قطر نے بتایا تھا کہ اس کی سرچ اینڈ ریسکیو ٹیموں نے ایک پائلٹ کی لاش تلاش کرلی ہے۔ قطری حکام کے مطابق مارچ میں ایرانی طیاروں نے قطری فضائی حدود کی خلاف ورزی کی اور رابطے کی کوششوں کا جواب نہیں دیا۔

قطر کا کہنا ہے کہ اس نے لاش ایران کے حوالے کرنے کے لیے تہران سے رابطہ کیا اور سرچ اینڈ ریسکیو کارروائی کی تفصیلات کا جائزہ لینے کی دعوت بھی دی، تاہم ایران نے کوئی جواب نہیں دیا۔

ایرانی مسلح افواج کے جنرل اسٹاف کی لاپتا افراد کی تلاش سے متعلق کمیٹی کے کمانڈر محمد باقرزاده نے کہا کہ ایرانی فضائیہ کے ماہرین اور تحقیقاتی ٹیم کئی ماہ سے قطر جانے کی منتظر ہے۔ انہوں نے قطری حکام پر تحقیقات میں تاخیر اور پائلٹس کی واپسی روکنے کا الزام عائد کرتے ہوئے انٹرنیشنل کمیٹی آف ریڈ کراس سے معاملے کا فوری نوٹس لینے کا مطالبہ کیا۔

باقرزاده نے کویت پر بھی چار ایرانی شہریوں کے بارے میں معلومات روکنے کا الزام لگایا۔ ایران کے مطابق یہ افراد پاسداران انقلاب سے وابستہ تھے اور نیوی گیشن میں خرابی کے باعث کویتی حدود میں داخل ہوئے، جبکہ کویت کا کہنا ہے کہ انہیں ملک کے خلاف مبینہ کارروائی کی منصوبہ بندی کا شبہ ہے۔