یہ آپریشن پاکستان آرمی، فرنٹیئر کونسٹیبلری (ایف سی) بلوچستان اور پولیس کی جانب سے مشترکہ طور پر چلایا جا رہا ہے، جس میں صوبے کے اندر دہشت گردوں کے خلاف فضائی اور زمینی دونوں طرح کی کارروائیاں شامل ہیں۔سیکیورٹی ذرائع کا کہنا ہے کہ 5 جولائی سے اب تک اس علاقے میں آپریشن شعبان اور دیگر انٹیلی جنس بیسڈ آپریشنز کے دوران مجموعی طور پر 105 دہشت گرد ہلاک کیے جا چکے ہیں۔ انہوں نے مزید کہا کہ یہ آپریشن آخری دہشت گرد کے خاتمے تک جاری رہے گا۔

وزارتِ داخلہ نے تصدیق کی ہے کہ بلوچستان میں جاری آپریشن شعبان کے دوران مزید عسکریت پسن د مارے گئے ہیں، جبکہ وزیر داخلہ محسن نقوی نے اس آپریشن میں سیکیورٹی فورسز کی کامیابیوں کو سراہا ہے۔

ایک بیان میں وزیر داخلہ نے آپریشن میں حصہ لینے والے پاکستان آرمی، فرنٹیئر کور (ایف سی) بلوچستان اور پولیس کے جوانوں کو خراجِ تحسین پیش کرتے ہوئے کہا کہ ان کے مشترکہ اقدامات قومی سلامتی کے تحفظ کے لیے ریاست کے غیر متزلزل عزم کی عکاسی کرتے ہیں۔

محسن نقوی نے آپریشن میں شامل افسران اور جوانوں کی بہادری اور پیشہ ورانہ مہارت کی تعریف کی اور اس بات کا اعادہ کیا کہ پاکستان کی سرزمین پر دہشت گردوں کے لیے کوئی جگہ نہیں ہے۔ انہوں نے کہا کہ قوم اپنی سیکیورٹی فورسز کے ساتھ شانہ بشانہ کھڑی ہے اور دہشت گردی کے مکمل خاتمے کے لیے پرعزم ہے۔وزیر داخلہ کا کہنا تھا کہ دہشت گردوں کے خلاف کارروائیاں پوری قوت کے ساتھ جاری ہیں اور اس ناسور کے خاتمے تک جاری رہیں گی۔