گیبریمیریم کو ایک وقت میں پاکستان انٹرنیشنل ایئر لائنز (پی آئی اے) کا چیف ایگزیکٹو بننے کے لیے بھی موزوں امیدوار سمجھا جا رہا تھا۔ گزشتہ ماہ بلومبرگ نے رپورٹ کیا تھا کہ پی آئی اے نے انہیں سی ای او کے عہدے کے لیے شارٹ لسٹ کیا تھا۔

ٹیولڈے نے کیمبل ولسن کی جگہ لی ہے، جنہوں نے 2022 میں ایئر انڈیا کے ٹاٹا گروپ کی ملکیت میں واپسی کے بعد سے ایئر لائن کی قیادت کی تھی اور بعد میں استعفیٰ دے دیا۔

ٹاٹا سنز کے چیئرمین این چندرشیکھرن نے کہا کہ ایئر لائن اب عملدرآمد اور توسیع کے ایک اہم دو میں داخل ہو رہی ہے۔

ٹیولڈے نے ایک دہائی سے زیادہ عرصے تک ایتھوپین ایئر لائنز گروپ کی قیادت کی۔

ایئر انڈیا نے بڑے پیمانے پر ایئر لائن کی تبدیلیوں کو منظم کرنے کے ان کے تجربے کو سراہا ہے۔

2022 میں سابقہ سرکاری ملکیت والی ایئر لائن کا کنٹرول دوبارہ حاصل کرنے کے بعد ٹاٹا گروپ نے ایئر انڈیا کی بحالی کے لیے ایک بڑے منصوبے کا آغاز کیا، جس کے تحت ریکارڈ تعداد میں طیاروں کے آرڈرز دیے گئے، پرانے بیڑے کو جدید بنایا گیا اور ایئر انڈیا کو گروپ کی دیگر ایئر لائنز کے ساتھ ضم کیا جا رہا ہے۔

ایئر لائن کو سب سے بڑا دھچکا جون 2025 میں لگا جب ایئر انڈیا کی پرواز 171، جو لندن جانے والی بوئنگ 787-8 ڈریم لائنر تھی، احمد آباد سے اڑان بھرنے کے کچھ ہی دیر بعد گر کر تباہ ہو گئی۔ حادثے میں طیارے میں سوار 242 افراد میں سے 241 افراد اور زمین پر موجود 19 افراد ہلاک ہو گئے۔

حادثے کے بعد ایئر لائن کو ریگولیٹری اداروں کی جانب سے سخت نگرانی کا سامنا ہے اور حفاظتی امور سے متعلق دیگر خامیوں پر اسے کئی وجوہات بتاؤ نوٹس بھی جاری کیے گئے ہیں۔