انہوں نے اپنی سوشل میڈیا پلیٹ فارم ٹروتھ سوشل پر کہا ہے کہ ” جنوبی کوریا کے جہاز کے علاوہ، اس وقت آبنائے سے گزرنے والے راستے میں کوئی نقصان نہیں ہوا۔“

یہ بیان ایسے وقت میں سامنے آیا جب نئی کشیدگی کے باعث عالمی منڈی میں تیل کی قیمتوں میں اضافہ دیکھا گیا۔

امریکی صدر ڈونلڈ ٹرمپ نے اپنی سوشل میڈیا پلیٹ فارم ٹروتھ سوشل پر لکھا ہے کہ ایران نے بحری نقل و حرکت کے حوالے سے مختلف غیر متعلقہ ممالک پر حملے کیے ہیں، جن میں ”پروجیکٹ فریڈم“ کے تحت ایک جنوبی کوریائی کارگو جہاز بھی شامل ہے۔

انہوں نے کہا کہ شاید اب وقت آ گیا ہے کہ جنوبی کوریا بھی اس مشن میں شامل ہو جائے۔ ٹرمپ کے مطابق امریکی افواج نے سات چھوٹی کشتیوں کو نشانہ بنایا ہے، جنہیں وہ ” تیز رفتار بوٹس“ کہتے ہیں۔

انہوں نے مزید کہا کہ ”جنوبی کوریائی جہاز کے علاوہ، اس وقت آبنائے سے گزرنے والے راستے میں کوئی نقصان نہیں ہوا۔“

ٹرمپ نے یہ بھی بتایا کہ جنگی امور کے وزیر پیٹ ہیگستھ اور جوائنٹ چیفس آف اسٹاف کے چیئرمین ڈین کین کل صبح اس معاملے پر ایک پریس کانفرنس کریں گے۔

انہوں نے اپنے بیان کے آخر میں کہا: ”اس معاملے پر توجہ دینے کا شکریہ۔ صدر ڈونلڈ جے ٹرمپ۔“