۔

ٹونی پوپووچ کی ٹیم گروپ ڈی میں امریکہ کے بعد دوسرے نمبر پر رہی اور اب وہ اگلے مرحلے کے لیے ڈلاس روانہ ہوگی جہاں اس کا مقابلہ گروپ جی کی دوسرے نمبر کی ٹیم سے ہوگا۔ پوپووچ نے پچھلے میچ کے مقابلے میں ٹیم میں چھ اہم تبدیلیاں کیں، جس میں سٹوری ایرانکنڈا اور کونر میٹکالف کی واپسی شامل تھی۔

دوسری جانب چار پوائنٹس حاصل کرنے والی پیراگوئے کی ٹیم کے کوچ گستاوو الفارو نے مایوسی کا اظہار کرتے ہوئے کہا کہ وہ اس نتیجے سے مطمئن نہیں ہیں، تاہم انہیں امید ہے کہ وہ بہترین تیسرے نمبر پر رہنے والی ٹیموں میں شامل ہو کر ناک آؤٹ مرحلے تک پہنچ جائیں گے۔ میچ کے دوسرے ہاف میں پیراگوئے کے جولیو انسیسو نے آسٹریلیا کے دفاع کو کافی نقصان پہنچایا، لیکن میچ کے آخری منٹ میں آسٹریلیا کے جارڈن باس کے حملے اور مضبوط دفاع نے مقابلہ برابر رکھا اور ٹیم کو اگلے مرحلے میں پہنچا دیا۔

ماسیکو نے 63ویں منٹ میں گیند کو جال کے نچلے کونے میں پہنچا کر جنوبی افریقا کو فیصلہ کن برتری دلائی۔ اس کامیابی کے بعد جنوبی افریقا چار پوائنٹس کے ساتھ گروپ اے میں دوسرے نمبر پر رہا اور اب 28 جون کو لاس اینجلس میں شریک میزبان کینیڈا کا سامنا کرے گا۔ گروپ میں سرفہرست میکسیکو نے جمہوریہ چیک کو 0-3 سے شکست دی۔

جنوبی کوریا، جس نے اپنے اسٹار کھلاڑی سون ہیونگ من کو ابتدا میں بینچ پر بٹھا کر میچ کا آغاز کیا، تین پوائنٹس کے ساتھ موجود ہے۔

جنوبی افریقا اپنی پہلی تین ورلڈ کپ شرکتوں (1998، 2002 اور 2010) میں گروپ مرحلے سے آگے بڑھنے میں ناکام رہا تھا۔

جنوبی افریقا کے کوچ ہیوگو بروس نے کہا، ’’یہ ایک شاندار تجربہ تھا۔ آج کا مقابلہ بہت کڑا تھا، لیکن ہم نے عمدہ کھیل پیش کیا۔ حکمتِ عملی کے اعتبار سے ہم بہت مضبوط رہے اور جنوبی کوریا کے لیے خالی جگہیں تلاش کرنا مشکل بنا دیا۔‘‘

انہوں نے کہا، ’’گول کرنے کے بعد آخری 20 منٹ دل کی دھڑکنیں تیز کر دینے والے تھے۔ یہ ایک تاریخی کامیابی ہے اور میں اپنے کھلاڑیوں کے لیے بے حد خوش ہوں۔ میں گزشتہ پانچ برس سے ان کے ساتھ کام کر رہا ہوں۔‘‘

جنوبی کوریا نے اگرچہ زیادہ وقت گیند اپنے پاس رکھی، لیکن اس کے حملوں میں کاٹ اور تخلیقی چمک کا فقدان دکھائی دیا۔ میچ کے دوسرے ہی منٹ میں کم من جے کا ہیڈر اوبری موڈیبا نے گول لائن سے واپس کر دیا، جبکہ اس کے فوراً بعد لی کانگ اِن نے پنالٹی ایریا کے اندر سے لگائی گئی اپنی کوشش ہدف سے اوپر مار دی۔

جنوبی افریقا نے رفتہ رفتہ میچ پر اپنی گرفت مضبوط کی اور 19ویں منٹ میں گول کرنے کے قریب پہنچ گیا، جب تھاپیلو ماسیکو ایک عمدہ تھرو بال پر تیزی سے آگے بڑھے، تاہم لی گی ہیوک نے آخری لمحے میں شاندار ٹیکل کرکے خطرہ ٹال دیا۔

اس کے بعد گول کیپر کم سیونگ گیو نے یکے بعد دیگرے دو بہترین بچاؤ کیے؛ پہلے انہوں نے تھالینتے مباتھا کی کوشش ناکام بنائی اور پھر ایویڈنس ماکگوپا کے ری باؤنڈ شاٹ کو بھی قابو میں کر لیا۔

ابتدائی دباؤ کا کامیابی سے سامنا کرنے اور جنوبی کوریا کو واضح مواقع پیدا کرنے سے روکنے کے بعد، جنوبی افریقا بالآخر اس برتری کا مستحق ثابت ہوا۔ یہاں تک کہ کپتان سون ہیونگ من کی وقفے کے بعد آمد بھی کورین ٹیم کے حملوں میں خاطر خواہ جان نہ ڈال سکی۔

فیصلہ کن لمحہ اس وقت آیا جب موریمی نے ایک نہایت نپی تلی پاس ماسیکو کے لیے نکالی۔ ماسیکو نے گیند کو اپنے بائیں پاؤں پر منتقل کیا اور پھر ایک زور دار زمینی شاٹ کے ذریعے اسے گول کے دائیں نچلے کونے میں پہنچا دیا، یوں جنوبی افریقا نے آخری 32 ٹیموں کے مرحلے میں تاریخی رسائی حاصل کر لی۔

پنڈلی کی انجری کے باعث پانچ ہفتے میدانوں سے دور رہنے کے بعد برازیل کے صدر کی جانب سے ’’گھر بیٹھ کر کھیلنے والے کھلاڑی‘‘ کی تنقید کا نشانہ بننے والے 34 سالہ فارورڈ نے 2023 کے اواخر کے بعد پہلی بار بین الاقوامی میچ میں شرکت کی اور تقریباً 20 منٹ کھیلنے کا موقع پایا۔

اگرچہ اس عرصے میں لیونل میسی اور کرسٹیانو رونالڈو جیسے سپر اسٹارز کے مقابلے میں ان کی چمک کچھ ماند پڑی ہے، لیکن وہ آج بھی برازیلی فٹبال کی ایک نمایاں اور محبوب علامت ہیں۔ چنانچہ جب برازیل نے کھیل کے ایک گھنٹے بعد 0-3 کی برتری حاصل کی تو وارم اپ کے دوران پورا اسٹیڈیم ’’نیمار! نیمار!‘‘ کے نعروں سے گونج اٹھا۔

اسکاٹ لینڈ کے خلاف مقابلہ تقریباً برازیل کی جھولی میں جا چکا تھا جب کارلو انچیلوتی نے 76ویں منٹ میں ماتھیوس کونیا کی جگہ نیمار کو میدان میں بھیجا، جس پر اسٹیڈیم میں موجود برازیلی شائقین نے بھرپور تالیاں بجا کر اور نعروں سے ان کا استقبال کیا۔

غیرمعمولی فنی مہارت کے ساتھ ساتھ نیمار برازیل کے تاریخ کے سب سے کامیاب بین الاقوامی گول اسکورر بھی ہیں۔ 2010 میں ڈیبیو کے بعد سے وہ 129 میچوں میں اپنے ملک کے لیے 79 گول کر چکے ہیں۔

اگرچہ میامی اسٹیڈیم میں مختصر شرکت کے دوران ان کا 80واں بین الاقوامی گول نہ آ سکا، لیکن نہ نیمار اور نہ ہی تجربہ کار انچیلوتی اس بات پر پریشان ہوں گے، جن کا ہدف برازیل کو چھٹا عالمی کپ جتوانا ہے۔

ایک وقت تھا جب برازیل حریف کا دفاعی حصار توڑنے کے لیے صرف نیمار کی جانب دیکھتا تھا، مگر اب ونیسیئس جونیئر کی صورت میں اسے ایک اور غیرمعمولی صلاحیتوں کا حامل سپر اسٹار بھی میسر آ گیا ہے۔

25 سالہ ونیسیئس جونیئر نے اپنی رفتار اور فنی مہارت سے اسکاٹ لینڈ کے دفاع کے اوسان خطا کیے رکھے۔ وہ خود کو بدقسمت سمجھ سکتے ہیں کہ 1958 میں پیلے کے بعد ورلڈ کپ میں کسی برازیلی کھلاڑی کی پہلی ہیٹ ٹرک مکمل کرنے سے محروم رہ گئے۔

نیمار کے لیے جگہ بنانے سے قبل پورے فارورڈ لائن پر متحرک رہنے والے ونیسیئس نے اسکاٹ لینڈ کے دفاع کی ایک غلطی کا فائدہ اٹھا کر پہلا گول کیا، جبکہ پہلے ہاف کے اضافی وقت میں ہیڈر کے ذریعے دوسرا گول بھی داغ دیا۔

ان دونوں گولوں کے درمیان انہوں نے جیک ہینڈری سے گیند چھین کر جال میں پہنچا دی تھی، لیکن وی اے آر جائزے کے بعد ریفری نے فیصلہ دیا کہ انہوں نے مدافع کے خلاف فاؤل کیا تھا، لہٰذا گول مسترد کر دیا گیا۔

اس سے چند منٹ قبل انہوں نے گول کی جانب ایک خطرناک شاٹ لگائی اور پھر تماشائیوں میں موجود برازیلی شائقین کی جانب رخ کرکے ہاتھ کے اشارے سے مزید جوش و خروش دکھانے کی اپیل کی، جس کا جواب مجمع نے فوری طور پر بھرپور نعروں کی صورت میں دیا۔

دوسرے ہاف میں بھی انہیں چند مواقع ملے، لیکن گول کیپر نے انہیں کامیابی سے محروم رکھا۔ اس کے باوجود جب بھی گیند ان کے قدموں میں آئی، اسکاٹ لینڈ کا دفاع غیرمطمئن اور دباؤ کا شکار دکھائی دیا۔

ورلڈ کپ کے لیے نیمار کو دوبارہ ٹیم میں شامل کرنے کا انچیلوتی کا فیصلہ متنازع ضرور تھا، تاہم ونیسیئس جونیئر کی موجودگی میں یہ زیرک اطالوی کوچ بخوبی جانتے ہیں کہ تیس کی دہائی میں داخل ہو چکے نیمار اب برازیل کے حملے کا واحد محور نہیں بلکہ کئی مؤثر آپشنز میں سے ایک ہیں۔

شریک میزبان میکسیکو پہلے ہی گروپ اے کی فاتح ٹیم کے طور پر آخری 32 مرحلے میں جگہ بنا چکا تھا، تاہم ازٹیکا اسٹیڈیم میں اس نے کسی رعایت کا مظاہرہ نہیں کیا اور مسلسل تیسری کامیابی حاصل کر کے جمہوریہ چیک کو گروپ میں آخری پوزیشن پر دھکیلتے ہوئے ٹورنامنٹ سے باہر کر دیا۔

میچ کافی دیر تک ایک پھیکے ڈرا کی جانب بڑھتا دکھائی دے رہا تھا، لیکن دوسرے ہاف میں میکسیکو نے جارحانہ کھیل پیش کرتے ہوئے مقابلے کا نقشہ بدل دیا۔ ماتیو شاویز نے پہلا گول کر کے برتری دلائی، جس کے بعد جولیان کوئنونیس نے ٹورنامنٹ میں اپنا دوسرا گول اسکور کیا، جبکہ متبادل کھلاڑی آلوارو فیڈالگو نے آخری ضرب لگا کر فتح پر مہر ثبت کر دی۔

گروپ مرحلے میں بے عیب کارکردگی کا صلہ میکسیکو کو منگل کے روز ناک آؤٹ مرحلے کے میچ کی صورت میں ملے گا، جہاں اس کا سامنا گروپ سی، ای، ایف، ایچ یا آئی میں تیسری پوزیشن حاصل کرنے والی کسی ایک ٹیم سے ہوگا۔ یہ مقابلہ بھی ازٹیکا اسٹیڈیم میں میکسیکو کے اپنے شائقین کے سامنے کھیلا جائے گا، جہاں وہ ورلڈ کپ کے گزشتہ نو میچوں میں ناقابلِ شکست رہا ہے۔

میکسیکو کے سخت گیر کوچ خاویئر آگیری نے کہا کہ ’’میرے خیال میں ٹیم نے مجموعی طور پر اچھا کھیل پیش کیا۔ یقیناً ابھی بھی چند پہلو ایسے ہیں جن پر مزید کام کرنے کی ضرورت ہے، لیکن آج کی رات ہم سب کے لیے خوشی کی رات ہے۔‘‘

امید کی نئی کرن

ٹورنامنٹ میں میکسیکو کے شاندار آغاز نے اس کے پُرجوش شائقین میں نئی امید جگا دی ہے کہ شاید یہی وہ ٹیم ثابت ہو جو 1986 کے بعد سے کوارٹر فائنل تک رسائی میں ناکامی کے طویل سلسلے کا خاتمہ کر دے۔

اشارے بھی حوصلہ افزا دکھائی دے رہے ہیں۔ اپنی سرزمین پر ہونے والے ورلڈ کپ میں گروپ مرحلے سے باآسانی گزرنے والی میکسیکو کی ٹیم گزشتہ 11 میچوں سے ناقابلِ شکست ہے اور امید کی جا رہی ہے کہ وہ برسوں کی مایوسیوں اور غیر تسلی بخش کارکردگی کو پسِ پشت ڈالنے میں کامیاب ہو جائے گی۔

اعداد و شمار بھی اس کے حق میں بولنے لگے ہیں۔

یہ ورلڈ کپ میں میکسیکو کی 1970 میں ایل سلواڈور کے خلاف 0-4 کی فتح کے بعد سب سے بڑی کامیابی ہے، جبکہ دفاعی محاذ پر اس کی مضبوطی کا اندازہ اس بات سے لگایا جا سکتا ہے کہ وہ 2018 میں یوروگوئے کے بعد گروپ مرحلے کے تینوں میچوں میں کلین شیٹ رکھنے والی پہلی ٹیم بن گئی ہے۔

اس نئے دور کی علامت 17 سالہ مڈفیلڈر گلبرٹو مورا ہیں، جو 2002 کے بعد ورلڈ کپ میں ابتدائی الیون کا حصہ بننے والے کم عمر ترین کھلاڑی ہیں۔ انہوں نے ایک شاندار کارکردگی پیش کی اور ان کے ہر ٹچ پر شائقین کی جانب سے بھرپور داد سنائی دی۔

مورا نے کہا، ’’سچ پوچھیں تو مجھے یقین تھا کہ میں یہ مقام حاصل کر سکتا ہوں، لیکن اتنی جلدی نہیں۔ اب جب میں یہاں پہنچ گیا ہوں تو میری کوشش ہے کہ ہر لمحے سے لطف اندوز ہوں، دن بہ دن آگے بڑھوں اور جب بھی میدان میں اتروں اپنی بہترین کارکردگی پیش کروں۔‘‘

میکسیکو نے میچ کا رخ بدل دیا

ناک آؤٹ مرحلے میں رسائی کی امیدیں داؤ پر لگی ہونے کے باعث جمہوریہ چیک نے متوقع طور پر میچ کا زیادہ جارحانہ آغاز کیا۔ ڈینس ویسنسکی کو ابتدائی لمحات میں ایک اچھا موقع ملا، لیکن وہ اسے ضائع کر بیٹھے۔

میکسیکو کو پہلا شاٹ لگانے میں 35 منٹ لگے اور وہ بھی سینٹر بیک اسرائیل رئیس کی ایک غیر متوقع اوورہیڈ کک تھی جو ہدف سے باہر چلی گئی۔

میچ ایک بے رنگ برابری کی جانب بڑھتا دکھائی دے رہا تھا، مگر 55ویں منٹ میں میکسیکو نے اچانک رفتار پکڑ لی اور ازٹیکا اسٹیڈیم کو جوش و خروش سے بھر دیا۔

لوئیس رومو نے مڈفیلڈ میں گیند حاصل کی اور اسے فل بیک ماتیو شاویز کے راستے میں ڈال دیا۔ شاویز نے ایک مدافع کو چکمہ دیا، گول کی جانب بڑھے اور نہایت اطمینان سے گیند کو گول کیپر ماتیئج کووار کے پاس سے جال میں پہنچا دیا۔

چھ منٹ بعد ہونے والے دوسرے گول میں گلبرٹو مورا کا کلیدی کردار تھا۔ نوجوان مڈفیلڈر گیند کے ساتھ چیک دفاع کے اندر تک گھس گئے اور پھر ایک عمدہ پاس خورخے سانچیز کو دی۔ ان کی کوشش گول کیپر کے اوپر سے گزری اور معمولی افراتفری کے بعد جولیان کوئنونیس نے گیند کو جال میں پہنچا دیا۔

اگرچہ شائقین پہلے ہی پرجوش تھے، لیکن رات کی سب سے بلند داد اس وقت سنائی دی جب 40 سالہ گول کیپر گیلیرمو اوچوا متبادل کھلاڑی کے طور پر میدان میں آئے۔ یہ ان کے کیریئر کا 154واں بین الاقوامی میچ اور چھٹا ورلڈ کپ تھا۔

میکسیکو نے اختتامی لمحات میں ایک اور خوبصورت گول کے ساتھ اپنی فتح کو مزید یادگار بنا دیا۔ انجری ٹائم میں آلوارو فیڈالگو نے تقریباً 18 میٹر کے فاصلے سے زور دار شاٹ لگا کر گیند گول کے اوپری کونے میں پہنچا دی اور یوں شریک میزبان ٹیم نے 0-3 کی شاندار کامیابی اپنے نام کر لی۔

ڈسپلنری سماعت کے بعد اسٹوکس اور فاسٹ بالر گس اٹکنسن نیوزی لینڈ کے خلاف جمعرات سے شروع ہونے والے تیسرے ٹیسٹ میں واپسی کے لیے تیار ہیں۔ دونوں کھلاڑیوں کو لندن کے ایک نائٹ کلب میں کرفیو کی خلاف ورزی پر دوسرے ٹیسٹ سے معطل کیا گیا تھا۔

اسٹوکس کی عدم موجودگی میں انگلینڈ کو اوول ٹیسٹ میں 253 رنز سے شکست کا سامنا کرنا پڑا، جس سے نیوزی لینڈ نے سیریز برابر کر دی۔ میکولم نے کہا کہ ان کی اسٹوکس سے بات ہوئی ہے اور وہ دونوں اب بھی گہرے دوست ہیں۔ انہوں نے واضح کیا کہ انگلش کرکٹ کی قیادت سنبھالنے کے بعد سے وہ دونوں ایک دوسرے کے بہت قریب رہے ہیں اور حالیہ مشکلات ٹیم کی ترقی کی راہ میں رکاوٹ نہیں بنیں گی۔ انگلینڈ اب ٹرینٹ برج میں تیسرا ٹیسٹ جیت کر سیریز اپنے نام کرنے کی کوشش کرے گا۔

41 سالہ اسٹار فٹبالر کے دو شاندار گولز کی بدولت پرتگال نے گروپ کے کے میچ میں ازبکستان کو 5-0 سے عبرت ناک شکست دی۔ مسلسل 10 میچوں میں گول نہ کرنے پر تنقید کا نشانہ بننے والے رونالڈو نے میچ کے بعد کیمرے کے سامنے چلا کر کہا کہ میں واپس آ گیا ہوں!۔

اس کارکردگی کے ساتھ ہی رونالڈو نے ورلڈ کپ میں اپنے مجموعی گولز کی تعداد 10 کرکے یوسیبیو کو پیچھے چھوڑ دیا اور پرتگال کی طرف سے ورلڈ کپ کی تاریخ میں سب سے زیادہ گول کرنے والے کھلاڑی بن گئے۔ پرتگال کی جانب سے نونو مینڈس اور رافیل لیاؤ نے بھی گول کیے جبکہ ازبکستان کے گول کیپر کی غلطی کی وجہ سے ایک اون گول بھی ہوا۔ اس شاندار جیت کے بعد پرتگال کے دو میچوں میں 4 پوائنٹس ہو گئے ہیں۔

گروپ بی میں کینیڈا سے ڈرا اور سوئٹزرلینڈ سے شکست کے بعد دونوں ٹیموں کے لیے بدھ کا یہ میچ جیتنا لازمی ہے۔

کوچ بارباریز کا کہنا تھا کہ 90 منٹ تک دفاع کرنا ہمارا مقصد نہیں، یہ مقابلہ لمبی ہٹس اور ڈیفنس کا نہیں بلکہ دونوں ٹیمیں جیت کے لیے لڑیں گی۔ سیئٹل میں بڑی تعداد میں موجود بوسنیائی شائقین کی بدولت ٹیم کو بھرپور عوامی حمایت کی امید ہے، تاہم اسٹیڈیم میں قطری مداح بھی بڑی تعداد میں موجود ہوں گے۔ اگرچہ بوسنیا کو فیورٹ مانا جا رہا ہے لیکن کوچ نے خبردار کیا کہ فیفا رینکنگ میں قطر ہم سے بہتر ہے، اس لیے ہمیں محتاط رہنا ہوگا۔

تاہم کوچ یولیان ناگلسمان کو دفاعی لائن میں تبدیلی کرنا پڑے گی، کیونکہ مرکزی دفاعی کھلاڑی نیکو شلوٹربیک گزشتہ ہفتے آئیوری کوسٹ کے خلاف 2-1 کی سنسنی خیز فتح کے دوران ٹخنے کے لیگامنٹ کی انجری کا شکار ہو گئے تھے اور اب ٹورنامنٹ کے باقی تمام میچز سے باہر ہو چکے ہیں۔

اس میچ میں شلوٹربیک کی جگہ میدان میں آنے والے انتونیو روڈیگر کے ٹورنامنٹ میں پہلی مرتبہ ابتدائی الیون میں شامل ہونے کا امکان ہے، جہاں وہ جرمن دفاع کے مرکز میں جوناتھن تاہ کے ساتھ ذمہ داریاں سنبھالیں گے۔

ناگلسمان کی دفاعی لائن اگرچہ اب تک مجموعی طور پر مؤثر رہی ہے، تاہم بعض مواقع پر اس میں کمزوریاں بھی سامنے آئی ہیں، اور شلوٹربیک کی عدم موجودگی ایکواڈور کے خلاف اس دفاع کے لیے مزید کڑا امتحان ثابت ہو سکتی ہے۔

دوسری جانب ایکواڈور کی ٹیم کے لیے یہ میچ بقا کی جنگ کی حیثیت رکھتا ہے۔ وہ کیوراساؤ کے خلاف بغیر کسی گول کے برابری پر اکتفا کرنے اور افتتاحی میچ میں آئیوری کوسٹ سے شکست کے بعد دباؤ کا شکار ہے۔

جنوبی امریکی ٹیم نے کیوراساؤ کے خلاف 28 مرتبہ گول کی کوشش کی، لیکن ایک بھی موقع کو جال میں تبدیل نہ کر سکی۔ ایکواڈور ایک پوائنٹ کے ساتھ گروپ میں تیسرے نمبر پر ہے، جبکہ کیوراساؤ بھی ایک پوائنٹ رکھتا ہے تاہم بہتر گول فرق کی بنیاد پر ایکواڈور اس سے آگے ہے۔

ایکواڈور کی ٹیم 19 میچوں کی ناقابلِ شکست سیریز کے ساتھ اس ٹورنامنٹ میں پہنچی تھی اور جنوبی امریکی کوالیفائنگ مرحلے میں موجودہ عالمی چیمپئن ارجنٹینا کے بعد دوسرے نمبر پر رہی تھی، تاہم اب اگلے مرحلے تک رسائی کی امیدیں برقرار رکھنے کے لیے اسے جرمنی کو شکست دینا ہوگی۔ آئیوری کوسٹ تین پوائنٹس کے ساتھ گروپ میں دوسرے نمبر پر ہے۔

دوسری جانب جرمنی چھ پوائنٹس کے ساتھ پہلے ہی گروپ میں سرفہرست پوزیشن یقینی بنا چکا ہے اور میچ کے نتیجے سے قطع نظر راؤنڈ آف 32 کا مقابلہ بوسٹن میں کھیلے گا۔ تاہم اسے اب بھی اپنے اگلے حریف کا انتظار ہے۔

اس کے باوجود جرمن ٹیم کے ناک آؤٹ مرحلے سے قبل رفتار کم کرنے یا اہم کھلاڑیوں کو آرام دینے کا امکان کم ہے، کیونکہ وہ اپنی فتوحات کا تسلسل برقرار رکھنے کے لیے پُرعزم دکھائی دیتی ہے۔

جرمن اٹیکنگ مڈفیلڈر نادیم امیری نے کہا کہ ”ہمیں اسی روانی کو برقرار رکھنا ہے کیونکہ ہر فتح ہمارے لیے فائدہ مند ہے۔“

انہوں نے مزید کہا کہ ”یہ ہمارے لیے انتہائی اہم میچ ہے۔ جرمنی سے بڑی تعداد میں شائقین ہماری حوصلہ افزائی کے لیے آئیں گے، اس لیے ہم ہر صورت یہ میچ جیتنا چاہتے ہیں اور پوری شدت کے ساتھ میدان میں اتریں گے۔“

ناگلسمان بھی اپنی ٹیم میں اسی شدت اور عزم کو برقرار رکھنا چاہتے ہیں، خصوصاً اس کے بعد جب جرمنی نے 12 برس میں پہلی مرتبہ ناک آؤٹ مرحلے تک رسائی حاصل کی ہے۔ 2018 اور 2022 کے ورلڈ کپ میں پہلے ہی مرحلے سے باہر ہونے کے بعد جرمن ٹیم کی یہ کامیابی اس کے مداحوں میں پانچویں عالمی اعزاز کی امیدیں بھی تازہ کر چکی ہے۔

خبر رساں ایجنسی کے مطابق یہ واقعہ دارالحکومت کے ہاشمی اسکوائر میں پیش آیا، جہاں بڑی تعداد میں شائقین اردن کی الجزائر کے ہاتھوں 2-1 سے شکست کا میچ دیکھنے کے لیے جمع تھے۔

پبلک سکیورٹی ڈائریکٹوریٹ کے مطابق مقام پر شدید رش اور ہجوم کے دباؤ کے باعث بھگدڑ مچ گئی، جس کے بعد امدادی ٹیموں نے نو زخمیوں کو اسپتال منتقل کیا۔ ان میں سے ایک زخمی بعد میں دم توڑ گیا، جبکہ دیگر افراد کو معمولی سے درمیانے درجے کی چوٹیں آئیں۔

ماہرین واقعے میں ہلاکت کی اصل وجہ جاننے کے لیے تحقیقات کر رہے ہیں، مزید کہا گیا۔

دارالحکومت کے مختلف حصوں میں بھی بڑی تعداد میں شائقین میچ دیکھنے کے لیے جمع تھے، کیونکہ یہ اردن کی تاریخ میں پہلی بار ورلڈ کپ میں شرکت تھی۔

جیسے ہی 44 سالہ سرینا نے اس خواہش کا اظہار کیا کہ وہ دوبارہ اس سینٹر کورٹ پر واپسی چاہتی ہیں جس پر وہ ماضی میں حکمرانی کرتی رہی ہیں، آل انگلینڈ کلب کی کمیٹی کے لیے یہ فیصلہ تقریباً ایک واضح اور باآسانی لیا جانے والا قدم بن گیا، جو ان کھلاڑیوں کو خصوصی دعوت دینے کی ذمہ دار ہے جو براہِ راست کوالیفائی نہیں کر پاتیں۔

23 مرتبہ کی گرینڈ سلم چیمپئن سرینا ولیمز ایک ہی لمحے میں اس ٹورنامنٹ کی سب سے بڑی توجہ کا مرکز بن گئی ہیں، جہاں وہ سات سنگلز ٹائٹلز اور اپنی بہن وینس کے ساتھ چھ ڈبلز ٹائٹلز جیت چکی ہیں۔

عالمی نمبر ایک ارینا سبالینکا کی اس باوقار ومبلڈن کورٹ پر پہلی بار ٹائٹل جیتنے کی کوشش، ایگا شویانٹیک کی اپنے اعزاز کے دفاع کی مہم، اور برطانوی شائقین کی ایما ریڈوکانُو سے وابستہ دلچسپی، یہ سب کچھ اس وقت پس منظر میں چلا جائے گا جب ولیمز میدان میں قدم رکھیں گی۔

امریکی کھلاڑی کا رعب و دبدبہ

سرینا ولیمز کو ومبلڈن میں پہلی راؤنڈ میں ہار کے بعد ہارمونی ٹین کے ہاتھوں شکست کے چار سال گزر چکے ہیں، اور اس کے چند ہفتوں بعد وہ یو ایس اوپن میں جذباتی انداز میں ٹینس سے وقتی کنارہ کشی کا اعلان کرتے ہوئے یہ کہہ چکی ہیں کہ وہ کھیل سے ایک نئے مرحلے کی طرف بڑھ رہی ہیں۔

اس دوران کھیل آگے بڑھ چکا ہے اور نئی قوتیں ابھر کر سامنے آ چکی ہیں، تاہم کسی بھی کھلاڑی کے پاس وہ رعب و دبدبہ نہیں جو سرینا ولیمز کا خاصہ رہا ہے، اور یہی کہانی ان کی بہن وینس کے ساتھ بھی جڑی ہے، جن کے ساتھ وہ ڈبلز میں دوبارہ جوڑی بنائیں گی، اور جن کی کھیل سے بڑھ کر ایک عالمی حیثیت بن چکی ہے۔

اس ماہ کوئنز کلب میں دوبارہ نمودار ہونے سے قبل، جہاں وہ وکٹوریا ایمبوکو کے ساتھ ڈبلز میں شریک تھیں، سرینا نے اس خواہش کا اظہار کیا کہ وہ اپنی کم عمر بیٹیوں الیگزینڈر اولمپیا اور اڈیرہ کو اپنا کھیل دکھانا چاہتی ہیں۔

انہوں نے بجا طور پر یہ بھی کہا کہ انہیں کسی کو کچھ ثابت کرنے کی ضرورت نہیں، تاہم اس میں کوئی شک نہیں کہ سرینا ولیمز ومبلڈن واپسی پر اس یقین کے ساتھ آئیں گی کہ وہ اب بھی دنیا کی بہترین کھلاڑیوں کا مقابلہ کر سکتی ہیں۔

ومبلڈن ڈرا جمعہ کو ہوگا

جمعہ کو جب ڈرا ہوگا تو کوئی بھی کھلاڑی نہیں چاہے گا کہ اس کا سامنا سرینا ولیمز سے ہو۔

اس سوال پر سنجیدہ بحث ضرور ہوگی کہ آیا ان کی یہ واپسی کسی ایسے کھلاڑی کے لیے ایک قدم آگے ہے یا پیچھے، جس نے خواتین ٹینس پر آہنی گرفت رکھی اور مجموعی طور پر 186 ہفتے مسلسل عالمی نمبر ایک رہنے کا ریکارڈ بھی قائم کیا۔

2022 کے مقابلے میں زیادہ فِٹ نظر آنے والی سرینا ولیمز نے کوئنز کلب میں وکٹوریا ایمبوکو کے ساتھ شاندار کھیل پیش کیا، اور قریبی ذرائع کے مطابق وہ ومبلڈن میں ممکنہ سنگلز واپسی کے لیے سخت ٹریننگ کر رہی ہیں، جس کی منصوبہ بندی گزشتہ سال کے آخر سے جاری تھی۔

سرینا ولیمز نے ایک جی ایل پی-1 وزن کم کرنے والی دوا کے استعمال کا بھی اعتراف کیا ہے، جس کے بارے میں ان کا کہنا ہے کہ اس کی مدد سے انہوں نے تقریباً 34 پاؤنڈ (15 کلوگرام) وزن کم کیا اور خود کو “کئی برسوں سے بہتر” محسوس کر رہی ہیں۔

اگرچہ اس پر یہ بحث شروع ہو گئی ہے کہ آیا ایسی ادویات کارکردگی بڑھانے کے زمرے میں آتی ہیں اور انہیں ممنوعہ فہرست میں شامل ہونا چاہیے یا نہیں، سابق عالمی نمبر ایک اینڈی روڈک کا کہنا ہے کہ یہ فیصلہ “بالکل درست قدم” تھا۔

انہوں نے اپنے پوڈکاسٹ سرو( Serve) میں کہا کہ”یہ اس بات کو یقینی بنانے کے لیے ہے کہ وہ اس انداز میں ٹریننگ کر سکیں جس کی انہیں ضرورت ہے، اور یہ اس وقت زیادہ آسان ہوتا ہے جب آپ 20 پاؤنڈ کم وزن ہوں۔“

روڈک کے مطابق اصل سوال اب بھی نقل و حرکت کا ہے۔

ان کا کہنا تھا، ”سرینا ہمیشہ سے زبردست سروس کھیل سکتی ہیں، اور مجھے کبھی ان کی پاور یا بال کو ہٹ کرنے کی صلاحیت پر شک نہیں رہا۔ جب انہیں معلوم ہو کہ گیند کہاں جا رہی ہے تو وہ اسے ضرور نشانہ بناتی ہیں۔ اصل امتحان یہ ہے کہ ہم ابھی تک ان کی سائیڈ ٹو سائیڈ موومنٹ نہیں دیکھ سکے۔“

روڈک نے کہا، “میں اس پوری صورتحال کے بارے میں واقعی متجسس ہوں۔ مجھے لگتا ہے کہ وہ جا کر سنگلز میچز بھی جیت سکتی ہیں۔ کوئنز کلب کے ڈبلز میں آپ نے 120 میل فی گھنٹہ کی رفتار سے سروسز دیکھیں، اور میچ کے بعد آپ یہی سوچ رہے تھے کہ میں انہیں سنگلز میں کھیلتے دیکھنا چاہتا ہوں۔”

انہوں نے مزید کہا کہ سرینا ولیمز کا اثر کم تجربہ کار حریفوں پر نفسیاتی طور پر بھی بہت گہرا ہو سکتا ہے، صرف ان کے سامنے موجود ہونے سے ہی۔ روڈک نے اسے امریکی گالف لیجنڈ ٹائیگر ووڈز کے ”ٹائیگر ایفیکٹ“ سے تشبیہ دی۔

ٹینس اس وقت ایک طرح کے پوسٹ گولڈن ایرا سے گزر رہا ہے، جہاں راجر فیڈرر، رافیل نڈال اور اینڈی مرے جیسے بڑے نام ریٹائر ہو چکے ہیں، جبکہ کارلوس الکاراز انجری کے باعث اس سال ومبلڈن میں مکمل فارم میں نہیں ہیں، جس کے باعث ٹورنامنٹ کے ایک بڑے اسپورٹس ایونٹ کے بجائے ثانوی حیثیت اختیار کرنے کا خدشہ پیدا ہو گیا تھا۔

اسی تناظر میں ٹینس کی ایک حقیقی لیجنڈ کی واپسی منتظمین، شائقین اور ٹی وی نشریاتی اداروں کے لیے ایک بڑا تقویت بخش لمحہ ہے۔

اگر سرینا ولیمز بالآخر 24 گرینڈ سلم سنگلز ٹائٹلز کے مارگریٹ کورٹ کے ریکارڈ کی برابری کر لیتی ہیں—اپنی آخری فتح کے نو سال بعد—تو یہ کھیلوں کی تاریخ کی عظیم ترین واپسیوں میں شمار ہو گی۔

جو بھی نتیجہ ہو، یہ لمحہ دیکھنے سے تعلق رکھتا ہے۔

سابق عالمی نمبر چار میری جو فرنانڈیز، جو اس ایونٹ کی کمنٹری کریں گی، نے اس ہفتے کہا، “یہ ایک بہت بڑا اور جرات مندانہ قدم ہے۔ میں بہت پرجوش ہوں۔ میں یہ دیکھنے کے لیے بے تاب ہوں کہ وہ کس طرح کھیل رہی ہیں، ان کی موومنٹ کیسی ہے اور ان کی سروس کیسی چل رہی ہے۔”

انہوں نے مزید کہا، ”یہ ان کی خوداعتمادی کا شاندار ثبوت ہے کہ وہ سمجھتی ہیں کہ وہ یہ کر سکتی ہیں۔ اگر کوئی کر سکتا ہے تو وہ سرینا ہیں۔“

ڈیلا س اسٹیڈیم میں 70 ہزار سے زائد تماشائیوں کے سامنے میسی نے 38ویں اور 95ویں منٹ میں گول کر کے اپنے ورلڈ کپ کے مجموعی گولز کی تعداد 18 تک پہنچا دی حالانکہ اس سے قبل وہ ایک پینلٹی کک ضائع کر چکے تھے۔

اس فتح نے دفاعی چیمپئن ٹیم کو راؤنڈ آف تھرٹی ٹو میں بھی پہنچا دیا ہے۔

ان کا پہلا گول انہیں جرمنی کے میروسلاو کلوزے سے آگے لے گیا جس کے ساتھ ہی وہ مردوں کے ورلڈ کپ کی تاریخ کے سب سے زیادہ گول کرنے والے کھلاڑی بن گئے اور ان کے دوسرے گول نے انہیں مارٹا کے 17 گولز کے ریکارڈ سے بھی آگے پہنچا دیا جو اب تک ٹورنامنٹ کی تاریخ کا مجموعی ریکارڈ تھا۔

میسی نے کہا کہ ہم پہلے ہی لوگوں کو کئی خوشیاں دے چکے ہیں لیکن ہم انہیں مزید خوشیاں دینے کی کوشش کریں گے۔ اہم بات کوالیفائی کرنا ہے اور تمام میچ جیتنا ہمیشہ ہمارے منصوبوں میں شامل ہوتا ہے۔

پہلے ہاف کے دوران ہی بارش ہوگئی، جب ہاف ٹائم ہوا تو بارش مزید تیز ہوگئی اور موسم خراب ہوگیا جس کے سبب دوسرا ہاف شروع ہونے دو گھنٹے سے زائد لگے۔

فرانس کے منیجر ڈیڈیئر ڈیشامپ نے کہا پہلا ہاف اچھا رہا۔ دوسرے ہاف میں ہم نے وہیں سے کھیل کا آغاز کیا جہاں سے چھوڑا تھا، یہ ذہن میں رکھتے ہوئے کہ جو کچھ ہوا اس کے پیشِ نظر یہ آسان نہیں تھا اور ہم نے کھیل کو حریف کی پہنچ سے دور کرنے میں کامیابی حاصل کی۔ یہ ایک بہت اچھی بات ہے۔

ایم باپے اب 16 گول کے ساتھ ورلڈ کپ کی تاریخ کے سب سے زیادہ گول کرنے والے کھلاڑیوں میں شامل ہوگئے ہیں اور انہوں نے جرمنی کے سابق ریکارڈ ہولڈر میروسلاو کلوزے کی برابری کرلی ہے۔

پیر کو ہی لیونل میسی نے آسٹریا کے خلاف ارجنٹائن کی 2-0 سے فتح میں دو گول کر کے 18 ورلڈ کپ گولز کا نیا ریکارڈ قائم کیا ہے۔

میچ میں سلو اوور ریٹ کے باعث انگلینڈ کے 12 اہم پوائنٹس کاٹ لیے گئے ہیں۔ نیوزی لینڈ نے یہ ٹیسٹ 253 رنز سے جیت کر تین میچوں کی سیریز 1-1 سے برابر کر دی ہے۔ میزبان ٹیم پر میچ فیس کا 50 فیصد جرمانہ بھی عائد کیا گیا ہے۔

انٹرنیشنل کرکٹ کونسل (آئی سی سی) کے مطابق قائم مقام کپتان جو روٹ نے غلطی کا اعتراف کرتے ہوئے سزا قبول کر لی ہے۔ اس کٹوتی کے بعد انگلینڈ کے پوائنٹس کی شرح 34.72 سے گر کر 26.38 فیصد ہو گئی ہے اور وہ ساتویں نمبر پر برقرار ہے۔ اگلے سال لارڈز میں ہونے والے فائنل میں پہلی دو ٹیمیں مدمقابل ہوں گی، جن پر فی الحال آسٹریلیا اور جنوبی افریقہ کا قبضہ ہے۔ ناٹنگھم میں ہونے والے آخری ٹیسٹ میں باقاعدہ کپتان بین اسٹوکس کی واپسی ہوگی، جو نائٹ کلب کرفیو کی خلاف ورزی پر گس اٹکنسن کے ہمراہ دوسرے ٹیسٹ سے معطل تھے۔

مصر نے پہلا گول کھانے کے بعد زبردست کم بیک کیا اور دوسرے ہاف میں مکمل طور پر کھیل کا رخ بدل دیا۔ اس فتح کے بعد مصر فیفا ورلڈ کپ گروپ جی میں چار پوائنٹس کے ساتھ سرفہرست آ گیا ہے اور اگلے مرحلے میں جانے کے امکانات مزید مضبوط ہو گئے ہیں۔

پہلے ہاف میں نیوزی لینڈ نے بہتر آغاز کیا اور اپنی حکمت عملی کے مطابق لمبے پاس اور مضبوط دفاعی کھیل سے مصر کو دباؤ میں رکھا۔ نیوزی لینڈ کی طرف سے پہلا گول فِن سرمن نے کارنر کک پر کیا۔

دوسرے ہاف میں مصر نے جارحانہ کھیل شروع کیا اور 58ویں منٹ میں مصطفیٰ زیكو نے محمد ہانی کے دائیں جانب سے آئے ہوئے خوبصورت کراس پر ہیڈر کے ذریعے گول کر کے اسکور برابر کردیا۔

اس کے بعد میچ کا رنگ مکمل بدل گیا اور پھر میدان میں محمد صلاح نے اپنی کلاس دکھائی۔ 67 ویں منٹ میں انہوں نے تیزی سے حملہ کرتے ہوئے خوبصورت انداز میں مصر کو برتری دلا دی۔

محمد صلاح نے ایک موقع پر اپنا دوسرا گول کرنے کی کوشش بھی کی لیکن 81ویں منٹ میں ان کا شاٹ ڈیفلیکٹ ہو کر باہر چلا گیا۔ تاہم اسی موقع کے کارنر پر متبادل کھلاڑی محمود تریزیگیٹ نے ہیڈر کے ذریعے گول کر کے اسکور 1-3 کر دیا۔

میچ کے چوتھے ہی منٹ میں ڈائچی کامدا نے کیٹو ناکامورا کے پاس پر گول کرکے جاپان کو برتری دلائی، جس کے بعد 30 ویں منٹ میں ایاسے اویدا نے دوسرا گول داغ دیا۔ دوسرے ہاف میں بھی جاپانی ٹیم چھائی رہی، جونیہ ایٹو نے ٹیم کا تیسرا گول کیا، جبکہ اویدا نے اپنا دوسرا اور ٹیم کا چوتھا گول ہیڈر کے ذریعے کیا۔ اس شاندار کارکردگی کے ساتھ جاپان ورلڈ کپ کے ایک میچ میں 4 گول کرنے والی پہلی ایشیائی ٹیم بن گیا ہے۔

اس جیت کے ساتھ گروپ ایف میں جاپان 4 پوائنٹس کے ساتھ نیدرلینڈز کے برابر آ گیا ہے، جبکہ نئے کوچ ہرو رینارڈ کی زیرِ نگرانی کھیلنے والی تیونس کی ٹیم، ہیٹی اور ترکیہ کے بعد ٹورنامنٹ سے باہر ہونے والی تیسری ٹیم بن گئی ہے۔

اس ڈرا میچ نے ایران کی ناک آؤٹ مرحلے میں پہنچنے کی امیدیں برقرار رکھی ہیں۔سفری پابندیوں کے باعث ایرانی ٹیم امریکہ میں قیام کے بجائے میکسیکو کے شہر تہرانا میں مقیم ہے اور وہیں سے میچ کھیلنے لاس اینجلس آتی ہے۔ ایرانی فٹ بال فیڈریشن کی طرف سے جاری کردہ ہاتھ سے لکھے گئے نوٹ میں کہا گیا کہ ہزاروں سال پرانے قدیم فارس سے لے کر آج کے مہذب ایران تک ایرانی روح ہمیشہ زندہ اور ثابت قدم ہے۔ شکریہ لاس اینجلس! ہم یہاں فخر کے ساتھ آئے، عزت کے ساتھ کھیلے اور وقار کے ساتھ جا رہے ہیں۔ایرانی کوچ امیر قلعہ نوئی نے ان سخت سفری پابندیوں پر شدید تنقید کی ہے۔ ایران اپنا آخری گروپ میچ سیئٹل میں مصر کے خلاف کھیلے گا۔

محض ایک لاکھ چھپن ہزار کی آبادی والے ملک کیوراکاؤ نے ایکواڈور کو 0-0 سے ڈرا پر روک کر عالمی کپ کی تاریخ میں اپنا پہلا قیمتی پوائنٹ حاصل کر لیا۔

ورلڈ کپ کے کسی ایک میچ میں اس سے زیادہ (16) سیوز کا ریکارڈ صرف امریکہ کے ٹم ہاورڈ (2014) کے پاس ہے۔ میچ کے دوران ایکواڈور نے مسلسل دباؤ برقرار رکھا، مگر چھ فٹ تین انچ طویل القامت روم آہنی دیوار بن گئے۔ ایکواڈور کے گول کیپر ہرنان گالینڈیز نے بھی اعتراف کیا کہ روم نے اپنی زندگی کا بہترین میچ کھیلا ہے۔

اس تاریخی کامیابی پر اسٹیڈیم میں موجود ہالینڈ کے بادشاہ ویلیم الیگزینڈر اور ملکہ میکسیما نے ڈریسنگ روم میں ٹیم کے ساتھ جشن منایا۔ میچ کے بعد سوشل میڈیا پر بھی روم کی مقبولیت کا طوفان آ گیا اور ان کے فالوورز ایک لاکھ سے بڑھ کر 7 لاکھ ہو گئے۔ ہیڈ کوچ ڈک ایڈووکیٹ نے مسکراتے ہوئے کہا کہ میچ جیتنے کے لیے تو شاید ایکواڈور کے چار کھلاڑی کم پڑتے، مگر تاریخی ڈرا کے لیے تنہا روم ہی کافی ثابت ہوئے۔

اپنے افتتاحی میچ میں امریکہ کے ہاتھوں 4-1 کی شکست کے بعد پیراگوئے نے میچ کے 64 ویں سیکنڈ میں ہی برتری حاصل کر لی جب میٹیاس گالارزا نے دور سے ایک طاقتور شاٹ کے ذریعے گول داغ دیا جس کے بعد انہوں نے پورے میچ کے دوران ترکیہ کے مسلسل حملوں کے طوفان کے سامنے اپنی برتری کو برقرار رکھا۔

میچ میں ایک کھلاڑی کی کمی کے باوجود پیراگوئے کی ٹیم نے بھرپور مزاحمت کی اور برتری برقرار رکھنے میں کامیاب رہی۔

پیراگوئے کو پہلے ہاف کے اضافی وقت میں بڑا دھچکا اس وقت لگا جب مڈفیلڈر میگوئل المیرون کو براہ راست ریڈ کارڈ دکھا دیا گیا۔

وہ ورلڈ کپ میں منہ پر ہاتھ رکھ کر بات کرنے کے نئے نافذ کردہ ضابطے کے تحت سزا پانے والے پہلے کھلاڑی بنے۔

رپورٹس کے مطابق غیر یقینی ویزا صورتحال اور امریکا کے ساتھ کشیدگی کے باعث ایرانی ٹیم اپنے گروپ مرحلے کے تینوں میچوں کے لیے میکسیکو میں موجود ٹورنامنٹ بیس سے امریکا آمدورفت کرے گی، جو مشترکہ میزبان ملک ہے۔

امریکی حکام نے شرط عائد کی ہے کہ ٹیم کو میچ سے 24 گھنٹے کے اندر امریکا میں داخل ہونا ہوگا اور اسی دن واپس روانہ ہونا ہوگا، جس پر ہیڈ کوچ امیر قلعه نویی نے ایران کو ٹورنامنٹ کی ”سب سے زیادہ دباؤ میں رہنے والی“ ٹیم قرار دیا ہے۔

ایران فٹبال فیڈریشن نے ایک بیان میں کہا ہے کہ یہ پابندیاں شریک ٹیموں کے لیے برابر مواقع فراہم کرنے کے اصولوں سے مطابقت نہیں رکھتیں اور ان سے ٹیم کی تکنیکی تیاری متاثر ہو سکتی ہے۔

فیڈریشن نے جمعہ کو فیفا میں اپنی شکایت دائر کرنے کا اعلان کرتے ہوئے کہا کہ یہ صورتحال غیر منصفانہ ہے۔

فیفا نے رائٹرز کی تبصرے کی درخواست پر فوری طور پر کوئی جواب نہیں دیا۔

کوچ امیر قلعه نویی نے کہا کہ ان رکاوٹوں نے پیر کو نیوزی لینڈ کے ساتھ 2-2 کے ڈرا میچ میں ایران کو نقصان پہنچایا۔

ایران فٹبال فیڈریشن نے کہا ہے کہ کوچنگ اسٹاف کے منصوبے کے مطابق قومی ٹیم کو ہر میچ سے دو دن قبل میزبان شہر میں پہنچنا ضروری تھا تاکہ بہترین تکنیکی اور جسمانی تیاری ممکن ہو سکے، اور پھر میچ کے اگلے دن اپنے بیس کیمپ واپس لوٹنا تھا۔

فیڈریشن کے مطابق تاہم نیوزی لینڈ کے خلاف افتتاحی میچ کے لیے یہ درخواست منظور نہیں کی گئی۔

امریکی محکمہ ہوم لینڈ سکیورٹی نے کہا ہے کہ یہ اقدامات سکیورٹی کے پیش نظر ہیں اور ایران کے ساتھ طے پائے گئے معاہدے کے مطابق نافذ کیے گئے ہیں۔ ایران کی ٹیم 21 جون کو لاس اینجلس میں بیلجیم کے خلاف اور 27 جون کو سیئٹل میں مصر کے خلاف اپنے گروپ میچز کھیلے گی۔

محکمہ کے ترجمان نے رائٹرز کی ای میل پر جواب دیتے ہوئے کہا کہ ٹیم کو میچ سے ایک دن پہلے (میچ ڈے مائنس ون) داخلے کی اجازت ہوگی اور میچ مکمل ہوتے ہی اسی دن شام کو واپس روانہ ہونا ہوگا۔

انہوں نے مزید کہا کہ صدر کی خواہش ہے کہ توجہ کھیل کے میدان میں کارکردگی پر رہے، اور اس کے لیے ضروری ہے کہ اسٹیڈیمز، بیس کیمپس اور ٹریننگ سائٹس کے اطراف مکمل سکیورٹی اور حفاظت کو یقینی بنایا جائے۔

مارچ میں ہونے والی اصل ٹورنامنٹ کی نیلامی میں پاکستانی کپتان ثنا کو نظر انداز کر دیا گیا تھا۔

لیکن آل راؤنڈر کو ساتھی غیر ملکی کھلاڑی لوسی ہیملٹن کے متبادل کے طور پر جمعرات کو تیار کیا گیا تھا، جنہیں آسٹریلیا کی جانب سے سینٹرل کنٹریکٹ ملنے کے بعد واپس لے لیا گیا تھا۔

24 سالہ فاطمہ ثنا اس وقت انگلینڈ میں جاری ویمنز ٹی ٹوئنٹی ورلڈ کپ میں پاکستان کی نمائندگی کر رہی ہیں۔

21 جولائی کو انگلینڈ میں شروع ہونے والا دی ہنڈرڈ اس وقت تنازع کا شکار ہو گیا تھا جب یہ خدشات سامنے آئے کہ 100 بالز فی سائیڈ فارمیٹ میں بھارتی سرمایہ کاری کے باعث پاکستانی کھلاڑیوں پر خاموش پابندی عائد کی جا رہی ہے۔

تاہم انگلینڈ اینڈ ویلز کرکٹ بورڈ (ای سی بی) اور دی ہنڈرڈ کی آٹھوں فرنچائزز نے بعد ازاں مشترکہ بیان جاری کرتے ہوئے واضح کیا کہ کھلاڑیوں کو قومیت کی بنیاد پر کسی طور پر بھی خارج نہیں کیا جانا چاہیے۔

مردوں کے ڈرافٹ میں ابرار احمد اور عثمان طارق کی شمولیت کے بعد یہ خدشات بے بنیاد ثابت ہوئے، جبکہ خواتین کے ایونٹ میں ثنا کی شمولیت کو پاکستان کرکٹ کے لیے ایک مثبت پیش رفت قرار دیا جا رہا ہے۔

برمنگھم فینکس کے پرفارمنس ڈائریکٹر جیمز تھامس نے کہا کہ ”فاطمہ ثنا ایک واضح عزم کی علامت ہیں۔ وہ پاکستان کی کپتان، بین الاقوامی سطح کی تیز گیند باز اور لوسی ہیملٹن کی بہترین متبادل ہیں۔“

پیر کو آسٹریا کے خلاف گروپ جے کے دوسرے میچ سے قبل سب سے بڑی بحث لاؤتارو مارٹنیز اور جولین الواریز میں سے کسی ایک اسٹرائیکر کو منتخب کرنے پر ہے۔ الجزائر کے خلاف مارٹنیز نے میچ کا آغاز کیا تھا جبکہ اٹلیٹیکو میڈرڈ کے الواریز ٹخنے کی چوٹ سے صحت یاب ہو کر 55 ویں منٹ میں متبادل کے طور پر میدان میں آئے۔ ارجنٹائن کے میڈیا کے مطابق آسٹریا کے خلاف الواریز کو موقع ملنے کا امکان زیادہ ہے۔ سابق گول کیپر کارلوس مونٹویا کا کہنا ہے کہ مارٹنیز بہترین فنشر ہیں جبکہ الواریز پریسنگ اور باکس سے باہر بھی کھیل پر اثرانداز ہوتے ہیں۔

دفاعی لائن میں بھی شکوک و شبہات برقرار ہیں۔ رائٹ بیک پوزیشن پر گونزالو مونٹیل اور ناہوئل مولینا کے درمیان سخت مقابلہ ہے، جبکہ لیفٹ بیک نکولس ٹیگلیافیکو پنڈلی کی چوٹ کا شکار ہیں اور ان کی جگہ فی الحال فاکنڈو مدینا ذمہ داریاں نبھا رہے ہیں۔

جمعرات کو گروپ بی کے ایک میچ میں بوسنیا اینڈ ہرزیگووینا کے خلاف متبادل کھلاڑی کے طور پر میدان میں آکر انہوں نے دو شاندار گول داغے، جس کی بدولت سوئٹزرلینڈ نے 4-1 سے کامیابی حاصل کی۔ قطر کے خلاف پہلا میچ 1-1 سے برابر رہنے کے بعد اس جیت نے سوئس ٹیم کے حوصلے بلند کر دیے ہیں۔

فرائیبرگ کلب سے کھیلنے والے مانزامبی کا کہنا تھا کہ یہ ان کے کیریئر کا پہلا بریس (ایک میچ میں دو گول) ہے اور ورلڈ کپ جیسے بڑے اسٹیج پر یہ کارنامہ انجام دینا ناقابل یقین ہے۔ اپنے پہلے گول کے حوالے سے بات کرتے ہوئے انہوں نے کہا کہ پینلٹی ایریا ہجوم سے بھرا ہوا تھا اور ان کے پاس زیادہ متبادل راستے نہیں تھے لیکن خدا کا شکر ہے کہ وہ گیند کو جال میں پہنچانے میں کامیاب رہے۔

سوئس کوچ موراٹ یاکن نے مانزامبی کی مہارت اور کھیل میں ورسٹیلیٹی کی کھل کر تعریف کی۔ انہوں نے کہا کہ مانزامبی دفاع، مڈفیلڈ، فلینکس اور اسٹرائیکر ہر پوزیشن پر کھیلنے کی صلاحیت رکھتے ہیں۔

یاکن کا کہنا تھا کہ مانزامبی مخالف ٹیم کے ساتھ ساتھ خود انہیں بھی اپنے شاندار کھیل سے حیران کرنے کی صلاحیت رکھتے ہیں اور مستقبل میں انہیں میچ کے آغاز سے ہی پلیئنگ الیون کا حصہ بنایا جا سکتا ہے۔

میچ میں کپتان ہیری کین نے دو گول داغے، جبکہ جوڈ بیلنگھم اور مارکس ریشفورڈ نے دوسرے ہاف میں فیصلہ کن گول کرکے ٹیم کی فتح پر مہر لگائی۔ کروشیا نے دو بار میچ برابر کرکے انگلینڈ کو دباؤ میں رکھا لیکن بیلنگھم کے 47 ویں اور رشفورڈ کے 85 ویں منٹ میں کیے گئے گولز نے کروشیا کی امیدوں پر پانی پھیر دیا۔

اس میچ میں 12 ویں منٹ میں پنالٹی پر پہلا گول کرنے کے بعد 32 سالہ ہیری کین نے 42 ویں منٹ میں ہیڈر کے ذریعے اپنا دوسرا گول کیا۔ اس گول کے ساتھ ہی انہوں نے انگلینڈ کی طرف سے ورلڈ کپ میں گیری لائنیکر کے 10 گولز کا تاریخی ریکارڈ برابر کر دیا۔ کروشیا کی جانب سے مارٹن باٹورینا اور پیٹر موسیٰ نے گول کیے۔ اس شاندار کامیابی پر انگلینڈ کے ہیڈ کوچ تھامس ٹوخل نے ٹیم کی کارکردگی کو سراہا۔

قومی ٹیم کے رنگوں میں رنگے حامیوں نے روایتی کھانوں کا لطف اٹھاتے اور گانے گاتے ہوئے شہر بھر کے ریسٹورنٹس اور سڑکوں کو بھر دیا، جس کے بعد اسٹیڈیو ازٹیکا میں گروپ کے کے ایک یادگار میچ میں کولمبیا نے ازبکستان کو 1-3 سے شکست دے دی۔

میچ کے دوران اسٹیڈیم کے اسٹینڈز پر کولمبیا کی پیلی جرسیوں کا راج تھا، جس سے ہوم گراؤنڈ جیسا ماحول بن گیا۔ کولمبیا کی جانب سے ڈینیئل منوز، لوئس ڈیاز اور جیمنٹن کیمپاز نے گول کرکے جیت پر مہر لگائی۔

مقامی کولمبین ریسٹورنٹس کے مینیجرز کا کہنا تھا کہ انہوں نے میکسیکن اور کولمبین شہریوں کو روایتی کھانوں اور بیئر کے ساتھ خوش آمدید کہا ،تاکہ وہ گھر جیسا محسوس کر سکیں۔ فائنل سیٹی بجنے تک میکسیکو سٹی کم از کم ایک رات کے لیے مکمل طور پر کولمبیا کا بن چکا تھا۔

سابق ورلڈ نمبر 5 اسی تکلیف کی وجہ سے اس سے قبل فرینچ اوپن میں بھی شرکت نہیں کر سکے تھے۔2024 میں ومبلڈن کے سیمی فائنل تک رسائی حاصل کرنے والے 24 سالہ موساتی مئی کے وسط میں اٹالین اوپن کے چوتھے راؤنڈ میں کیسپر روڈ سے ہارنے کے بعد سے اب تک کورٹ میں نہیں اترے ہیں۔

موساتی نے انسٹاگرام پر مداحوں کو آگاہ کرتے ہوئے لکھا کہ میری بحالی کا عمل بہت اچھا چل رہا ہے، لیکن چونکہ میں نے ابھی تک مکمل ٹریننگ کا آغاز نہیں کیا، اس لیے ہم نے بوجھل دل کے ساتھ یہ فیصلہ کیا ہے کہ میں اس سال ومبلڈن میں حصہ نہیں لے سکوں گا۔ یہ ایک مشکل لیکن درست فیصلہ ہے۔