ایس بی پی نے ایک پریس ریلیز میں کہا ہے کہ اس نے نئے بینک نوٹوں کے سلسلے کے اجرا کی تجویز پیش کی ہے، جو اس وقت وفاقی کابینہ کے زیر غور ہے۔ مرکزی بینک کے مطابق معاملہ ابھی زیر غور ہے اور کسی بھی مالیت کے نوٹ کو تبدیل کرنے یا بند کرنے کے حوالے سے کوئی فیصلہ نہیں کیا گیا۔

مرکزی بینک نے کہا کہ اگر ایسا کوئی فیصلہ کیا گیا تو اس سے عوام کو باضابطہ طور پر سرکاری ذرائع کے ذریعے آگاہ کیا جائے گا، جبکہ اگر کسی مالیت کے بینک نوٹ بند کیے گئے تو انہیں تبدیل کرنے کے لیے مناسب وقت دیا جائے گا۔

ایس بی پی نے عوام کو مشورہ دیا کہ وہ صرف بینک کی جانب سے جاری کردہ سرکاری اطلاعات پر ہی بھروسا کریں۔