پولیس نے بتایا کہ آگ جنوبی دہلی کے علاقے مالویہ نگر میں واقع ہوٹل میں لگی، جو زیادہ تر رہائشی علاقہ ہے اور طلبہ و نوجوان پیشہ ور افراد میں مقبول ہے۔

حکام کے مطابق اب تک 40 افراد کو ریسکیو کر لیا گیا ہے جبکہ امدادی کارروائیاں جاری ہیں۔

ٹیلی ویژن مناظر میں عمارت کو شعلوں میں لپٹا ہوا دکھایا گیا، دھواں بلند ہو رہا تھا اور عمارت کا بیرونی حصہ جل چکا تھا، جبکہ قریبی تنگ گلیوں میں لوگ یہ منظر دیکھ رہے تھے۔ فوٹیج میں یہ بھی دیکھا گیا کہ دو افراد عمارت کی بالائی منزل سے چھلانگ لگا رہے ہیں۔

مقامی انتظامیہ کے اہلکار جیتندر کمار نے میڈیا کو بتایا کہ عمارت کی گراؤنڈ فلور پر ایک ریسٹورنٹ بھی چل رہا تھا اور ابتدائی طور پر شبہ ہے کہ آگ اسی سے شروع ہوئی۔

بھارتی وزیرِاعظم نریندر مودی نے واقعے پر افسوس کا اظہار کرتے ہوئے قیمتی جانوں کے ضیاع کو انتہائی المناک قرار دیا اور متاثرہ خاندانوں سے تعزیت کی جبکہ زخمیوں کی جلد صحتیابی کی دعا کی۔