فرانسیسی وزیر خارجہ جین نوئل باروٹ نے ٹی ایف ون ٹیلی ویژن کو انٹرویو دیتے ہوئے امریکی حملوں سے متعلق ایک سوال کے جواب میں کہا کہ یہ ایران تھا جس نے عمانی سمندری حدود میں چلنے والے بحری جہازوں کو نشانہ بنا کر نہ صرف اپنے وعدوں کی خلاف ورزی کی بلکہ بین الاقوامی قوانین کو بھی پامال کیا۔

نوئل باروٹ نے مزید کہا کہ ایران نے گزشتہ ماہ امریکہ کے ساتھ طے پانے والے معاہدے کی خلاف ورزی کی ہے، انہوں نے متحارب قوتوں کے درمیان تحمل کا مظاہرہ کرنے پر زور دیا۔

انہوں نے کہا کہ اس قسم کی کارروائیوں کا فوری رکنا ضروری ہے تاکہ اہم مذاکرات کو بہترین ممکنہ حالات میں جاری رکھا جا سکے۔

امریکہ اور ایران کے درمیان آبنائے ہرمز کے اسٹریٹجک کنٹرول پر جاری کشمکش کے باعث جمعرات کو مسلسل دوسرے دن بھی جوابی حملوں کا تبادلہ ہوا۔

امریکی افواج نے کہا کہ ایران پر ان کے حالیہ حملوں کا مقصد آبنائے ہرمز میں کی آزادی کو خطرے میں ڈالنے کی ایران کی صلاحیت کو کم کرنا ہے جس کی وجہ اس آبی گزرگاہ میں جہازوں پر کیے گئے حالیہ حملے ہیں۔

ایران نے دعویٰ کیا ہے کہ اس نے کویت اور بحرین میں امریکی اڈوں پر جوابی حملے کیے ہیں۔