ایل ایس ای جی کے اعداد و شمار کے مطابق اگست میں تجارتی سرپلس ستمبر 2025 کے بعد سب سے زیادہ رہا۔

انڈونیشیا کے محکمہ شماریات کے مطابق اگست میں برآمدات سالانہ بنیاد پر 6.72 فیصد بڑھ کر 26.61 ارب ڈالر تک پہنچ گئیں جبکہ سروے میں 4.3 فیصد اضافے کی توقع ظاہر کی گئی تھی۔

درآمدات سالانہ بنیاد پر 19.09 فیصد بڑھ کر 23.06 ارب ڈالر ہوگئیں، جبکہ سروے میں 31.14 فیصد اضافے کی توقع ظاہر کی گئی تھی۔ قدرتی وسائل سے مالا مال انڈونیشیا کو رواں سال اپنی بعض اہم اجناس کی برآمدی قیمتوں میں اضافے سے فائدہ ہوا ہے جبکہ بعض فوائد مشرقِ وسطیٰ کے تنازع کے باعث عالمی سطح پر خام تیل کی قیمتوں میں اضافے سے حاصل ہوئے۔

تاہم، تیل کا خالص درآمد کنندہ ہونے کے باعث اس کے درآمدی بل میں بھی نمایاں اضافہ ہوا ہے۔

جنوب مشرقی ایشیا کی سب سے بڑی معیشت انڈونیشیا دنیا میں کوئلے، پام آئل اور نکل کا سب سے بڑا برآمد کنندہ جبکہ ٹِن، تانبے، ایلومینیم اور کافی کا ایک بڑا سپلائر ہے۔