Business Recorder - Business & Finance https://urdu.brecorder.com/ Business Recorder en-Us Copyright 2026 Tue, 09 Jun 2026 14:18:22 +0500 Tue, 09 Jun 2026 14:18:22 +0500 60 ڈسکوز اور کے الیکٹرک صارفین کو 1.98 روپے فی یونٹ ریلیف دینے کا فیصلہ https://urdu.brecorder.com/news/40287263/ <p><strong>نیشنل الیکٹرک پاور ریگولیٹری اتھارٹی( نیپرا) نے ڈسکوز اور کے-الیکٹرک کے لیے منفی سہ ماہی ٹیرف ایڈجسٹمنٹ ( کیو ٹی اے) کا تفصیلی فیصلہ جاری کر دیا ہے، جس کے تحت بجلی کی قیمت میں 1.9857 روپے فی یونٹ کمی کی جائے گی۔ یہ ریلیف صارفین کو جون، جولائی اور اگست 2026 کے بلوں میں منتقل کیا جائے گا۔</strong></p> <p>فیصلے کے مطابق نیپرا نے 7 جنوری 2026 کو کیلنڈر سال 2026 کے لیے صارفین کے لیے بجلی کا ٹیرف اور پاور پرچیز پرائس (پی پی پی) کا حوالہ طے کر کے وفاقی حکومت کو بھجوایا تھا، جس کے بعد حکومت نے قانونی شقوں کے تحت یکساں صارفین ٹیرف کی منظوری کی درخواست دی۔ یہ معاملہ 12 جنوری 2026 کو نیپرا نے نمٹایا اور 13 جنوری کو اس کا نوٹیفکیشن جاری کیا گیا۔</p> <p>سہ ماہی ایڈجسٹمنٹ کے تحت ڈسکوز نے جنوری تا مارچ 2026 کی سہ ماہی کے لیے درخواستیں جمع کرائیں، جن میں ٹرانسمیشن اینڈ ڈسٹری بیوشن (ٹی اینڈ ڈی) لاسز سمیت مختلف عوامل کے باعث لاگت میں تبدیلی ظاہر کی گئی۔ بعد ازاں سنٹرل پاور پرچیزنگ ایجنسی (سی پی پی اے-جی) نے 63.9 ارب روپے کی اضافی ایڈجسٹمنٹ جمع کرائی۔</p> <p>نیپرا نے شفافیت کے لیے عوامی سماعت بھی کی، جس میں تمام اسٹیک ہولڈرز کو اپنا موقف پیش کرنے کا موقع دیا گیا۔ سماعت میں ڈسکوز نے اپنے اعداد و شمار پیش کیے جبکہ ریگولیٹر نے سی پی پی اے-جی کے ڈیٹا کی بنیاد پر فیصلہ کیا۔</p> <p>اتھارٹی نے ہدایت کی کہ آئندہ سی پی پی اے-جی پلانٹ وائز تفصیلات فراہم کرے تاکہ شفافیت بہتر بنائی جا سکے۔ نیٹ میٹرنگ اور دوطرفہ معاہدوں سے حاصل بجلی کی قیمت کا حساب بھی منظور شدہ نرخوں کے مطابق کیا گیا۔</p> <p>نیپرا نے ٹی اینڈ ڈی لاسز کے طریقہ کار میں بھی یکسانیت لانے کا فیصلہ کیا اور آئندہ کے لیے مالی سال کے اہداف کے مطابق حساب کتاب کرنے کی ہدایت دی۔</p> <p>فیصلے کے مطابق مجموعی طور پر 67.17 ارب روپے کی منفی ایڈجسٹمنٹ منظور کی گئی ہے، جس کے نتیجے میں 1.9857 روپے فی یونٹ کمی ہوگی۔ یہ ریلیف صرف مخصوص صارفین کے علاوہ عام صارفین کو تین ماہ تک دیا جائے گا۔ نیپرا نے یہی ریلیف کے-الیکٹرک صارفین پر بھی لاگو کرنے کی ہدایت دی ہے۔</p> <p>کاپی رائٹ بزنس ریکارڈر، 2026</p> نیشنل الیکٹرک پاور ریگولیٹری اتھارٹی( نیپرا) نے ڈسکوز اور کے-الیکٹرک کے لیے منفی سہ ماہی ٹیرف ایڈجسٹمنٹ ( کیو ٹی اے) کا تفصیلی فیصلہ جاری کر دیا ہے، جس کے تحت بجلی کی قیمت میں 1.9857 روپے فی یونٹ کمی کی جائے گی۔ یہ ریلیف صارفین کو جون، جولائی اور اگست 2026 کے بلوں میں منتقل کیا جائے گا۔

فیصلے کے مطابق نیپرا نے 7 جنوری 2026 کو کیلنڈر سال 2026 کے لیے صارفین کے لیے بجلی کا ٹیرف اور پاور پرچیز پرائس (پی پی پی) کا حوالہ طے کر کے وفاقی حکومت کو بھجوایا تھا، جس کے بعد حکومت نے قانونی شقوں کے تحت یکساں صارفین ٹیرف کی منظوری کی درخواست دی۔ یہ معاملہ 12 جنوری 2026 کو نیپرا نے نمٹایا اور 13 جنوری کو اس کا نوٹیفکیشن جاری کیا گیا۔

سہ ماہی ایڈجسٹمنٹ کے تحت ڈسکوز نے جنوری تا مارچ 2026 کی سہ ماہی کے لیے درخواستیں جمع کرائیں، جن میں ٹرانسمیشن اینڈ ڈسٹری بیوشن (ٹی اینڈ ڈی) لاسز سمیت مختلف عوامل کے باعث لاگت میں تبدیلی ظاہر کی گئی۔ بعد ازاں سنٹرل پاور پرچیزنگ ایجنسی (سی پی پی اے-جی) نے 63.9 ارب روپے کی اضافی ایڈجسٹمنٹ جمع کرائی۔

نیپرا نے شفافیت کے لیے عوامی سماعت بھی کی، جس میں تمام اسٹیک ہولڈرز کو اپنا موقف پیش کرنے کا موقع دیا گیا۔ سماعت میں ڈسکوز نے اپنے اعداد و شمار پیش کیے جبکہ ریگولیٹر نے سی پی پی اے-جی کے ڈیٹا کی بنیاد پر فیصلہ کیا۔

اتھارٹی نے ہدایت کی کہ آئندہ سی پی پی اے-جی پلانٹ وائز تفصیلات فراہم کرے تاکہ شفافیت بہتر بنائی جا سکے۔ نیٹ میٹرنگ اور دوطرفہ معاہدوں سے حاصل بجلی کی قیمت کا حساب بھی منظور شدہ نرخوں کے مطابق کیا گیا۔

نیپرا نے ٹی اینڈ ڈی لاسز کے طریقہ کار میں بھی یکسانیت لانے کا فیصلہ کیا اور آئندہ کے لیے مالی سال کے اہداف کے مطابق حساب کتاب کرنے کی ہدایت دی۔

فیصلے کے مطابق مجموعی طور پر 67.17 ارب روپے کی منفی ایڈجسٹمنٹ منظور کی گئی ہے، جس کے نتیجے میں 1.9857 روپے فی یونٹ کمی ہوگی۔ یہ ریلیف صرف مخصوص صارفین کے علاوہ عام صارفین کو تین ماہ تک دیا جائے گا۔ نیپرا نے یہی ریلیف کے-الیکٹرک صارفین پر بھی لاگو کرنے کی ہدایت دی ہے۔

کاپی رائٹ بزنس ریکارڈر، 2026

]]> Business & Finance https://urdu.brecorder.com/news/40287263 Tue, 09 Jun 2026 09:46:03 +0500 none@none.com (مشتاق گھمن)