Business Recorder - Business & Finance https://urdu.brecorder.com/ Business Recorder en-Us Copyright 2026 Wed, 22 Jul 2026 20:04:30 +0500 Wed, 22 Jul 2026 20:04:30 +0500 60 پٹرولیم قیمتوں میں روزانہ ردوبدل، کاٹی نے خدشات ظاہر کردیے https://urdu.brecorder.com/news/40289045/ <p><strong>کورنگی ایسوسی ایشن آف ٹریڈ اینڈ انڈسٹری (کاٹی) نے کہا ہے کہ پٹرولیم مصنوعات کی قیمتوں کے یومیہ تعین سے معاشی استحکام کے بجائے غیر یقینی صورتحال میں اضافہ ہوگا جس کے باعث کاروباری منصوبہ بندی مزید مشکل ہو جائے گی۔</strong></p> <p>کاٹی کے صدر محمد اکرام راجپوت نے خبردار کیا کہ چھوٹے اور درمیانے درجے کے کاروباری ادارے (ایس ایم ایز) کو انتظامی اور مالی دباؤ کا زیادہ سامنا کرنا پڑے گا جبکہ ٹرانسپورٹ اور لاجسٹکس شعبے سب سے زیادہ متاثر ہونے والوں میں شامل ہوں گے۔</p> <p>انہوں نے کہا کہ مال برداری کے کرایوں، کنٹینر سروسز، خام مال اور تیار مصنوعات کی نقل و حمل کے اخراجات میں روزانہ کی بنیاد پر اتار چڑھاؤ آئے گا جس سے سپلائی چین متاثر ہوگی اور بالآخر ضروری اشیا کی قیمتوں میں اضافہ ہوگا۔</p> <p>انہوں نے مزید خبردار کیا کہ پاکستان کا برآمدی شعبہ اپنی مسابقتی صلاحیت کھو سکتا ہے کیونکہ کاروباری اداروں کے لیے پیداواری لاگت کا درست اندازہ لگانا مشکل ہو جائے گا جبکہ سرمایہ کاروں کا اعتماد بھی کمزور پڑ سکتا ہے جس سے نئی سرمایہ کاری کی رفتار متاثر ہوگی۔</p> <p>انہوں نے حکومت کی جانب سے پٹرولیم مصنوعات اور توانائی کی قیمتوں میں روزانہ کی بنیاد پر نظرثانی کے فیصلے پر شدید تحفظات کا اظہار کرتے ہوئے خبردار کیا کہ یہ اقدام معاشی استحکام مضبوط کرنے کے بجائے صنعت، تجارت، ٹرانسپورٹ اور صارفین کے لیے غیر یقینی صورتحال پیدا کرے گا۔</p> <p>کاپی رائٹ بزنس ریکارڈر 2026</p> کورنگی ایسوسی ایشن آف ٹریڈ اینڈ انڈسٹری (کاٹی) نے کہا ہے کہ پٹرولیم مصنوعات کی قیمتوں کے یومیہ تعین سے معاشی استحکام کے بجائے غیر یقینی صورتحال میں اضافہ ہوگا جس کے باعث کاروباری منصوبہ بندی مزید مشکل ہو جائے گی۔

کاٹی کے صدر محمد اکرام راجپوت نے خبردار کیا کہ چھوٹے اور درمیانے درجے کے کاروباری ادارے (ایس ایم ایز) کو انتظامی اور مالی دباؤ کا زیادہ سامنا کرنا پڑے گا جبکہ ٹرانسپورٹ اور لاجسٹکس شعبے سب سے زیادہ متاثر ہونے والوں میں شامل ہوں گے۔

انہوں نے کہا کہ مال برداری کے کرایوں، کنٹینر سروسز، خام مال اور تیار مصنوعات کی نقل و حمل کے اخراجات میں روزانہ کی بنیاد پر اتار چڑھاؤ آئے گا جس سے سپلائی چین متاثر ہوگی اور بالآخر ضروری اشیا کی قیمتوں میں اضافہ ہوگا۔

انہوں نے مزید خبردار کیا کہ پاکستان کا برآمدی شعبہ اپنی مسابقتی صلاحیت کھو سکتا ہے کیونکہ کاروباری اداروں کے لیے پیداواری لاگت کا درست اندازہ لگانا مشکل ہو جائے گا جبکہ سرمایہ کاروں کا اعتماد بھی کمزور پڑ سکتا ہے جس سے نئی سرمایہ کاری کی رفتار متاثر ہوگی۔

انہوں نے حکومت کی جانب سے پٹرولیم مصنوعات اور توانائی کی قیمتوں میں روزانہ کی بنیاد پر نظرثانی کے فیصلے پر شدید تحفظات کا اظہار کرتے ہوئے خبردار کیا کہ یہ اقدام معاشی استحکام مضبوط کرنے کے بجائے صنعت، تجارت، ٹرانسپورٹ اور صارفین کے لیے غیر یقینی صورتحال پیدا کرے گا۔

کاپی رائٹ بزنس ریکارڈر 2026

]]> Business & Finance https://urdu.brecorder.com/news/40289045 Wed, 22 Jul 2026 14:32:29 +0500 none@none.com (ریکارڈر رپورٹ)