تاہم مالی سال 2026 کی چوتھی سہ ماہی میں شعبے کی آمدنی سالانہ بنیاد پر 2 فیصد اور سہ ماہی بنیاد پر 26 فیصد کم ہوئی جس کی بنیادی وجہ دی سیئرل کمپنی لمیٹڈ کی جانب سے سہ ماہی کے دوران ریکارڈ کیا گیا خسارہ تھا۔ سرل کو نکال کر دیکھا جائے تو مالی سال 2026 کی چوتھی سہ ماہی میں سیکٹر کا منافع سالانہ بنیادوں پر 6 فیصد بڑھا لیکن سہ ماہی بنیادوں پر 4 فیصد کم ہو کر 9.3 ارب روپے رہ گیا۔

مالی سال 2026 میں سرل کو نکال کر لسٹڈ فارماسیوٹیکل شعبے کی منافع بخشیت سالانہ بنیاد پر 22 فیصد بڑھی۔ آمدنی میں بہتری کے باوجود سرل اور لِوِن فارما کو نکال کر شعبے کی مارکیٹ کیپٹلائزیشن میں سالانہ بنیاد پر صرف 0.4 فیصد اضافہ ریکارڈ کیا گیا۔ مجموعی بنیاد پر 30 جون 2026 تک لِوِن فارما کو نکال کر لسٹڈ فارماسیوٹیکل شعبے کی مارکیٹ کیپٹلائزیشن میں سالانہ بنیاد پر 2.3 فیصد اضافہ ہوا۔

ٹاپ لائن ریسرچ کے مطابق شعبے کی خالص فروخت مالی سال 2025 میں 342.6 ارب روپے کے مقابلے میں مالی سال 2026 میں سالانہ بنیاد پر 10 فیصد اضافے سے 377.9 ارب روپے ہوگئی جس کی بنیادی وجہ قیمتوں میں اضافہ رہا۔ مالی سال 2026 کی چوتھی سہ ماہی میں فروخت 88.9 ارب روپے رہی جو سالانہ بنیاد پر 3 فیصد زیادہ، تاہم سہ ماہی بنیاد پر 3 فیصد کم ہے۔

بڑی لسٹڈ کمپنیوں میں ایبٹ لیبارٹریز کا شعبے کی مجموعی فروخت میں حصہ 20 فیصد رہا جس کے بعد گلیکسو اسمتھ کلائن پاکستان 18 فیصد، ہیلین پاکستان 11 فیصد اور سرل 10 فیصد حصے کے ساتھ نمایاں رہیں۔