برینٹ خام تیل کی قیمت 45 سینٹ یا 0.4 فیصد کمی کے بعد 110.83 ڈالر فی بیرل تک آ گئی، جبکہ امریکی ویسٹ ٹیکساس انٹرمیڈیٹ خام تیل 27 سینٹ یا 0.3 فیصد کمی کے ساتھ 103.88 ڈالر فی بیرل پر ٹریڈ ہوا۔

منگل کے روز دونوں بینچ مارکس تقریباً ایک ڈالر گر گئے تھے، جب امریکی نائب صدر جے ڈی وینس نے کہا کہ امریکہ اور ایران کے درمیان مذاکرات میں پیش رفت ہوئی ہے اور دونوں فریق فوجی کارروائیوں کی بحالی نہیں چاہتے۔

فوجیٹومی سیکیورٹیز کے تجزیہ کار توشیتاکا تزاوا کے مطابق سرمایہ کار یہ جاننے کے خواہاں ہیں کہ آیا واشنگٹن اور تہران واقعی کسی مشترکہ نکتے پر پہنچ سکتے ہیں یا نہیں، کیونکہ امریکی مؤقف روزانہ تبدیل ہو رہا ہے۔ ان کے مطابق اگرچہ امن معاہدہ ہو بھی جائے، تب بھی ایران سے تیل کی سپلائی فوری طور پر جنگ سے پہلے کی سطح پر بحال ہونے کا امکان کم ہے، اسی لیے قیمتیں بلند رہ سکتی ہیں۔

دوسری جانب ٹرمپ نے امریکی قانون سازوں سے گفتگو میں کہا کہ ایرانی قیادت معاہدے کے لیے بے چین ہے، تاہم اگر کوئی سمجھوتہ نہ ہوا تو آئندہ چند دنوں میں ایران پر نئی امریکی کارروائی ہو سکتی ہے۔

ایران کے خلاف امریکی اور اسرائیلی جنگ کے باعث آبنائے ہرمز مؤثر طور پر بند ہو چکی ہے، جہاں سے دنیا کی تقریباً 20 فیصد حصہ تیل سپلائی گزرتی ہے۔ انٹرنیشنل انرجی ایجنسی کے مطابق یہ صورتحال عالمی سطح پر تیل کی فراہمی میں سب سے بڑا خلل بن چکی ہے۔