خبر رساں ادارے رائٹرز آزادانہ طور پر ان اطلاعات کی تصدیق نہیں کرسکا، جبکہ سعودی عرب کے سینٹر فار انٹرنیشنل کمیونیکیشن نے واقعے کی تحقیقات شروع کرنے کا اعلان کیا ہے۔

حوثی حکام کے مطابق حملوں میں صنعا کے مشرق میں واقع علاقے بنی حشیش میں مکانات کو نشانہ بنایا گیا، جو حوثی گروپ کا مضبوط گڑھ سمجھا جاتا ہے۔

صنعا کے صحتونا اسپتال کے ڈائریکٹر عبدالعزیز الدیلمی نے بتایا کہ متعدد متاثرین اب بھی ملبے تلے دبے ہوئے ہیں، جن میں امدادی کارکن بھی شامل ہیں۔ ان کے مطابق امدادی کارروائیوں کے دوران بھی حملے جاری رہے، جس کے نتیجے میں طبی عملے کے بعض ارکان بھی ہلاک ہوگئے۔

سعودی عرب اور حوثیوں کے درمیان دوبارہ شروع ہونے والی لڑائی نے اقوام متحدہ کی ثالثی میں 2022 میں طے پانے والی جنگ بندی کو ختم کردیا ہے۔ حوثی باغیوں نے سعودی ہوائی اڈوں اور تیل کی تنصیبات پر میزائل اور ڈرون حملے کیے، جبکہ سعودی عرب نے یمن میں اپنے اتحادیوں کی حمایت میں فضائی کارروائیاں کی ہیں۔

عالمی ادارہ برائے مہاجرت کے مطابق اکتوبر تک تازہ لڑائی کے نتیجے میں 2 لاکھ سے زائد افراد بے گھر ہوچکے ہیں۔