معاہدے پر پی ایس ڈبلیو کے چیف ڈومین آفیسر نوید عباس میمن اور بورڈ آف ریونیو سندھ کے ممبر آر ایس اینڈ ای پی نذیر احمد قریشی نے دستخط کیے۔

تقریب میں بورڈ آف ریونیو سندھ اور پی ایس ڈبلیو کے اعلیٰ حکام نے بھی شرکت کی۔

معاہدے کے بعد الیکٹرانک اسٹامپ ڈیوٹی کی موجودہ وصولی کا نظام پاکستان ریونیو آٹومیشن لمیٹڈ سے پی ایس ڈبلیو کو منتقل ہوجائے گا یعنی اب یہ سروس پی ایس ڈبلیو کے جدید ڈیجیٹل نظام کے ذریعے فراہم کی جائے گی۔

واضح رہے کہ نئے نظام کے تحت بورڈ آف ریونیو سندھ کے لیےایک مخصوص انٹرفیس بھی فراہم کیا جائے گا جس کے ذریعے محکمہ اسٹامپ ڈیوٹی کی وصولی کو حقیقی وقت میں دیکھ سکے گااسکے علاوہ روزانہ اور ماہانہ بنیادوں پر وصول شدہ رقم کا سرکاری ریکارڈ کے ساتھ موازنہ اور تصدیق بھی کی جاسکے گی۔

اس نظام سے بورڈ آف ریونیو سندھ کو وصولیوں کی بہتر نگرانی کے ساتھ سرکاری آمدن کے ریکارڈ کی مؤثر جانچ میں بھی مدد ملے گی۔

بورڈ آف ریونیو سندھ کی پی ایس ڈبلیو پلیٹ فارم سے شمولیت ان صوبائی اور وفاقی اداروں میں ایک اور اضافہ ہے جنہوں نے گزشتہ ایک سال کے دوران اپنے مختلف نظام اور خدمات پی ایس ڈبلیو پر منتقل کیے ہیں، تاہم یہ پیشرفت سرکاری لین دین اور خدمات کے لیے پی ایس ڈبلیو کے ڈیجیٹل نظام کو مزید وسیع کرنے کی کوششوں کا حصہ ہے۔