ٹکٹوں کے بیلٹ کے لیے 3 لاکھ 20 ہزار سے زائد شائقین رجسٹریشن کراچکے ہیں، جس کے لیے رجسٹریشن 21 نومبر تک جاری رہے گی۔ ٹورنامنٹ کی میزبانی جنوبی افریقہ، زمبابوے اور نمیبیا مشترکہ طور پر کریں گے۔

پاکستان اور بھارت کے میچ کے ٹکٹوں کی سب سے زیادہ طلب سامنے آئی ہے، جس کے لیے ایک لاکھ 10 ہزار سے زائد درخواستیں موصول ہوچکی ہیں۔ جنوبی افریقہ اور بھارت کے میچ کے لیے 92 ہزار سے زائد جبکہ بھارت اور آسٹریلیا کے مقابلے کے لیے 86 ہزار سے زائد درخواستیں جمع کرائی گئی ہیں۔

آئی سی سی کے چیف ایگزیکٹو سنجوگ گپتا نے کہا، ’’ٹکٹوں کے بیلٹ کا آغاز ہونے کے صرف 48 گھنٹے سے زائد عرصے میں 10 لاکھ درخواستوں کا موصول ہونا آئی سی سی کرکٹ ورلڈ کپ 2027 کی مقبولیت، اہمیت اور کرکٹ شائقین کی وابستگی کا مظہر ہے۔‘‘

14 ٹیموں پر مشتمل یہ ٹورنامنٹ جنوبی افریقہ، زمبابوے اور نمیبیا میں 2 اکتوبر سے 21 نومبر تک کھیلا جائے گا۔