ڈالر انڈیکس، جو چھ بڑی کرنسیوں کے مقابلے میں امریکی ڈالر کی طاقت کو ظاہر کرتا ہے، 99.026 پر مستحکم رہا۔ پیر کے روز یہ 0.3 فیصد کمی کے ساتھ پانچ روزہ مسلسل اضافے کا سلسلہ توڑ چکا تھا۔ ویسٹ پیک کے تجزیہ کاروں کے مطابق امریکی صدر کے فیصلے اور خلیجی ممالک کی اپیلوں کے بعد مارکیٹ میں جذبات بہتر ہوئے۔

امریکی 10 سالہ ٹریژری بانڈ کی پیداوار 3 بیسس پوائنٹس کمی کے بعد 4.591 فیصد پر آ گئی، جو ایک سال کی بلند ترین سطح سے نیچے ہے، کیونکہ مہنگائی میں تیز اضافے کے خدشات کچھ کم ہوئے ہیں۔ برینٹ کروڈ فیوچرز بھی 2.4 فیصد کمی کے ساتھ 109.43 ڈالر فی بیرل پر آ گئے۔

گزشتہ ہفتے ڈالر کو مشرقِ وسطیٰ میں جنگی کشیدگی اور عالمی بانڈ مارکیٹس میں فروخت کے دباؤ کے باعث محفوظ سرمایہ سمجھ کر تقویت ملی تھی، کیونکہ آبنائے ہرمز کی بندش اور توانائی کی سپلائی میں خلل سے مہنگائی بڑھنے کے خدشات پیدا ہوئے تھے۔

فیڈ فنڈز فیوچرز کے مطابق امریکی مرکزی بینک کی 9 دسمبر کی اجلاس میں شرح سود میں 25 بیسس پوائنٹ اضافے کا امکان 36.2 فیصد تک بڑھ گیا ہے، جو ایک ماہ قبل صرف 0.5 فیصد تھا۔

جاپانی ین کے مقابلے میں ڈالر 158.895 پر مستحکم رہا، جبکہ جاپان کی معیشت پہلی سہ ماہی میں سالانہ بنیاد پر 2.1 فیصد بڑھ گئی۔ جاپانی وزیر خزانہ نے غیر معمولی کرنسی اتار چڑھاؤ کے خلاف ہر ممکن اقدام کی یقین دہانی کرائی ہے۔

یورو 1.1650 ڈالر پر مستحکم رہا، برطانوی پاؤنڈ 0.1 فیصد کمی کے ساتھ 1.3427 ڈالر پر آ گیا، جبکہ آسٹریلین اور نیوزی لینڈ ڈالرز میں بھی معمولی کمی دیکھی گئی۔ چینی یوان کے مقابلے میں ڈالر 6.798 پر مستحکم رہا۔

کرپٹو مارکیٹ میں بٹ کوائن 0.2 فیصد اضافے کے ساتھ 77,005.69 ڈالر پر اور ایتھرم 0.8 فیصد بڑھ کر 2,131.91 ڈالر پر ٹریڈ ہوا۔