بینک آف جاپان جمعے کو مانیٹری پالیسی کا اعلان کرے گا، جس میں شرح سود 1.25 فیصد پر برقرار رکھے جانے کی توقع ہے۔ تاہم مہنگائی کے دباؤ کے باعث مرکزی بینک کی جانب سے سخت مانیٹری پالیسی کا عندیہ دیے جانے کا امکان ہے۔ مارکیٹ میں دسمبر میں شرح سود بڑھائے جانے کے امکانات تقریباً 80 فیصد ہیں۔

جاپانی ین معمولی کمی کے بعد 157.815 فی ڈالر پر آگیا اور رواں ماہ ڈالر کے مقابلے میں 0.2 فیصد کمزور ہونے کی راہ پر ہے۔

یورو 1.1185 ڈالر پر مستحکم رہا، جبکہ برطانوی پاؤنڈ 0.1 فیصد اضافے سے 1.3390 ڈالر پر پہنچ گیا۔ آسٹریلوی ڈالر 0.7030 امریکی ڈالر پر تقریباً مستحکم رہا، جبکہ نیوزی لینڈ کا ڈالر معمولی کمی کے بعد 0.5626 ڈالر پر آگیا۔

امریکی ڈالر انڈیکس 0.3 فیصد کی ماہانہ بہتری کے ساتھ 101.77 پر آگیا، جو مسلسل دوسرے ماہ اضافے کی جانب گامزن ہے۔

دوسری جانب امریکی 10 سالہ ٹریژری بانڈز کی شرح منافع 4.8958 فیصد اور 30 سالہ بانڈز کی شرح 5.2623 فیصد پر آگئی، جو ایک ماہ سے زائد عرصے کی کم ترین سطح ہے۔ سرمایہ کاروں میں اے آئی شعبے پر بڑھتے اخراجات کے حوالے سے خدشات نے اسٹاک مارکیٹوں کو دباؤ میں رکھا ہے۔