اسپاٹ گولڈ کی قیمت 0.2 فیصد اضافے کے ساتھ 4,693.04 ڈالر فی اونس ریکارڈ کی گئی، جبکہ جون کے لیے امریکی گولڈ فیوچرز 0.3 فیصد بڑھ کر 4,707.80 ڈالر تک پہنچ گئے۔

امریکی صدر ڈونلڈ ٹرمپ نے پیر کے روز اپنی قومی سلامتی ٹیم کے ساتھ ایران کی نئی تجویز پر غور کیا، تاہم ایک امریکی عہدیدار کے مطابق وہ اس تجویز سے ناخوش ہیں کیونکہ اس میں ایران کے جوہری پروگرام کا واضح ذکر شامل نہیں تھا۔ اسی وجہ سے مشرق وسطیٰ میں جاری کشیدگی برقرار ہے اور توانائی کی ترسیل بھی متاثر ہو رہی ہے۔

ماہرین کے مطابق عالمی اقتصادی غیر یقینی صورتحال اور مرکزی بینکوں کی بڑھتی ہوئی طلب کے باعث سونے کی قیمتوں میں سالانہ اوسط اضافہ متوقع ہے۔ ایک سروے کے مطابق سرمایہ کار مہنگائی اور مشرق وسطیٰ کی کشیدگی کو دیکھتے ہوئے سونے کو محفوظ سرمایہ کاری سمجھ رہے ہیں۔

دوسری جانب امریکہ کے فیڈرل ریزرو کی جانب سے بدھ کے روز شرح سود کو برقرار رکھنے کا امکان ہے، جبکہ جاپان کے مرکزی بینک، یورپی مرکزی بینک اور بینک آف انگلینڈ کے فیصلے بھی اس ہفتے متوقع ہیں۔

چاندی کی قیمت 0.5 فیصد اضافے کے ساتھ 75.91 ڈالر فی اونس، پلاٹینم 0.7 فیصد بڑھ کر 1,997.22 ڈالر جبکہ پیلاڈیم مستحکم رہتے ہوئے 1,476.47 ڈالر فی اونس پر برقرار رہا۔