ترسیلاتِ زر میں ماہانہ بنیاد پر 4.5 فیصد جبکہ سالانہ بنیاد پر 13 فیصد اضافہ ریکارڈ کیا گیا۔

جولائی تا جون مالی سال 2025-26 کے دوران بیرونِ ملک پاکستانیوں کی ترسیلاتِ زر 9 فیصد اضافے سے 41.6 ارب ڈالر ہوگئیں، جو گزشتہ مالی سال کے دوران 38.3 ارب ڈالر تھیں۔

ٹاپ لائن سیکیورٹیز نے ایک نوٹ میں کہا کہ مالی سال 2026-27 میں ترسیلاتِ زر 40.1 ارب ڈالر تک پہنچنے کی توقع ہے۔

ترسیلات زر ملکی بیرونی کھاتے کو سہارا دینے، معاشی سرگرمیوں کو فروغ دینے اور ترسیلات پر انحصار کرنے والے گھرانوں کی قابل تصرف آمدنی میں اضافے میں اہم کردار ادا کرتی ہیں۔

دریں اثنا، حکومت ترسیلات زر میں مستقل اضافے اور معاشی استحکام میں ان کے کردار کو یقینی بنانے کے لیے مراعات اور باضابطہ ذرائع کے ذریعے ترسیلات کی حوصلہ افزائی کر رہی ہے۔

ترسیلات زر کی تفصیل

سعودی عرب میں مقیم پاکستانیوں نے جولائی 2026 میں سب سے زیادہ 914 ملین ڈالر پاکستان بھیجے۔ یہ رقم گزشتہ سال جولائی میں بھیجی گئی 824 ملین ڈالر کی ترسیلات کے مقابلے میں 11 فیصد زیادہ جبکہ جون 2026 کے 830 ملین ڈالر کے مقابلے میں 10 فیصد زائد ہے۔

متحدہ عرب امارات سے ترسیلاتِ زر سالانہ بنیاد پر 11 فیصد بڑھ کر جولائی 2025 کے 665 ملین ڈالر سے جولائی 2026 میں 737 ملین ڈالر ہوگئیں۔ تاہم ماہانہ بنیاد پر یہ رقم 7 فیصد کم ہوئی، جو جون میں 792 ملین ڈالر تھی۔

برطانیہ میں مقیم پاکستانیوں نے جولائی 2026 میں 555 ملین ڈالر بھیجے، جو گزشتہ سال کے اسی ماہ کے 450 ملین ڈالر کے مقابلے میں 23 فیصد زیادہ ہیں۔

امریکہ میں مقیم پاکستانیوں نے جولائی میں 317 ملین ڈالر وطن بھیجے، جو جون کے 296 ملین ڈالر کے مقابلے میں 7 فیصد زیادہ ہیں۔

دوسری جانب یورپی یونین کے ممالک سے جولائی میں ترسیلاتِ زر 462 ملین ڈالر رہیں، جو جون میں موصول ہونے والے 415 ملین ڈالر کے مقابلے میں ماہانہ بنیاد پر 11 فیصد زیادہ ہیں۔