ٹرمپ نے یہ بھی کہا کہ مذاکرات کا انجام کیا ہوگا، اس بارے میں ’’کچھ نہیں کہا جا سکتا‘‘، کیونکہ کئی ہفتوں سے جاری براہِ راست اور بالواسطہ بات چیت 28 فروری کو شروع ہونے والی امریکہ،اسرائیل اور ایران جنگ کے خاتمے میں تاحال کامیاب نہیں ہو سکی۔

ٹرمپ نے اپنے سوشل میڈیا پلیٹ فارم ٹروتھ سوشل پر لکھا، ’’یہ خبریں کہ اسلامی جمہوریہ ایران اور امریکہ نے چند روز قبل ایک دوسرے سے بات چیت بند کر دی ہے، جھوٹی اور گمراہ کن ہیں۔‘‘

ٹرمپ نے کہا کہ ’’ہمارے درمیان بات چیت کا سلسلہ مسلسل جاری ہے، چار روز پہلے بھی، تین روز پہلے بھی، دو روز پہلے بھی، گزشتہ روز بھی اور آج بھی۔‘‘

انہوں نے مزید کہا کہ ’’یہ مذاکرات کہاں جا کر ختم ہوں گے، اس بارے میں کچھ نہیں کہا جا سکتا، لیکن جیسا کہ میں نے ایران سے کہا ہے، ’اب وقت آ گیا ہے کہ کسی نہ کسی صورت ایک معاہدہ کر لیا جائے۔ آپ 47 برس سے یہی طرزِ عمل اپنائے ہوئے ہیں اور اب اسے مزید جاری رہنے کی اجازت نہیں دی جا سکتی۔‘‘‘