اسپاٹ گولڈ کی قیمت 0.3 فیصد کمی کے بعد 4,462.22 ڈالر فی اونس تک آ گئی، جبکہ رواں ہفتے کے دوران مجموعی طور پر اس میں تقریباً 1.6 فیصد کمی ریکارڈ کی گئی۔ اسی طرح اگست میں فراہمی کے لیے امریکی گولڈ فیوچرز 0.4 فیصد گر کر 4,489 ڈالر فی اونس پر آ گئے۔

دوسری جانب ایران کی حمایت یافتہ لبنانی تنظیم حزب اللہ نے نئی جنگ بندی کی تجویز مسترد کر دی ہے جبکہ اسرائیل نے لبنان سے اپنی فوجیں واپس بلانے سے انکار کر دیا ہے، جس سے امریکی صدر ڈونلڈ ٹرمپ کی خطے میں امن قائم کرنے کی کوششوں کو دھچکا پہنچا ہے۔

ادھر کنساس سٹی فیڈرل ریزرو کے صدر جیفری شمڈ نے کہا ہے کہ امریکی مرکزی بینک کے پاس یا تو شرح سود برقرار رکھنے یا مہنگائی پر قابو پانے کے لیے مزید اضافہ کرنے کا آپشن موجود ہے۔ سان فرانسسکو فیڈ کی صدر میری ڈیلی کا کہنا ہے کہ آئندہ فیصلے معیشت کی کارکردگی کو مدنظر رکھ کر کیے جائیں گے۔

مارکیٹ کی نظریں اب مئی کے امریکی نان فارم پے رولز اعداد و شمار پر مرکوز ہیں، جن سے فیڈرل ریزرو کی آئندہ مانیٹری پالیسی کا اندازہ لگایا جائے گا۔

دریں اثنا چاندی، پلاٹینم اور پیلاڈیم کی قیمتوں میں بھی کمی ریکارڈ کی گئی اور یہ تینوں دھاتیں بھی ہفتہ وار خسارے کی جانب بڑھ رہی ہیں۔