یہ غیر معمولی یو ایف سی فریڈم 250 مقابلہ وائٹ ہاؤس کے جنوبی لان میں ہوگا، جس میں 14 الٹی میٹ فائٹنگ چیمپئن شپ کے اسٹارز ایک بڑے اسٹیڈیم نما ایرینا میں مقابلہ کریں گے جسے دی کلاؤ کا نام دیا گیا ہے۔ اس ایونٹ پر تقریباً 6 کروڑ ڈالر لاگت آ رہی ہے، اور اسے امریکی آزادی کی 250ویں سالگرہ کی تقریبات سے بھی جوڑا جا رہا ہے۔

تنقید کرنے والوں نے اس ایونٹ کو تشدد پر مبنی اور غیر مناسب قرار دیا ہے، خاص طور پر ایسے وقت میں جب ایران کے ساتھ کشیدگی کے باعث عالمی سطح پر تیل کی قیمتیں بڑھ رہی ہیں اور عوام مہنگائی کے دباؤ کا شکار ہیں۔

تاہم وائٹ ہاؤس کا کہنا ہے کہ اس ایونٹ کی تمام مالی ذمہ داری یو ایف سی نے خود اٹھائی ہے۔

یو ایف سی کے حکام کے مطابق اس ایونٹ کا مقصد امریکی آزادی اور کھلاڑیوں کو خراجِ تحسین پیش کرنا ہے، نہ کہ سیاست کو کھیل میں شامل کرنا۔

اطلاعات کے مطابق کچھ فائٹرز وائٹ ہاؤس کے اوول آفس سے باہر آ کر اس تاریخی ایونٹ کا آغاز کریں گے۔