ایک بیان کے مطابق ملائیشیا، متحدہ عرب امارات اور چین کی کمپنیاں پاکستانی مارکیٹ میں داخل ہوئیں، جبکہ نئی رجسٹرڈ ہونے والی 112 کمپنیوں میں غیر ملکی ڈائریکٹرز شامل ہیں۔ان رجسٹریشنز میں 3,148 پرائیویٹ لمیٹڈ کمپنیاں، 2,117 سنگل ممبر کمپنیاں، 127 لمیٹڈ لائبیلٹی پارٹنرشپس (ایل ایل پیز)، 28 نان پرافٹ آرگنائزیشنز (غیر منافع بخش ادارے) اور 18 پبلک کمپنیاں شامل ہیں۔

بیان میں کہا گیا ہے کہ رجسٹریشنز میں سب سے بڑا حصہ پنجاب کا رہا جو 51 فیصد (2,756 کمپنیاں) تھا، اس کے بعد اسلام آباد 1,053، سندھ 864، خیبر پختونخوا 450، گلگت بلتستان 180 اور بلوچستان 135 کمپنیوں کے ساتھ رہا۔مزید برآں انفارمیشن ٹیکنالوجی (آئی ٹی) کے شعبے میں سب سے زیادہ 1,008 نئی کمپنیاں رجسٹرڈ ہوئیں، جس کے بعد ٹریڈنگ (845)، سروسز (638)، کنسٹرکشن (348)، فوڈ اینڈ بیوریجز (256)، ٹورازم (207)، ای کامرس (181)، ایجوکیشن (165)، ریئل اسٹیٹ ڈویلپمنٹ (162) اور کارپوریٹ ایگریکلچر (145) کے شعبے رہے۔

دریں اثنا صرف جون کے مہینے میں 4,323 نئی کمپنیاں رجسٹرڈ ہوئی تھیں، جو کسی بھی ایک مہینے میں ریکارڈ کی جانے والی سب سے بڑی تعداد تھی۔مالی سال کے دوران پبلک سیکٹر کمپنیوں کی رجسٹریشنز میں بھی 25 فیصد اضافہ دیکھا گیا۔