مظاہرین نے امتحانی پرچوں کے مبینہ افشا اور دیگر بے ضابطگیوں کے خلاف احتجاج کیا۔ بہار پبلک سروس کمیشن کا یہ امتحان ریاستی انتظامیہ میں افسران کی بھرتی کے لیے منعقد کیا جاتا ہے۔

دسمبر 2024 میں ہونے والے امتحان میں 2 ہزار آسامیوں کے لیے 3 لاکھ سے زائد امیدوار شریک ہوئے تھے۔ ریاستی حکومت نے بڑے پیمانے پر پرچہ افشا ہونے کے الزامات مسترد کیے تھے، تاہم ایک مرکز پر دوبارہ امتحان کرایا گیا تھا۔

خبر رساں ادارے اے این آئی کے مطابق پٹنہ میں سیکڑوں مظاہرین نے پولیس کی رکاوٹیں توڑ دیں، جس پر انہیں پیچھے دھکیلنے کے لیے واٹر کینن استعمال کی گئی۔ پولیس نے متعدد مظاہرین کو حراست میں لے کر بسوں میں منتقل کردیا۔

سینئر پولیس افسر کے ایس انوپم نے کہا کہ احتجاج اب پُرامن ہے اور حکومت نے مظاہرین کے بیشتر مطالبات تسلیم کرلیے ہیں۔ تعلیم کے وزیر متھیلیش تیواری نے بھی کہا کہ طلبہ کے مطالبات پر توجہ دی گئی ہے اور مذاکرات کے دروازے کھلے ہیں۔